الموضوع: متى يتم تغيير الزيت ؟

كيف لى ان اعرف وقت تغيير الزيت فى الماروتى 2008 ؟ و اى الانواع اقضل لها ؟ و ما هية جنسية السوزوكى ؟ يابانى ؟ ولا كورى ؟ ولا اية ؟

المشاركة الأصلية كتبت بواسطة ahmed_samy2002

كيف لى ان اعرف وقت تغيير الزيت فى الماروتى 2008 ؟ و اى الانواع اقضل لها ؟ و ما هية جنسية السوزوكى ؟ يابانى ؟ ولا كورى ؟ ولا اية ؟

العربية يلبانى متقفلة فى الهند يعنى الموتور يابانى وكذلك الأجزاء الأساسية وباقى الكماليات من الهند
بالنسبة للزيت ممكن تحط أى نوع يعجبك مثلاً موبيل ون 5000 كم أو موبيل ون 10000كم
وتحط معاك أجندة فى العربية تكتب فيها غيرت عند كام كيلو ولادما يخلصوا تغير تانى ومتنساش الفلتر بيتغير كل 10000 كم يبقى كل مرتين تغير من الزيت الــ 5000 أو كل مرة لو بتحط زيت 10000 كم
أنا بقى عن نفسى كنت بحط موبيل 5000 كم لما كنت بتعامل مع التوكيل ، ولما قاطعت التوكيل بقيت بحط زيت أمارات مصر 5000 كم الجركن 4 لتر بــ 90 جنيه ( مبرضاش أحط من السايب علشان مابطمنش للسايب أبداً والفرق بسيط جداً فخليك فى المضمون أحسن)
على فكرة العربية الماروتى بتاخد 2.5 لتر زيت من غير فلتر ، وبالفلتر تقريباً 3 ألا ربع
على فكرة ممكن ناس تقولك غير بعد ثلثين المسافة اللى مكتوبة على الجركن ( يعنى لو حاطط زيت 5000 كم يبقى تغيره بعد 3500 كم ) طبعاً كلام مش مظبوط أنا بغيره بعد المسافة بالظبط خمسة يعنى خمسة وساعات أكتر والله ومفيش حاجة بتحصل والحمد لله
ممكن تعرف أن الزيت عايز يتغير لما صوت الموتور يعلى معاك شوية