سؤال الى خبراء السيراتو( مهم جداااااااا )

اولا السلام عليكم جميعا.
نظرا لعدم خبرتى فى السيارات ارجو المساعدة
انا كان فية حاجة حصلت معايا كدة امبارح و كنت عايز استفسر عليها.
انا امبارح كنت ماشى بالعربية بتاعتى على سرعة 80 والطريق وقف فاجأة و كبست فرامل فجأة بس الغريب بقى ان الفرامل ممسكتش جامد. بصراحة انا قلقت.اتصلت بالتوكيل و مكنتش طبعا حاجز بس الناس هناك بصراحة لما قولتلهم ان الموضوع مهم عشان انا شغلى فى القرية الذكية و بروح بيها كل يومو طريقى هوة المحور و لو دة عيب فى الفرامل هتبقى كارثة الناس قالولى انت تشرف طبعا فى اى وقت و فعلا روحت بيها و المهندس شفها و قال ليا ان دة طبيعى ان لما تكون ماشى على سرعة و كبست اخر الفرامل العربية متكلبش فى الارض و ان abs هوا الى بيخلى الفرامل زى ما تقولو كدة تقطع عشان العربية متعومش منك لما تفرمل على سرعات عالية.

انا عايز بقى اساتذة السيراتو يقلولى هو دة الطبيعى فى الفرامل abs ولا فية مشكلة فعلا ؟
طبعا انا مش عايز اقول انا قلقان ازاى من الموضوع دة.:11::11::11::11::11:

بص ياباشاabsهى فرامل ماتخليش العجل يكلبش فى الارض عشان العربية ماتزحلقش وتنحرف منك
وكلام المهندس مظبوط هى بتمسك وتفك وتمسك وتفك وانتا مش هتحس وكل دة عشان العربية تقف فى خط مستقيم

بالظبط زى ما الأستاذ حازم قال وكمان ده اللى بيخلى أحيانا العربيات اللى فيها فرامل abs تكون مسافة الفرامل بتاعتها أكبر فى السرعات البسيطه.

بتحس ان الفرامل بتكتك تحت رجلك خاصة اذا عملت انحراف حتى لو بسيط بالدركسيون وهذا لمنع انغلاق العجلantilock braking system
نظام الكوابح مانع للانزلاق، أو ABS هو نظام الأمان يحول دون انزلاق عجلات السيارات أثناء استخدام المكابح
ويسمح هذا النظام للسائق الحفاظ على السيطرة في ظل المكابح الثقيلة من خلال منع انزلاق العجلات والسماح لمواصلة التعامل مع سطح الطريق وفقا لتوجيهات قيادة السائق. في حين يتيح نظام كوابح مانع للانزلاق سيطرة أفضل السيارة ويمكن أن يخفض مسافة التوقف على الأسطح الجافة والمنزلقة، ويمكن أيضا زيادة مسافة الكبح على الأسطح الرخوة مثل الثلج والحصى [1]
منذ انتشار إنتاج السيارات، تطورت كثيرا أنظمة المكابح المانعة للانغلاق. ولا تمنع فقط الإصدارات الحديثة قفل العجلات أثناء الفرملة، ولكن أيضا السيطرة الإلكترونية على الجبهة الخلفية المكابح. هذه الوظيفة، تعتمد على قدراتها الخاصة وتنفيذها، تعرف باسم التوزيع الالكتروني لقوة المكابح، نظام التحكم في الاحتكاك، مكابح الطوارئ المساعدة، أو التحكم بالثبات الإلكتروني.منقول من ويكيبيديا

اقتباس:

---

منذ انتشار إنتاج السيارات، تطورت كثيرا أنظمة المكابح المانعة للانغلاق. ولا تمنع فقط الإصدارات الحديثة قفل العجلات أثناء الفرملة، ولكن أيضا السيطرة الإلكترونية على الجبهة الخلفية المكابح. هذه الوظيفة، تعتمد على قدراتها الخاصة وتنفيذها، تعرف باسم التوزيع الالكتروني لقوة المكابح، نظام التحكم في الاحتكاك، مكابح الطوارئ المساعدة، أو التحكم بالثبات الإلكتروني.منقول من ويكيبيديا

---

الجزء ده تحديدا, ملغي تماما من مقرر السيارات في مصر...... يعني الصفحه دي مقطوعه من عندنا

الكلام ده مش موجود عندنا و بالتالي بلاش نتكلم عليه علشان انا بتعب نفسيا الله يكرمك...

خلينا في الجزء الخاص بالـabs, و ممكن ebd..... و هو ده آخرنا ولله الحمد...

عادى ياباشا لاتقلق

حصلتلى مرتين فرملت فجآة

حسيت بكركرة تحت رجلى

وتحس ان العجل بيلف على الفاضى بس ده عشان متزحفش وبيوزع الفرملة على ال4 فرد

بس ده طبيعى وهى دى وظيفة ال ABS


وده فيديو هيوضحلك وظيفة الABS

[youtube]http://www.youtube.com/watch?v=LoJ3hVyVifc[/youtube]

خد الفيديو ده كمان

[youtube]http://www.youtube.com/watch?v=xd5KDvXbE3M[/youtube]

وده فيديو بيوضح اهمية ال ESP (الثبات الإلكترونى) ودى طبعا مش من حق الناس اللى زينا

والحمدلله على كل شىء :)

[youtube]http://www.youtube.com/watch?v=L1qt84c2KN0[/youtube]

خد ده كمان عشان ابقى كده خلصت ذمتى :E_braces[1]:

شايفين حلاوة ال ESP ؟؟ :Ka_che1[1]:

[youtube]http://www.youtube.com/watch?v=NiZjeeMExY4[/youtube]

انا اعتقد ان العربيه طبيعيه

طبعا و قبل كل حاجة انا مش عارف اشكركم ازاى.
وبجد يا جماعة شكرا لكل شخص رد علية وتعب نفسة انتو مش عارفين انا قد اية اطمنت.
انا عايز اقولوكو ان انا امبارح كنت ماشى مش واثق فى العربية خاااااااااالص بس طبعا بعد المساعدة الرائعة دية انا كدة عرفت ان انا راكب فعلا وحش كورى اسمة سيراتو.
و محمد باشا شكرا جدا على الفيديو الرائع دة و بجد انا كدة بقيت دكتور فى فرامل ABS:S_thum1[1]::S_thum1[1]::S_thum1[1]:

فيه حاجة كمان عندك فى العربية اسمها الفرامل المعززة .... يعنى لما تدوس فرامل و انت على الرابع مثلا ... بتلاقيها ضعيفة .... لما العربية تهدى و تنول للتالت هتلاقى الفرامل تتقل أكتر و رجلك تنزل معاها لجوة أكتر و هكذا لحد ما توصل للأول و الفرامل بتكون خفيفة و حساسة أكتر حاجة و بتمسك

ده عادي

هو ده الـabs بيوفرلك تحكم وقت الفرملة مقابل مسافة توقف اطول

هو مش شغلته يوقف العربية بدري ..ولا جامد

هو شغلته ان العربية لما تفرمل علشان تفادي حاجة تبقى تحت السيطرة

العربية الوحيدة اللي فيها esp و سعرها في المتناول هي الجميلة سيراتو كوب

اقتباس:

---

المشاركة الأصلية كتبت بواسطة cheetoslegend

طبعا و قبل كل حاجة انا مش عارف اشكركم ازاى.
وبجد يا جماعة شكرا لكل شخص رد علية وتعب نفسة انتو مش عارفين انا قد اية اطمنت.
انا عايز اقولوكو ان انا امبارح كنت ماشى مش واثق فى العربية خاااااااااالص بس طبعا بعد المساعدة الرائعة دية انا كدة عرفت ان انا راكب فعلا وحش كورى اسمة سيراتو.
و محمد باشا شكرا جدا على الفيديو الرائع دة و بجد انا كدة بقيت دكتور فى فرامل abs:s_thum1[1]::s_thum1[1]::s_thum1[1]:

---

لا شكر على واجب العفو ياباشا احنا هنا بنستفاد وبنفيد وكلنا هنا اخوات
ولو فى اى حاجة متعرفهاش قول بدون تردد هنا وحوش الكيا قدها وقدود

اقتباس:

---

المشاركة الأصلية كتبت بواسطة ahmed samy

العربية الوحيدة اللي فيها esp و سعرها في المتناول هي الجميلة سيراتو كوب

---

والنسخة الكورية (الفورتى) كمان فيها esp
والدايو لاسيتى :)

بصراحة معلومات قيمة جدا ووافية كدا ... أنا جديد معاكم في المنتدي ومعايا برده كيا نيو سيراتو ... وقرأت في المنيوال بتعها إنك متغطش الفرامل مرة واحده (كبس ) ولا بالتراخي ( تقطيع ) :Ta_clap[1]::Ta_clap[1]:

و الله انا محرج بس عندى سؤال تانى فى السريع المرة دية.
انا معايا السيراتو البصمة و عايز اركب وحدة رفع .
يا ترى رأى الشباب اية اركب ولا بالاش عشان دائرة الكهرباء والكلام دة.
اصل انا على طول انسى الشبابيك مفتوحة.:shine[1]:

على ما اظن ان البصمه ماينفعش يركبلها وحدات رفع لان الراجل اللى انا شارى منه قالى كده

معلومه غير موثوق منها و اتاكد برضه

اقتباس:

---

المشاركة الأصلية كتبت بواسطة zahaan

على ما اظن ان البصمه ماينفعش يركبلها وحدات رفع لان الراجل اللى انا شارى منه قالى كده

معلومه غير موثوق منها و اتاكد برضه

---

الكلام ده سليم

شكرا على اهتمامكو
بس ممكن اعرف لية مينفعش ؟

الكهربائي قاللي ان اللوك ده على حساسات ما ينفعش ياخد منه للقزاز
ولو عايز تكربها هايركب قطه زيادة تاخد كهربا على الحساس وده ممكن يبوظ الشغلانة كلها فهو ما بيعملهاش
انا مش فاهم الحقيقة بس ده الل هو قاله

شكرا لكل الشباب الى ساعدونى و ردوة على الموضوع:satelite: