السؤال دا شاغل بالى قوى و شكرا مقدما على المساعده .. أعرف منين ان الجنط اللى شاريه أصلى أو تقليد ؟
عرض للطباعة
السؤال دا شاغل بالى قوى و شكرا مقدما على المساعده .. أعرف منين ان الجنط اللى شاريه أصلى أو تقليد ؟
الاصلي ببان من اوبل بصه يعني زي شكله كدا او الوزن بتاعه تقيل ولا خفيف
يعني حاجات زي كدا بس قولنا حضرتك ابل ما تشتري مثلا نوعه ايه ونحن ساناتناقش مع بعض
شكرا على الرد .. دلوقتى من كام اسبوع انا اشتريت الجنط ده
http://img535.imageshack.us/img535/8715/54204887.jpg
و الراجل قاللى انه صناعه امريكى و موقعه على النت
http://www.zinikwheels.com/
المهم انا دخلت الموقع لاقيته من امريكا فعلا و لكن :
1-الجنط بتاعى مش معروض هناك
2-الجنوط اللى هناك كلها عليها ختم المصنع على الحافه و ده شىء ملقتوش عندى
ايه رأيك ؟
شريتهم بكاام ياباشا
هل الجنط تقيل ؟؟
الخامه بتاعته يعني ملمسها عامل ازاي
أول مره الراجل قاللى 2300 و خلصتهم فى الأخر على 2000 .. بالنسبه لموضوع الوزن هو كان اتقل من جنوط تانيه فى نفس المعرض كان فى واحد تايوانى هناك اسمه لينسو كان مقاس 16 و مع ذلك خفيف جدا اخف من اللى معايا (مقاس 15 )
الخامه بتاعت الجنط بتاعى عاجبنى فيها شغل الأسود و الشفه الفضى بس دا مش مبرر ان كان الجنط اصلى اوتقليد
ملحوظه اخيره : انا الجنط بتاعى مش مكتوب عليه بلد صناعته و فى يوم كنت معدى بالعربيه قدام محل كاوتشات لاقيت عنده جنط نفس نقشة بتاعى بس مش نفس الشركه و مكتوب عليه AM أو FM مش فاكر و لونه كله فضى(مافيهوش الشغل اللى فى بتاعى خالص) كده بس شكله مش مظبوط يعنى و مكتوب عليه
Made In China
وسالته بكام قاللى 1350
من يوميها و انا قلقان !!
وهو الجنط الأصلي المفروض يبقى خفيف ولا تقيل؟
المفروض خفيف لانه اسبور مش بيحمل على العفشة
ما تصوره وتبعت للشركة
او تدور على الموديل
لان ممكن يكون انتاجه اتوقف ولو لقيت فى الموقع قسم اسمه discontinued يعنى موديلات اتوقف انتاجها ممكن تلقيه هناك
سؤال : هو فى طقم جنط اصلى و امريكى بـــ 2000 جنيه ؟؟؟
والله حاجه تحير
بس انا هقولك حاجه
في حاجات كتير بنشتريها واحنا مش بنفهم فيها
بس اللي بيحدد الاختيار هوه الفينيش والتقفيل والشكل الخارجي
يعني الحاجه الكويسه بتبان من بره الاول
الحاجة الأصلية ما بتبقاش رخيصة عموما
لكن المضروب ممكن يبقى غالي
2000 جنيه يعتبر رخيص على صناعة امريكية
وبتقول انه تقيل ...وده برضه مؤشر انه مش اصلي لأن الجنط الأصلي لما ترفعه بإيدك بتحس انه اخف مما يبدو
بس برضه راسل الشركة
الله اعلم
طب هى ايه البلاد اللى بنستورد منها الجنوط فى مصر مع العلم ان الراجل اللى شارى منه قاللى انه بيجيب شغله كله من دبى
ده نص المراسله بينى و بين الشركه و شكرا للعضو صاحب الفكره !
RE: Hello May I know If This Rim Is Original Zinik Rim ?
Sir,
Thanks for your email.
Could you let me know where did you purchase this product and where are you located?
Are you a dealer or distributor in wheel business? And if possible, do you have the name of manufacturing plant of this product?
Please advise.
Best Regards,
Eric Han
Zinik Luxury Wheels
10725 Springdale Ave. Ste.#3
Santa Fe Springs, CA 90670
P 562.944.6225 ex)104
F 562.944.1108
C 562.215.1012
E eric@zinikwheels.com
From: Ahmed Abdelrazik [mailto:abdel_razik@hotmail.com]
Sent: Friday, February 26, 2010 1:47 AM
To: sales@zinikwheels.com
Subject: Hello May I know If This Rim Is Original Zinik Rim ?
Please Help Me In This Issue .. I Attached The Photo So That You Can Judge It , Thank You And Regards
ولسه الموضوع منتهاش انا بعت للراجل المعلومات اللى طلبها منى و مستنى منه رد !!
ممكن يكون والله اعلم ماليزي وسعره معقول
هو بيسأل كتير كده ليه
ولا كأنك باعتله صورة قرش حشيش و بتقوله الصنف ده بتاعكم يا معلم ولا براني
ههههههههه
في انتظار النتيجة معاك
Sir,
We found that this specific model is not our product, we have never been producing this kind of design under our brand.
It should be a fake product which was copied by someone who probably wants to take our brand reputation in this market.
As you may know that we don’t have any responsibilities for legal warranty coverage as well as product itself.
Please let me know if you have any further questions.
ده نص اخر رساله و هى دى نهاية القصه و هى دى مصر شغل النصب مفيش احسن منه فى بلدنا هههههههههه .. خاللوا باللكوا من الغش التجارى يا شباب !!
انا مش زعلان ولله دى حاجه تخلينا نركز فى الجاى و نحسب كل خطوه قبل مانخطيها و الحمد لله انها جت فى حتت جنط ب 2000 جنيه انا اصحابى لسه مطلعوش من البيضه و اتنصب عليهم من كام شهر فى 140 الف جنيه هههههههههههه
لو معاك فاتورة من المحل
ياتاخد فلوسك يا توديهم الغش التجارى
علشان دى ارواح ناس
النقطه الأخيره بقى يا شباب الواحد لما يجى يشترى جنط بعد كده أو أى قطعة غيار تندرج تحت اسم شركه عالميه المفروض يعمل ايه ؟؟ جزاكم الله خيرا
اولا تاخد فاتورة عليها اسم المحل
ممكن تصور الجنط او تاخد رقم موديله وتشوفه على موقعهم
وما تجرب تروح للبياع كدة ما جايز هوة كمان مضحوك عليه او يخاف من الشوشرة
هو اكيد مش مضحوك عليه دا تاجر يعنى و بعدين انا اللى غلطان من الأول انى اتساهلت معاه و ماخدتش منه فاتوره و انا كنت شاكك من الأول أصلا على رأى العضو اللى قال جنط ايه اللى ب 2000 جنيه و أصلى هو بس الخوف دلوقتى انى اركبه و يعملى مشاكل فى العربيه !!
شكراً للتنبيه وحصل خير ,, حاول ترجعهم له بأسلوب حلو كده وبإغراؤه إنك ناوي على جنط أصلي من عنده
هههههههههههههههه
أحلى حاجة ان الراجل خايف لاتطالبهم بمسؤلية قانونية
و الله حاجة تزعل
هم مش عارفين اننا عايشين في تورا بورا
يعني لو حتى الجنط ده بتاعهم و فقش نصين مش هانعرف ناخد منهم حق ولا باطل
انت ممكن تبعتله تقوله يفتحوا فرع هنا و يجيبو بضاعتهم المضروبة و ينسوا الضمان ده خااااالص
لو اللي باعلك فعلا مفهمك انه أصلي
يبقى رأي الدكتور محمود سليم
تاخده في عربية بالهداوة كده "مفكوك" و تروح توريله الميل و تقوله بالذوق ياخده و يديلك فلوسك
نفع ...ماشي
ما نفعش
هو الجنط مش قش برضه ..أركبه أو بيعه
الراجل استغرب اوى لما عرف انى من مصر ههههههههههههههههههه
طيب فى حجاه غير الوزن الخفيف والفنش الكويس تدل على ان الجنط اصلى