واخيرا ركبت الانذار فى الكارينز
السلام عليكم
اخيرا ركبت الانذار فى الكارينز والموضوع خطواتة كالتالى
1- رحت فرع القطامية شفت الانذارات لقيتها مش حلوة وصينى وغالية طيب ينفع اركب واحد من برة لاياباشا ماينفعش طيب شكرا
2- الاستاذ وليد امين حماد جزاة الله كل خير قال فى احد موضوعات الانذار انة بعت ميل للكيا كوريا والتوكيل استجاب رحت عامل زية ومافيش ساعة ولقيت التوكيل بيكلمنى وبيقولى اى خدمة
3-اخذت رأى الاخوة الاعضاء( وخاصا المهندس م علىو الاستاذ خالد والاستاذ Ahmed SU) عن احسن نوع انذار ركبوة فى موضوع هنا لقيت الاكثرية بيرشحولى spy5000 ودة اللى حصل نزلت جبتة من التوفيقية من غريب ب 330 جنية وفية هناك مودلين الاحدث هو ابو زرارين فى الريموت تحت الشاشة
4- رحت التوكيل عملت صيانة الالف وغسيل فوم بحوالى 300 جنية وتركيب حوالى 330 شامل الضرائب وحاجات كهرباء ركبوهالى بس الصراحة تركيبهم نضيف جدا
الف الف شكر لكل الاخوة اللى ساعدونى والانذار دة يا جماعة ماشاء الله هايل وانا مبسوط منة جدا