باسأل عن طريقة الدوران في ملف في طريق حارتين او تلات حارات
الصح اني
1- الف علي واسع لاقصى يمين الطريق
2- الف علي ضيق لاقصى شمال الطريق
باسأل عن الصح مروريا من ناحية السواقه يعني مش الأحسن للعربيه
عرض للطباعة
باسأل عن طريقة الدوران في ملف في طريق حارتين او تلات حارات
الصح اني
1- الف علي واسع لاقصى يمين الطريق
2- الف علي ضيق لاقصى شمال الطريق
باسأل عن الصح مروريا من ناحية السواقه يعني مش الأحسن للعربيه
علي حسب عرض الشارع وانت بتقول 3 حارات يبقي ضيق اقصي شمال الطريق وخد الملف براحة علشان تعرف تتحكم في العربية وعلشان الكوبلن والمقصات
طبعا لازم يكون ضيق ده فى حاله الزحام
اما فى حاله تيسير حاله المرور باردو يكون ضيق مع الالتزام تدريجيا بالحاره اليمين حسب السرعه مع الحذر من السيارات الاتيه مسرعه
ويفضل استخدام الاشارات فى جميع الاحوال
باى حال من الاحوال لما تلف متقطعش الطريق على العربيات اللى ماشية... و انت بتلف اليو ترن حتبقى سرعتك اقل كتير من سرعة العربيات اللى جاية بالتالى لو قطعت الطريق بالعرض عشان تمسك يمين الطريق (على اساس انك ماشى بطىء) تاكد ان الموضوع حينتهى بكارثة
واحد بسيات 133 عمل كدة فى الطريق الدائرى ناحية المدخل الجديد للمطار و المصيبة انه دخل عكس فى اليو ترن اساسا بالتالى كان وجودة فى سكتنا حاجة مفاجئة و بعد كدة رمى يمين عشان يفضى الشمال... طبعا بتاع ال 132 اللى كان قدامى كان حيركب فوقة و لما فاداة هدى جنبة و ادالة من المنقى خيار... و انا طبعا هديت جامد و حمدت ربنا ان محدش كابس ورايا و اديتة عربية خيار بحالها
MMamdouh
اهم حاجة تركز فى مراية الصالون و اشارتك تكون شغالة ..
اولوية المرور للقادم من جهة الدوار وتمشى في حارتك
تلف على الضيق للشمال وعلى حسب ظروف الطريق واللى جاى تمسك يمين لو الشارع فاضى وهكذا
انا بقول تلف على الضيق شمال عادي بالاشارة
وبالنسبة لليمين ادي اشارتك وتدريجيا مع المرايا تاخدها حاره حاره بدون مضايقه اي حد من الي جايين من ورا عشان متحصلش حاجة لا قدر الله
وطبعا كل دة قبل المكان الي هتخش يمين منه عشان تبقي ماسك يمين لغايه ماتوصله وتخش ملفك انما علي الواسع دي صعبه اوي الا لو الطريق فاضى نهائي ومش طريق سريع
متهيألى لو يوترن فى وسط البلد التعامل معاه غير اليوتيرن فى الطريق السريع..ولا إيه؟؟