من لديه معلومات عن رينو 16

**ابوهاشم** · 29-12-2007 12:51 AM

اريد رأيكم عن السيارة رينو 16 وكل حاجة عنها مميزاتها وعيوبها قطع غيارها متوفرة ولالا ورخيصة ولا غالية واستهلاكها للبنزين
واشكركم على الردود مقدما

**Xpert** · 29-12-2007 03:51 PM

ابعد عن الرينو
و شكراً

**TAG_Turbo0** · 29-12-2007 03:59 PM

المشاركة الأصلية كتبت بواسطة Xpert

ابعد عن الرينو
و شكراً

مش أوى كده
هو فعلا صيانة الرينو صعبة وقطع غيارها نادرة بس العربية كويس محدش يأدر يعيبها
بس بلاش المستعمل القديم أوى ده

**ابوهاشم** · 29-12-2007 11:20 PM

مافيش حد يعرف معلومات كامله عن السيارة دى

**Sharky** · 30-12-2007 09:23 AM

المشاركة الأصلية كتبت بواسطة Xpert

ابعد عن الرينو
و شكراً

مش للدرجة دى
سيارات رينو سيارات محترمة جدا و لكن يعيبها قله فهم الميكانيكيا فى مصر لها فبيبقى معظم صيانتها فى التوكيل (اللى يعتبر من أحسن التوكيلات فى مصر ) للموديلات الحديثة لكن القديمة الميكانيكيا بيشتغلوا فيها

بالنسبة للسيارة دى معرفش معلومات عنها بصراحة

**Xpert** · 30-12-2007 11:57 AM

يا حج مابتكلمش عن محترم او مش محترم .. اي عربيه محترمه .. بس اما تيجي تبوظ .. تعرف هيا محترمه ولا لاء ..
انا مانصحش بركوب عربيه .. اذا باظت تدوخ السبع دوخات عشان تصلحها .. و تتقرف و تشرب المرار .. و تدعي علي العربيه و صاحب العربيه .. و عللي جابك من كتر ما انت قرفان منها ... اسالني انا عارف .. انا راجل راكب بي ام موديل 79 .. و معلش يعني .. تضرب الرينو بالقبقاب ... بس تعاااالي بقي صلح .. مساعدين لفيت التوفيقيه بحالها و لولا اني لقيتهم عند واحد في مخزونه القديم , كنت خلاص هاروح اولع فيها .... مشيت بيها من الدقي للحرفيين .. جابت فتيس في الحرفيين .. لفيت الحرفين بحالها مالقتش فتيسها xxxxxx (تم الحذف بمعرفة الإدارة -برجاء الإتزام بأدب الحوار) عشان كده انا مانصحش بالموديلات الغريبه او القديمه او كده ...
اما بقي بالنسبه للميكانيكي .. كان فيه ميكانيكي بيجيلي من 10 سنين .. كان من المعادي .. و كان اسمه فريد شوقي .. معاه رينو 18 و كان ميكانيكي دمااااغ ,... كان فاتح في المعادي .. حد يعرف عنه حاجه ؟( هوه كان ميكانيكي رينو برضه)