ما مدى صحة هذه المقولة ( اللي معاه رينو ... ربنا يعينو)

**Abomar77** · 24-02-2010 07:11 PM

السلام عليكم ياشباب ....

للأسف الفكرة ديه اللي الناس واخداها عن الرينو ....
انا كل لما اكلم حد واقوله انا بفكر أجيب رينو ....
يقول اوعى ديه قطع غيارها وصيانتها غاليه ....
واتضح ليا ان 90 % من الشعب المصري مقتنع بالكلام ده ....

فياريت من الناس اللي معاها الرينو يقولوا رأيهم بحيادية عشان الواحد محتار ....

**frhateg** · 24-02-2010 07:19 PM

مثل غير مطابق للواقع ... هذه مقولة مصرية لا اعرف من قالها ... علي فكرة في كل بلد تلاقي مثل علي ماركة عربية ... انا كنت في السعودية و هناك يعشقوا التويوتا بجميع انواعها و كذلك الأمريكاني . و شوف المازدا هناك ملهاش سوق بالمرة و هناك مثل يقول المازدا فاسدة . بالرغم من كونها ياباني و عربيات محترمة .

**bukla** · 24-02-2010 07:40 PM

انا اقولك لية
يمكن علشان الناس لملكانت بتتعامل مع العربية الرينو زى اى عربية يعنى يطنشوا على الصيانة الدورية فى مواعيدها و محاولة استعمال العربية اطول فترة ممكنة بدون الكشف عليها او متابعتها مع استخدام قطع غيار غير اصلية بسبب ان الاصلية اسعارها مبالغ فيها (مع العلم انها معمرة جدا) عند التوكيل بالاضافة الى الذهاب الى الميكانيكية بتوعنا اللى اغلبهم غير متعلم و يحب يفتى فى اللى يعرفوا ولا ميعرفوش
العربيات الرينو محتاجة ان الواحد يعاملها باحترام من ناحية مواعيد الصيانة بتاعتها بانتظام مع الوضع فى الاعتبار تغيير قطع الغيار فى مواعيدها يعنى مش لازم العربية تشتكى علشان تغير لها قطعة الغيار لكن للاسف احنا مكانش عندنا ثقافة التوكيل بالرغم ان احنا اللى بنقول ادى العيش لخبازة و لو اكل نصة
دة رايى الشخصى يحتمل الصواب او الخطأ

**Abomar77** · 24-02-2010 08:08 PM

معلش يارجاله صدقوني انا عارف ان الرينو عربية محترمة بس انا بفكر اني اجيب الفلوانس ان شاء الله ....
لقيت كذا واحد بيقولي ليه كده ياعم انت هتسيب التويوتا وتروح للرينو وواحد قالي الجملة اللي في الموضوع ....
بجد حاجة تخنق وانا في رأي ان شاء الله الفكرة ديه هتتغير عن قريب لما الفلوانس تثبت كفائتها في السوق .....

**zkralla** · 24-02-2010 08:19 PM

البينه على من ادعى
الى يقولك كده خليه يديك اسباب منطقيه مش كلام مرسل زى قطع الغيار غاليه
غاليه يعنى بكام وغاليه بالنسبه لأيه يعنى يبقى عارف اسعار قطع غيارها واسعار قطع غيار عربيه مماثله ويقارن بينهم

**chato_eg** · 24-02-2010 08:50 PM

هاهاهاهاهاها
أخيرا الموضوع ده اتفتح
من زمان و أنا متوقع إن يجى يوم و يتفتح موضوع خاص يحمل عنوانه كلمات الجملة القميئة دى...بالرغم من إن المضمون سبق و قتل بحثا و نقاشا فى موضوعات أخرى

برضه علشان نكون واقعيين.....معظم ملاك رينو هنا عاشقين لسياراتهم و ليسوا مجرد راضيين عنها..فبالتالى لو عايز تسمع كلام حيادى يبقى مش هتسمعه هنا
لكن لا أتوقع إن فى جهة و لا مكان ممكن تسمع منه كلام حيادى
الأوقع....تقرأ المواضيع الكتير المثبتة و غيرها لتكوين فكرة عن الحقيقة...خصوصا إن هناك مواضيع بتناقش المشاكل إللى واجهت الناس مع الماركة عموما و الميجان ii على وجه الخصوص...

أما بالنسبة للمقولة القميئة فهتسمع كلام من نوعية " أبرز التفسيرات عن سبب تأليفها هى قلة الاعتمادية "...
بالرغم من إن مصطلح الاعتمادية نفسه مالهوش تعريف واضح....

رينو بتعمل عربيات بتقف فى نصف الطريق مثلا و لا متعودة إن مرتين فى الشهر ما تدورش الصبح و تروح الشغل مواصلات علشان تحسسك بأهميتها...!!!....

مرة تانية...خد وقتك فى قراءة المواضيع المليئة بخبرات واقعية لأناس بيعيشوا فى نفس ظروفك و امتلكوا السيارات دى لسنين و فى الآخر مالهومش مصلحة فى ذم أو مدح الماركة أو التوكيل....

و بالتوفيق

**bukla** · 24-02-2010 09:12 PM

يا جماعة انا اظن ان انا رايى محايد لانى لم املك رينو من قبل و الان انا حاجز الفلوينس (لم استلمها بعد) ولكنى سمعت كتير من اصحاب الرينو سواء هنا فى المنتدى او من اصدقائى خارج المنتدى عن مدى عشقهم للعربية الرينو
بالاضافة الى انى انا ليا تجربة مع اللانوس على مدار ستة سنوات وانا بتعامل معها بكل احترام من ناحية الصيانة فى مواعيدها فى التوكيل و تغيير قطع الغيار زى ما الكاتالوج ما بيقول بغض النظر عن استهلاكها من عدمة لدرجة انى عمر ما خليت حد يفتح كبوت العربية برة التوكيل حتى لما حبيت اركب بعض الحاجات فى العربية زى فوانيس الشبورة او الساعة اللى فى التابلوة او حتى نور الاستوب اللى فى الرف الخلفى ركبتهم فى التوكيل
وعلشان كدة الحمد و الشكر لله عمر ما العربية ما خزلتنى فى اى يوم من ناحية اى نوع اعطال
فلو حطينا فى اعتبرنا انها لانوس(كورى تقفيل مصرى) يعنى كمان مش اعلى الكورى و توكيل لا يتميز بأى كفائة استثنائية بل هو عادى او اقل مقابل عربية اوروبى مع توكيل مميز
حسيبلكم انتوا الحكم و اعطاء النتيجة

**tamertamer** · 24-02-2010 09:41 PM

بصراحة انا عصرت يعنى تلامست مع مشكلة الفرنساوى وجة لوجة
لية واحد صحبى مقرب جدا المهم ولدة بيعشق هذة السيرات فى سنة وحدة جاب
2c4
2 ميجان الهتش باك بنوراما حاجة جمدة جدا
1 بيكسو
1 307 استيشن
للاسف عمل حدثة تقريبا فى كل عربية ما عدا البيجو
بجد عربيات ضعيفة لدرجة صعبة جدا جدا ومعقدة جدا ولما رحنا التوكيل فى حجات مش موجودة واستنة والناس كانت هيجة على التوكيل ساعت لما انا رحت وكان فى خناقة جوة وقلبت بضحك بجد حاجة صعبة
عربية قطع غيرها غلية جدا 6 كمبيوتر فى الميجان لية كتير اوى
ولا البيكسو دية مشكلة حقيقية بجد فى عربيتين فضلو مركونين فترة لغايت لما جت الحاجة وبصراحة عمو ندم اشد الندم على الشراء
انا عصرت كل هذة الاشياء كان فى اوائل 2009 بجد عربيات مريحة جدا وجميلة جدا ورفهية جمدة جدا ونعومة وتكيف بس معقدة جدا
ومحدش يقولى انت مشفتش انت سمعت لا الكلام حصل قدامى وبصراحة العربية الميجان دية تموت من الضحك عربية اكسدمها الخلفى اعرض من العربية نفسها الواد صحبى داخل بيها المذرعة الكسدام مرداش يخش ومش فكر سعتها وقع وكانت حوسة غير انها ضعيفة البنيان لو حب حد بكتر ممكن يعمل معاك الدنيئة بجد الواد اتخرب بيتة بسببها لما عمل حدثة بيها كفاية انها مرمية تحت البيت لغايت دلوقتى هى والوبارو الانبريزا بجد مشكلة واقعية

وعلى فكرة انا معجب جدا بمجموعة الرينو لنهم بجد عملين مجهود رائع كفاية انهم بينفس مجموعة الاوبل ويعتبرو المجموعتين الانشط بلاء جدال فى المنتدة كا كل

-

-

الموضوع: ما مدى صحة هذه المقولة ( اللي معاه رينو ... ربنا يعينو)

LinkBack

أدوات الموضوع

عرض

-

-

-

المواضيع المتشابهه

مين اللي معاه الساجا السوداء

هديه لكل اللي معاه العربيات دي

هديه لكل اللي معاه العربيات دي

أرجو أن كل اللي معاه رينو يشاركنا في الموضوع ده

الكلمات الدلالية لهذا الموضوع

المفضلات

المفضلات

ضوابط المشاركة