واحد صاحبى معروض علية عربية نضيفة جدا بس بلوحات هيئة سياسية... ايه اجراءات الحوار دة و هل فيه مشاكل و ايه نظام الجمارك و القصص دى لحد ما تعلق نمر ملاكى؟؟؟
MMamdouh
عرض للطباعة
واحد صاحبى معروض علية عربية نضيفة جدا بس بلوحات هيئة سياسية... ايه اجراءات الحوار دة و هل فيه مشاكل و ايه نظام الجمارك و القصص دى لحد ما تعلق نمر ملاكى؟؟؟
MMamdouh
اعتقد بتسقط لوحاتهم عشان بيبقى عليها حصانه ...
لازم تخطر الخارجيه الأول وبعدين بتروح المرور يدولك جواب للجمارك ..تدفع جمارك العربيه و بعدين تأخد نمر عاديه
نصيحة بلاش و خليه في الضمان علشان المشاكل الي على العربيات دي
متابـــــع
عربيات الهيئة السياسية ديه بتبقى شايلة نمر تعبر عن اما ان الجهة صاحبة السيارة هى سفارة او جهة او منظمة تتبع الدولة الاجنبية و يتم معرفة ذلك من خلال الرقم المدون على اللوحة او ان صاحب السيارة هو شخصية دبلوماسية و يتم صرف اللوحات الدبلوماسية بناء على كمية معينة تخصص لكل سفارة على حدة و اذكر ان فى عملى القديم كان فيه عندنا سيارتان هيئة سياسية ( غير مسددة للرسوم الجمركية ) و سيارتان ملاكى نظرا لاستنفاد العدد المخصص لنا من النمر الخضراء
و اذكر ان كانت لى زميلة عندها جراند شيروكى عملت حادثة فقامت بشحن عربيتها على باخرة ( تخلصت من السيارة فى البحر ) علشان تقدر تستخدم حقها فى شراء سيارة اخرى بدون جمارك تحمل نمر خضراء .
لازم طبعا يكون سعر السيارة منخفض جدا جدا علشان تقدر تسدد الجمارك اللى فى الغالب حتكون محترمة
كنت حابب اكتب لك عن الخطوات بس لم اجد غير مجرد معلومات سطحية عن هذا الموضوع تحياتى و بالتوفيق لصديقك يا محمد
شكراً للمعلومات واضح ان الموضوع فيه حوارات وتعب ولف ودوران
بقالهم فترة منتبهين لموضوع السيارات ذات النمر الدبلوماسية وشادين فيه جامد
فطبعا لو حياخدها لازم ينقلها على طول وطبعا يدفع جماركها اللي أكيد حتكون عالية
الفكرة لو كانت السيارة بالإضافة إلى مبلغ الجمارك تستاهل الدوشة فدي حاجة تانية لأن فعلا غالبية العربيات دي بتبقى حالتها كويسة ومش متهانة ومصروف عليها
في واحد صاحبي أنا هربان منه كان عامل الموضوع ده ححاول أشوفه وأقول لحضرتك