يا باشا رخامة ايه بس انت تؤمر والله
بس الورقة الجديدة انا مش عاملها في الاساس على الفوتوشوب
لأنه ماكنش هيدينى امكانية انى اعمل رسومات و دواير ومربعات ومقاسات بسهولة
انا عملتها بطريقة تانية (هى لفة بس كانت اسهل بالنسبة لى )
عملتها الاول على الوورد word عشان بيبقى اسهل واسرع واعرف اظبط المقاسات
وبعدين نقلتها لـ adobe illustrator عشان هو الوحيد اللى ممكن تنسخ من الوورد ليه ويتعرف على الرسومات بتاعت الوورد
وعن طريق الفوتوشوب فتحت الفايل اللى اتعمل بالillustrator و ظبطت مقاس الورقة 10x15 وحولتها jpg بريزليوشن 300 dpi عشان تبقى حلوة في الطباعة
انا هحطلك الصور الـ jpg
والفايل بتاع الوورد عشان لو حبيت تعدل
والفونت بتاع الارقام
وده اللينك
dashboard.zip
------
بالنسبة للفويل بقى وبقية الكلام
ده عشان يقوى الاضاءة شوية و يخليها منتظمة بدل ما تبقى نقط جنب بعضها
وطبعا بتحط ورقتين فوق بعض لكل عداد ( بتطبع كل صورة نسختين وتحطهم فوق بعض بالظبط وتلزقهم في بعض ) عشان لو صورة واحدة هتبقى شفافة اوى واللون الاسود بيبقى مش اسود بتبقى كأنها high brightness
وعشان الاضاءة ما تبانش من الجوانب او ما تنتشرش :
وانت بتقص الورقة قص بمقاس اكبر سنة بسيطة و بعدين اتنى الحتة اللى زايدة عن الحواف لفوق عشان تعمل جدار للورقة
الكلام ده طبعا بعد ما تكون عرفت المقاس وعلمت عليه من الورق او البلاستيك القديم
وبعد كدة لو فيه اي اضاءة باينة من الجنب ممكن تلزق عليها لزق اسود من بتاع الكهربا
بس خلى بالك اوووووى من ورق الفويل وثبته كويس بلزق شفاف او حاجة وابعده عن اي سلك لانه موصل للكهرباء وممكن بعد الشر يعمل قفلة لو لمس على البوردة بتاعت عداد الار بي ام او لمس اي سلكين .
دى صور بتوضح شريط الليدات والفويل و الاضاءة و الورق وهو مقصوص
http://img246.imageshack.us/img246/8067/13032010197.jpg http://img217.imageshack.us/img217/8434/13032010198.jpg
واي استفسار يابااشا احنا مع بعض :satelite: