.. جديد من رينو داشيا داستر Dacia Duster 4x4

تقدم داشيا من رينو سيارة اقتصادية جديدة و هذة المرة تقتحم داشيا عالم الدفع الرباعى من خلال داشيا داستر..

و النسخة ذات الدفع الرباعى تستخدم تكنولوجيا من نيسان لاستخدام الدفع الرباعى اوتوماتيكيا او اختياريا
الموديل الجديد بمقاس 4.31 متر طولا و 1.82 متر عرضا ، سوف تكون متاحة في نسخة 4X2 و 4X4 مع محرك 1.6 ليتر من البنزين 110 حصانا ، واثنين من محركات الديزل 1.5 ليتر و 85 حصانا على التوالي 1.5 ليتر و 105 حصانا , و ستكون متوفرة بسعر اقتصادى كعادة مودلات داشيا .

السيارة سيتم طرحها رسميا فى معرض جنيف القادم .على ان تكون متوفرة فى الاسواق الشرق الاوسط خلال بضعة اشهر .

http://i48.tinypic.com/xp0k6p.jpg

دى لو نزلت متجمعة فى المغرب هتبقى باى باى تيجو و يبقى EIM رقم واحد فى المبيعات السنة دى
لوجان و سيراتو و كارينز و الداستر و الفلوانس يعنى مسك جميع الفئات اللى فى السوق :dzey:
بسم الله ما شاء الله و سلملى على منصور بتاع الكورسا ام 120 الف و لا غبور بتاع العربيات العريانة

اقتباس:

---

المشاركة الأصلية كتبت بواسطة medo2o1o

دى لو نزلت متجمعة فى المغرب هتبقى باى باى تيجو

---

لا مش حتتجمع فى المغرب ..حتتجمع فى بلدها الام رومنيا ..

كانوا اعلنوا فى اوتوماك انها هتنزل مصر فعلا

مفيش حد عارف سعرها هايكون فى حدود كم

اقتباس:

---

المشاركة الأصلية كتبت بواسطة test50

مفيش حد عارف سعرها هايكون فى حدود كم

---

على الانترنت كانت الاخبار بتقول انها هتكون فى حدود سعرية اقل من 15 الف يورو..... يعنى تحت ال 120 الف...... بس الله و اعلم التوكيل هينزلها بكام...... و من ناحية تسويقية فى سوقنا المصرى الجميل..... هى لازم تنزل تضرب التيجو بس تبقى اقل من الفئات الاولى للتيريوس..... يعنى من الاخر هيتراوح سعرها فى هامش 115-125 الف..... لو اكتر من كده مش هتبيع

اقتباس:

---

المشاركة الأصلية كتبت بواسطة mahora

... يعنى من الاخر هيتراوح سعرها فى هامش 115-125 الف..... لو اكتر من كده مش هتبيع

---

تقريبا حتكون فى الحدود دى اعتقد ..حسب التجهيزات بقى
مش عارف اذا كانت حتتوفر بفتيس اوتومتك ولا لاء

شكلها جميل وهتنافس بقوة