لا يا باشا ممكن يعرف بس بتاع خدمة العملاء معندزش ال tools اللى تخليه يعرف نوع اموبيل
فالاسهل انو يسال
علي فكره أنا كمان هعتزل هذا المجال وهادور علي مشروع تاني لأن الدنيا خلاص باظت فيه واللي متعرفهوش دلوقتي ان أحنا بقينا مطاردين من قبل رجال المباحث وبتوع المصنفات الفنيه زي مابنكون بنتاجر في المخدرات والبرشام وأقل قضيه فيه دلوقتي غرامتها خمسين ألف جنيه والحد الأدني فيهاعشرة الاف جنيه
ومين قالك يا باشا انى انا معرفش الكلام ده
انا الحمد لله لا خط ولا كارت بدخلهم المحل عندى دلوقتى
وانا كنت فى 2006 بوزع جمله
دلوقتى انا لما بحتاج كارت عشان تلفونى بشتريه من بره
ربنا يتوب علينا بجد خلاز زهقت من المجال ده محدش سايبنا فى حالنا حتى الناس العاديه معتبرانا مليونيرات وبنصحى الصبح نلاقى الفلوس تحت عتبه باب المحل
معلش تعشم في الله خير وتوكل علي الله وأنا معاك وندور علي مجال تاني علشان نعيش بس منه واللي بيحصل ده الطبيعي من حكومة بلدنا بعد ماأستفحل الفساد فيها ومالقتش حد يوقفها عند حدها ويقولها أتقي الله في شبابك اللي أنتم عايزين تدمرولهم مستقبلهم وتخلوهم متطرفين وارهاين وتجار مخدرات يعني يجري ايه لو الدوله أهتمت بالشباب وخصوصا انهم مش هيكلفوها حاجه وخلتهم في أحسن حال وكسبتهم في صفها أكيد مكنش هايبقي فيها حد من دول لكن أذاي نسبهم من غير منصعب عليهم عيشتهم ده يبقي حرام عليهم حسبي الله ونعم الوكيل
اولا :يا جماعة هذا القرار ليس لكل المحمول الصينى القرار ده لمحمول المهرب الى معمول تحت بير السلم ولكن فى تلفونات كتير داخله بطريقة شرعيه ودفعوا الرسوم للدوله وماتزمة بمعايير الامان وصينى وبتعمل فى مصر بدون اى مشكله
ثانيا :التلفون المهرب يا جماعة بيكون معمول تحت السلم بأسوء مواد ممكن تتخيلها وزى ما حضراتكم قلتوا ب 300 ج عده فيها كل حاجه وده مش لعبه دى جهاز ارسال بيصدر عنه موجات كهرومغناطسيه والجهاز الى بيدخل بطرق الرسمية بيتم الكشف عليه فى جهاز تنظيم الاتصالات من حيث مواصفات البيئه والصحه لكن المهرب وكمان معمول فى بير السلم الله اعلم يعنى محدش عاوز يضر نفسه او ابنه عشان موبيل
ثالثا :التلفون المهرب بيكون رخيص لانه ما بيدفعش رسوم الدوله ومصنوع من مواد رديئة وليس ماتزم بمعايير الامان والصحه وطبعا سعره احسن من المحمول الى دافع رسوم الدوله وملتزم بمعايير الصحه فطبعا المهرب هو الى بيبع والرسمى مش عارف يبيع يعنى الشركة المحترمه يتخرب بيتها عشان شويه حراميه
رابعا:طبعا تكرار السيريال ودى كارثه من النواحى الامنيه
خلاصه القول محمول ممكن يكون مضر لصحتك او صحة ابنك وبيخرب بيت الشركات المحترمه صغيره او كبيره وممكن حد يعمل بيه مصيبه تضر بيتك او بلدك ويفلت بيها حد شايف انه لازم يكون شغال وحرام قفله ؟؟؟
عاى فكره موضوع قفله ده ممكن ولاغبار فى ذلك