الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

المشاركة الأصلية كتبت بواسطة pop2010

الاستاد حسين

السلام عليكم

وعليكم السلام ورحمة الله وبركاته


ارجو ان تكون فى تمام الصحة والعافية اشكرك جدا على الاهتمام بموضوعى

الله يكرمك .. لا شكر على واجب .. العفو حضرتك

وماعندكش فكرة الكلام الى قلته اثلج صدرى كتير

الحمد لله رب العالمين وانا سعيد جدا لما عرفت كده

وانا كنت مشترك جديد ورجعت اقرأ المواضيع الى فاتت كلها بتركيز اكتر ولقيت ان في حاجات كتير كنت بامر عليها مرور الكرام (على أعتبار كنت فاكر نفسى واد عفريت)

ههههههههههههههه

لكن موضوع السواقة على قد ماهو بسيط لكن محتاج تدريب كتير

ده خلاصة الكلام ... انت كده كلامك عشرة على عشرة ومن الآخر

كان لازم اعرف ان مثلا ينفع لاعب كرة ينزل الملعب على طول من غير مايسخن

مثال أكثر من رائع

انا مثلا مهندس قعدت 2 سنين لغاية مابتدات اعرف ايه الحكاية ( فى بداية حياتى العملية ) عموما ربنا يجعله فى ميزان حساناتك انت وكل الاخوة اللى بيساهموا هنا

الله يكرمك يا رب ويسعدك دنيا وآخرة وشكرا لحضرتك على الدعاء الجميل

...ادعولى ان الثقة ترجعلى تانى لان الموضوع قلب لخوف خايف تجيلى حالة الدهول الى كنت عليها دى وتقلب لرعشة والرعشة تقلب لرجفة والرجفة تقلب لكارثة ههههه


ههههههههههههههه ... إن شاء الله كله هايكون خير ... وكل اللى يجيبه ربنا كويس


لى طلب عند حضرتك يا صديقى ياريت القصة دى تتنشر بطريقة او باخرى علشان يعرفها كل اللى داخل المنتدى ده علشان كل واحد ياخد حدره ومايعملش فيها ابو الرجال ونساهم ان احنا نحمى ( الحامى ربنا طبعا) المبتدئين عل الله يغفر لى اللى ان عملته

حضرتك انسان ممتاز واكثر من رائع ... وإن شاء الله الموضوع ده يمر على خير وترجع تمام التمام ...


ملحوظة: بدون مجاملة والله (اكتشفت ان دمك خفيف جدا وده محلى مواضيعك اكتر)

سائق مبدتىء اثبت فشل زريع

تقدر تقول سائق محترم .. واكبر دليل هو اعترافه بحجم المشكلة ... وإن شاء الله ازمة وتنتهى ... واللى جاى هايكون احسن وكله هايتنسى ... لكن زى ما حضرتك وضحت المهم التدريب والأخذ بالأسباب .. وربنا ييسر لك الاحوال إن شاء الله

مع اطيب التمنيات
اخوكم حسين غزالة

المشاركة الأصلية كتبت بواسطة nouranwar

استاذ حسين مش عارف اقولك ايه والله علي زوقك و اخلاقك العالية و روحك الطيبة و الجميلة ديه

الله يكرمك على كل الكلام الجميل ده والله انا موش اده خالص ... شكرا لحضرتك مرة تانية

و بالنسبة لمشاكلي في السواقة الحمد لله مفيش غير خبطة واحدة بس بالعربية و مش انا اللي عملتها انا كنت سايب العربية لصاحبي هو اللي بيسوق ( بيتعلم ) و اذ فجأة لقيت العربية اتخبطت !!! الاستاذ خبطهالي في عربية راكنة و واقفة في حالها بس الحمد لله جات سليمة فانوس و رفرف و الحمد لله

هههههههههههه ... قدر الله وماشاء فعل ... انا عن نفسى حكيت على خفيف ... وربك الستار ..


انما عن تجاربي الشخصية انا شبه فاشل في السواقة هههههههه ( الاعتراف بالحق فضيلة ) في الهادي معاك زي الفل و ملتزم بالاشارات و القوانين تماما ,

ههههههههههههههههه

انما بقي لو حبيت اجري و اخد غرز بقي بطبش والله و ربنا وحده هو اللي بيسترها معايا والله الحمد لله بس الصحراوي معاك فيه لغاية 180 اخر العربية والله و الحمد لله الرخصتين اتسحبوا مفيش ساعة الفرق بينهم ( عبيط و ما اتعلمتش الدرس في السحب الاول ) :)
معلش طولت عليكم بس ديه تجربتي مع السواقة

لا يا عم داحنا هنا غلابة ... موش ادك خالص ....
احنا كل اللى محتاجينه نمشى بس الـ 80 موش الـ 180
يعنى اطرح لنا 100 من حسابك وخليها عليك المرة دى
شوف الفيديو فى المشاركة القادمة ... موش عايز ازعلك واضايقك .. لكن عشان انا بحبكم فى الله والله العظيم موش اكثر

وربنا يسترها معاك

مع اطيب التمنيات
اخوكم حسين غزالة