ربنا يبارك فيك..أنا بخير ولله الحمد..جزاكم الله خيرا
عرض للطباعة
بسم الله الرحمن الرحيم
السلام عليكم ورحمة الله وبركاته
جزاكم الله خيرا على ردودكم
الموضوع لم يحسم حتى الان 7 أصوات جديد و 5 مستعمل
يا ريت مساعدتكم اكتر فى التصويت
انا من رأى
انك تتعلم مع مدرسة قيادة
ولازم تتأكد ان اللى بيعلمك فاهم ومية مية
وبعدين احسبها
لو الحصة كانت مثلا بـ 15 جنيه او حتى 20 جنيه على سبيل المثال
خلاص
تاخد مثلا 20 حصة او حتى 30 حصة
هاتدفع فيهم كام 500 جنيه او حتى 600
موش مهم
المهم انك تحس انك مية مية فى السواقة
ولو عايز اكثر
خد حصص اكثر موش مهم
يعنى الواحد يدفع له 600 جنيه ولا حاجة فى مقابل انه يتعلم صح لكن لازم تتأكد ان اللى بيعلمك راجل مية مية وبيفهم وينزل معاك تدريجى من الشوارع الهادئة الى الشوارع الزحمة وعلى الكبارى وتتعلم تركن كويس جدا
واول ما تحس انك خلاص عشرة على عشرة
اشترى جديد وريح دماغك
ولو كنت خايف لسه
استمر فى التدريب تانى
حتى ولو هاتدفع فى التعليم 1000 جنيه حصص مافيش مشاكل
وده مبلغ يخليك تسوق طيارة موش عربية
اعتقد ده افضل من انك تشترى سيارة قديمة وترخص العربية وتوجع دماغك وترجع تبيعها وتخسر فيها الف ولا الفين جنيه ويمكن اكثر
خلاص احسن لك تتعلم بـ 1000 جنيه وتاخد حصص مع واحد بيفهم وهايخليك عشرة على عشرة
مع اطيب التمنيات
اخوك حسين غزالة
الجديد بيريح الدماغ
جديد مع جديد ماينفعش ... تنافر اقطاب
أشتري مستعمل وعيش حياتك معاها لحد ما تدقدق فالكار
وبعد كده هات الجديد
بص يا سيدى انا لما جيت اتعلم جوزى جابلى ماروتى زيرو اتعلمت عليها تمام التمام وطبعا الامر مايخلاش من بعض الخبطات الصغيرة وطلعت عينى سنتين من غير تكييف
لما اتحسنت فى القيادة جبت فيرنا زيرو
لو معاك فلوس كاش يبقى هات كسر زيرو اولا هاتهرب من تصليحها
وثانيا مش هاتبقى قلقان انك تخسر فيها كتير لما تيجى تبيعها
ثالثا وده الاهم انك هاتغيرها بعد سنة او اتنين بواحده زيرو وهاتبقى مطمئن عليها لانك هاتبقى اتعلمت بجد
وربنا يوفقك
حكمة قديمة :" الفقير يشتري جديد والغني يشتري مستعمل "
بعيداً عن اخبارك في السواقة ، اخبارك في الفلوس ايه ؟؟
رأيي مستعمل ترزع فيه وبعدين جديد ,, والمستعمل يكون من النوع الحدادي كمان وآهو بالمرة تتعلم شوية ميكانيكية وكهربا
مستعمل لغاية ما تتحرفن فى السواقة و بعد كده جديد لانه لو لا قدر الله و حصلت للعربية الجديدة حاجة بسبب انك لسة بتتعلم هتزعل عليها اوى لكن فى المستعمل مش هتزعل زى الزيرو......