هانعمل اية بقي ياادكتور بلدك مصر كدة
عرض للطباعة
هانعمل اية بقي ياادكتور بلدك مصر كدة
يعني ايه طريق ؟؟؟؟؟؟؟؟؟؟
فيه كام مطب في الطريق الزراعي بتاع الصعيد اشد من اللى بتقول عليه ده
واحد منهم في مرة خللى العربية بطلت والفتيش مش عايز يتحرك والبطارية اتخلعت والقواطيش بتاعتها اتفكت وكان يوم ما يعلم بيه الا ربنا
تخيل فتيس اوتوماتيك يبوظ بسبب مطب
لكن الحمد لله الكريستالة اصيلة 10 دقايق واشتغلت لوحدها بالعند في المطب والحكومة
والله رد معقول جدا
احنا اللى غلطنا لما جبنا عربيات
وغلطنا اكتر لما افتكرنا ان من حقنا نسوقها في الشارع
المفروض كل واحد عنده عربية ينزل الصبح يصبح عليها وياخد تاكسي او قطار
الحمد لله
احنا الموظفين في الارض الحكومة بتاخد مننا الضرايب والمستنقعات من قبل ما نقبض وبالتالي محدش بيعرف هو اتاخد منه ضرايب اد ايه ولا اي حاجة عن مستنقعات الدخل
والله وانا زيك بس لو فكرنا بجد هنموت من القهر فالاحسن نضحك وكما فيكي يا مصر من المضحكات المبكيات
اذكر اني مرة طلبت النجدة في المعادي لما مكروباص خبط عربيتي
بعد ساعة و اربع اتصالات انا اللي رحت لهم
:@
و هما ايه ضمنهم انك ماشي بسرعتك القانونية ؟؟
و هيقولك لو انت مولع الواطى او لو الشارع ضلمة اوى تولع العالى هتشوف المطب من مسافة كويسة .
و شكرااااًًًً .
من المنطقي..والقانوني
إن لازم يكون موجود علامات تحذيرية قبل المطبات
.ده القانون
بس هما مش مطبقين القانون
يعني من حقي -والله أعلم - إني أرفع عليهم قضية تعويض
مين قال مش من حقك
يا أحمد بك البلد فيها قانون
بس ناس معينه الى تعرف تمشيه
لو معاك قرشين توكل محامى مشهور أو عقر
هترفع قضيه على الوزاره و الحكومه و دا من حقك و متصدقش حد يقلك مينفعش
العمليه عايزه فلوس و بس
علشان المحامى دا هيلهف كتير
+
دى هتبقى قضيه رأى عام
لأنك هتبقى أول مواطن مصرى يرفع قضيه على الحكومه
وبالتالى ستكوم متابعه بأستمرار
أخيرا لازم تعرف حاجه
البلد فيها قانون بس عجلته واقفه ومحتاجه زق
ماهو للأسف
مش عندنا ثقافة لحياة المواطنين
يعني
لما تقف قدام القاضي ..وتقوله أنا أكلت مطب ..وعاوز تعويض
هيبصلك على إنك تافه ..أو مستفضي نفسك
ومش بعيد يعملولك محضر إزعاج سلطات
هوا طبعا مش هيشوف خلفية الموضوع إيه
إلي هيا
إنك كان ممكن تموت بسبب إهمال واحد مسؤل
وإنك هتتكلف فلوس من جيبك ..إنت تعبان فيها
وإنك كان ممكن تموت حد ماشي على الطريق
وإنك كان ممكن يحصلك تعب نفسي بسبب الصدمة(مش بهزر..فعلا في ناس أعصابها خفيفة ..وده مش عيب).
.
لا صدقنى يا أحمد مصر فيها قضاه كويسين جدا جدا
وبعدين بعيدا أن شيء تافه أو كبير
الفكره فى دستوريه الشيء دا نفسه
يعنى القاضى عارف أن فى القانون تقدر ترفع قضيه على الوزاره أو المحليات whatsoever
وبالتالى هو هيمشى زى مالقانون بيقول و يدى كل واحد حقه
عايز كمان أقولك يا أحمد أن قطاع القضاه المصرين بجد من أنزه القطاعات ودا شىء غريب فى بلد فيها فساد سرطانى زى بلدنا
لكن القضاه كويسين جدا والاستثناء قليل جدا
وعارف كمان
أحنا الى للأسف فهمنا نفسنا أننا منعرفش ناخد حقنا بالقانون
وأننا منعرفش نرفع قضيه على ظابط أو نسجنه
أحنا الى ضيعنا حقنا بأدينا و تفكيرنا
القانون موجود لكنه صدى من عدم أستخدامه
الكلام ده غير صحيح لأن اللجنه الفنيه التى ستشكل لدراسة سبب الحادث ستتوصل إلى أن سبب ذلك سيارة سعادتك إللى كان لازق فى كاوتشها المطب ، وقد أدى ذلك إلى إلتصاق المطب بالأسفلت وتشويه الطريق وبالتالى سيتم مطالبتك بالتعويض عن التلفيات التى أحدثتها بخلاف أتعاب اللجنه :colsmil: