-
شكر واجب للمهندس طارق
السلام عليكم انا كنت عملت موضوع قبل كده هنا انى اشتريت بومه زيرو وفيها مشكلة ان دراع الاشاره مبيرجعش مع عدلة الدريكسيون ناحية الشمال..وده لنك الموضوع http://http://www.nilemotors.net/Nile/125709-a.html والمهندس طارق كان رد عليا وقالى اجى التوكيل فى اى وقت حتى قبل صيانة الالف امبارح رحت الحمد لله انا ووالدى وكلمت المهندس طارق اول موصلت وقالى اطلعله المكتب لما يستلمو منى العربيه وفعلا طلعتله واتعرفت عليه وقعدت ادردش معاه شوية..صدعتك شوية يابشمهندس انا عارف :) بجد شخصيه محترمه جدا وزوق جدا واتصل بنفسه بالصيانه اكتر من مرة وتابع معاهم العربيه -زى متكون عربيته واكتر شوية -لحد مخلصوها ونزلت استلمتها والحمد لله المشكلة اتحلت وتمام التمام وكمان اخدت منه ستيكر الموقع وادانى كتالوجات بومه وشارك عشان مطلعش من عنده وايدى فاضية :) فانا حبيت اعمل التوبك ده عشان اقوله الف شكر يابشمهندس على تعبك معايا ومع كل واحد هنا فى المنتدى..وبامانه الواحد بيبقى مطمن وهوه رايح التوكيل وعارف ان ليه حد هناك زى حضرتك اتشرفت جدا بمعرفة حضرتك واشوفك ان شاء الله فى صيانة الالف جزاك الله خيرا والى الامام دائما تحياتى
-
شرفتنا يا دكتور وانا باسعد دايما بأي عضو من نايل موتورز يشرفني في المكتب
شكرا لك
Content Relevant URLs by
vBSEO 3.6.0 PL2