أدوس ولا لأ ؟؟ سؤال فى دخان ابيض خفيف اوى من الشكمان - أرجو الرد
السلام عليكم ورحمة الله وبركاته ...
قدامى عربية جولييت مو 99 استيراد حالتها العامة جيدة جدا
لكن فى مرة وصاحبها بيدور لاحظت شوية دخان أبيض خفيف من الشكمان لثوانى وبعدين راح
سؤالى المحدد : هل وجود دخان حتى ولو كمية ضئيلة وحتى لو فى بداية الدوران بس معناه ان الموتور خفيف او فيه مشكلة ؟؟
ولا ممكن يكون ليه سبب تانى بسيط ( حاجة عايزة تتغير مثلا ؟؟؟ زيوت .... الخ ؟؟؟ )
وازاى أحدد بالظبط ما اذا كان هذا الموتور جيد أم لا واذا رحت البنزينة أكشف عالعربية ( زى كالتكس اللى فى تقاطع عباس العقاد مع مصطفى النحاس مثلا ) هيقدروا يحددوا بالظبط مدى كفاءة الموتور ؟؟؟ بحيث أبقى مطمئن ولا برضة أى كلام ؟؟؟
أرجو الافادة عشان أقرر اتوكل على الله فى العربية ولا لأ
شكرا جزيلاً