الموضوع: الضرايب و الجمارك المصريه سرقة لزيادة سعر السيارة

المشاركة الأصلية كتبت بواسطة fellacd

الحل إنك تحل أزمة المرور وتفكر فى بدائل ووسائل لتخفيف الأزمة مش إنك تحرم الناس من شراء عربيات
الحاجة التانية .. الموضوع نسبة وتناسب .. يعنى شوف عدد الميكروباسات والتاكسيات والأتوبيسات اللى فى شوارع القاهرة كام .. وهاتعرف سبب الزحمة ... لكن لو العربيات رخيصة هاتقدر الناس تبقى معاها ملاكى وهاتقل الحاجة للميكروباس والتاكسى والأتوبيس لأن مفيش حد غاوى قرف وهم دول سبب كوارث المرور والزحمة والبلاوى اللى شايفنها دى.
الحاجة الثالثة .. إن إنت بتفكر فى القاهرة وبس .. لكن باقى الشعب فى باقى المحافظات اللى نفسه يبقى عنده عربية ترحمه هو وأسرته من قرف السواقين وقلة ذوقهم .. دول تحرمهم ليه علشان أزمة فى القاهرة ناتجة عن سوء التخطيط وفشل فى إدارة الأزمة؟؟
أخيرا.. معنى كلامك ده إن إحنا نقول مثلا نظرا لارتفاع نسبة الإصابة بسكر الدم فى المصريين وزيادة عدد المصابين بمرض السكر إن إحنا نغلى السكر وكل الحاجات اللى طعمها حلو علشان الناس تبطل تشترى وتقل الإصابة بالسكر!!
وعجبى ..!!

اولا-ازمة المرورحلها مش حاجة سهلة تتحل فى يوم و ليلة
ثانيا-لو الموضوع نسبة و تناسب يبقى تشيل الميكروباص و يحل محله14 عربية وتشيل الاوتوبيس و يحل محله 50 عربية وبكده تبقى الزحمة زادة بمراحل
ثالثا-متفق معاك

المشاركة الأصلية كتبت بواسطة ama

على سبيل المثال التويوتا كرولا خارج مصر و من مصنعها بسعر 12,000 دولار و ذلك يعنى 66,000 جنيه مصـرى لكن بالنسبه لسعرها فى مصر نلاحظ أنه فى حدود 145,000 جنيه مصرى يعنى بمعنى أصح أكتر من سعرها مرة و زيادة

الحسبه مش صعبه لما تكون العربيه تمنها = 66 الف
زود جمارك 40% + ضرايب 15% = 40 الف جنيه
وزود مكسب الوكيل + التاجر = 35 الف جنيه

يبقى الناتج تمن العربيه

الموضوع ان السرقه مش من الجمارك والضرايب وبس لا دا في الوكلاء والتجار كمان

هرد عليكم واحد واحد إن شاء الله و كل حاجة هتكون عن الموضوع دة هتكون فى جروب
أقوى جروب للسيارات المصريه لحمايه المستهلك ضد السرقه
و هتكون برضة على نايل موتورز عشان كلنا نتناقش فيها و إن شاء الله تبقى حاملة ناجحه حتى لو 80% و تأثر شوية فى الأسعار الغريبه و المبالغ فيها

بالنسبه لمحمد رفعت
والله أنا إلى بحييك على ردك و قرايتك للموضوع بالتفاصيل و فعلا كان موضوع نانو دة كدبه كبيرة و أتحطيت صورة لعربيه هنديه مالهاش علاقه بالموضوع أصلا عشان السرقة تكمل بالمره و ناقص بعد كدة يقولك العربيه مفيهاش كراسى تبقى دى الكارثة بقى يا اما الناس هتقف متنيه كدة أو ليها مسمى تانى بلدى شوية مينفعش أقولة يا أما بقى هتربع و تفتحلها فتحه كدة فى التابلو تبص منه على الشارع

المشاركة الأصلية كتبت بواسطة crazylambada

عفوا لكني مع الضرايب
بس في رايي انها تتلغي بالنسبه لسيارات ال1000 سي سي و تزيد و انتا طالع
علشان خزينه الدوله بس الاهم ان السرقه و اهدار المال العام يبطلوا

وجهة نظر أحترمها بس أحنا حتى الجمارك بتاعتنا بتعامل الـ3500 سى سى زى الـ2000 سى سى زى الـ1600 سى سى زى الـ1000 سى سى كله سرقة × سرقة
طيب ماهى أغلب السيارات الصينيه الجديدة 1000 سى سى و بتيجى هنا بيبقى سعرها مضاعف مرتين زى الـ Byd F0 كان الخبر بتاعها بيقول أنها بحوالى أربعين ألف جنيه حاجة زى كدة و هيا أصلا برضة بـ3000 دولار
طيب حضرتك تقدر تقولى الفلوس إلى بتتاخد ضعف تمن العربيه و أكتر بشوية بتروح فين ؟ أو ليه ؟ ماحنا لو عرفنا و طلعت الفلوس دى بتروح فى جهه تطور بلدنا هنسكت لكن دا أحنا بقالنا شوف عشرات السنين موضوع الجمرك دة شغال و مفيش تطور و برضة السرقة كل يوم تزيد و التوكيل بمزاجة ممكن ينزل عربيه فى البدايه بسعر مثلا 60,000 جنيه و فى الأخر يقولك دى بقيت 64,000 يعنى هيا الزيادة دى بسيطة ؟ وبتروح فين برضة ؟ و ليه سعرها زاد ؟

المشاركة الأصلية كتبت بواسطة Moh_Zaher

معاك حق طبعا في كل اللى قولته احنا هنا بنتسرق ومابنتكلمش ده بره العربيات بتراب الفلوس
بس المشكله ان احنا لو نزل سعر العربيات زي بره مثلا هل شوارعنا هاتتحمل ده دلوقتي و العربيات اسعارها كده الواحد مابيعرفش لا يمشي ولا حتى يركن

طيب ماهما بياخدوا ضرايب من المحلات و المولات التجاريه و الدمغات و الطوابع إلى بيكون تكلفته 5 قروش بيتباع بـ5 جنيه و من الضريبة العقاريه و كل حاجة ليها ضرايب دا الموظف الحكومى بياخد مرتبه و ناقص منه الضرايب و عندك أستمارات الثانوية العامه و أستمارات الكليه الحربيه أو الشرطة إلى سعر الواحدة بقى 80 جنيه دلوقتى و حاجات كتيرة جدا جدا جدا طيب مايظبطوا بيها الطرق يا أستاذ زاهر دا لو فيه مصدقيه شوية و كل مواطن دفع 5 جنيه و أحنا دلوقتى بسم الله ماشاء الله حاجة و تمانين مليون نسمه ممكن نعمل مدن و محافظات تانيه أصلا مش تقولى طرق
طيب لو الحكومة بتفهم صح بقى طيب ماهى تعمل برج كبير كدة و تخليه جراج و يكون مكون مثلا من 20 دور أو 15 دور زى الدول الأجنبيه و تاخد فلوس على دخول العربيات باليوميه لو عايزة بجد تستثمر بقى فيه مليون طريقة أبسطها يصحوا عسكرى المرور إلى بيكون نايم على نفسه و كل حاجة هتتظبط

المشاركة الأصلية كتبت بواسطة fellacd

موضوع ممتاز وواقعى جدا جدا
وياريت يكون بداية حملة لإلغاء هذه الجمارك المبالغ فيها أو على الأقل تخفيضها
وكمان ياريت كل اللى عنده فكرة عن الأسعار الحقيقية للعربيات فى بلد المنشأ يكتبها علشان نعرف إحنا بنتسرق أد إيه
الملحوظة الخطيرة إن كل الضرايب والجمارك دى على العربيات بتروووح فييين؟؟؟؟؟
يعنى بند السيارات لوحده على ما أعتقد مش هايقل عن 35مليار جنيه فى السنة بتحصلهم الحكومة من الشعب
والرقم ده بحسبة بسيطة .. يعنى لو قلنا إن متوسط العربيات اللى بتدخل البلد فى السنة 700ألف عربية ملاكى على نقل على ميكروباس .... إلخ إلخ
ومتوسط الجمارك والضرائب المحصلة على العربية 50ألف (طبعا ده متوسط لأن فى عربيات بتوصل جماركها وضرايبها إلى 200ألف ج وأكتر)
يبقى إجمالى ما تحصله الدولة 35 مليار سنويا من بند السيارات فقط ... يا ترى الحسبة دى صح ولا غلط؟؟ ولو صح يبقى الفلوس دى بتروح فين ؟؟؟ دا غير باقى الجمارك والضرايب على باقى السلع والبضائع
دا غير الضاريب اللى مفروضة على الشعب إشى ضريبة كسب عمل وإشى ضريبة مبيعات وإشى ضريبة عقارية وإشى ضريبة مش عارف إيه .. إلخ
يا ريت حد يجاوبنى .. يا ريييييت

عندك حق و أنا عملت جروب على الفيس بوك عشان ينشر الحمله و أسمه
أقوى جروب للسيارات المصريه لحمايه المستهلك ضد السرقة
لان بصراحه الموضوع لازم ينتشر والفيس بوك أنتشارة كويس و إن شاء الله تبقى حمله ناجحة بوقفه الناس كلها و كلامك مظبوط 100% و الـ35 مليار دا أقل أحتمال دا من السيارات فقط تخيل بقى فوانيس رمضان و البطاريات إلى بتشغل الكشافات و الموبايلات و كل حاجة جايه بمعنى أصح بما أننا أستهلاكيين 100% رغم ان دول العالم المتقدمه المنتجه بتخلى الضرايب غاليه عشان تشجع الأنتاج الوطنى أحنا بقى ليه مش دولة أنتاجيه و فى نفس الوقت سعر الجمارك عالى يعنى بنتسرق وأحنا ساكتين

المشاركة الأصلية كتبت بواسطة CAMARO

فعلا فعلا مبالغ فيها أسعار السيارات عندنا في مصر
شوفوا الميني كوبر لو دلتها من امريكا هتقف علي بكام
و بعدين كان نشر في عدد من اعداد اخبار اليوم أعداد السيارات الي دخلت مصر وأسعارها و جماركها و حسبت السيراتو الي هي أول فئة ب 95 ألف عملت حسبة بسيطة و لقيت ان تكلفة السيارة على التوكيل هتقف ب 75 ألف بالجمرك طبعا و دة طبعا متوسط السعر لأن اللي دخل البلد فئات السيراتو كلها

تقدر تقول أن النصب مالوش حدود فى أى فئة من السيارات و على فكرة سعر الجمارك و الضرايب المصريه بتوصل لضعف تمن السيارة و أكثر و لاحظ الأمثلة إلى كتبتها فوق

المشاركة الأصلية كتبت بواسطة Nistelrooy

بجد هههههه مفاهش مارش ؟؟

لو متابع جريدة عربيتى كنت قريت التقرير إلى فيها عن العربيه دى
على العموم و ليه تروح بعيد أدخل الموضوع دة و تابعه هتلاقى عضو فى منتصف أواخر الصفحات مش عارف الصفحه كام بالظبط و مصور الجريدة و المقال عنها أضغط هنا

المشاركة الأصلية كتبت بواسطة Eng.Mostafa Mahran

بالرغم من ان الضرايب و الجمارك عالية اوى شوفو الزحمة فى الشوارع عاملة ازاى
طيب لو السيارات دخلت مصر باسعارها الاصلية ممكن يحصل ايه؟

طيب ماهو دة عيب تانى من الدولة مش مننا أن الدولة دى من النهاية خطتها أنها تعيش جوة الفتله إلى محطوطة على خريطة صفرا طيب هنقول أن موقع مصر أستراتيجى ساعد على عدم أحتلالها فى سنين طويلة يا عم أحنا هنكدب على نفسنا طيب ماهو لو فيه دولة عايزة تحتلنا دلوقتى هتدخل بطيران يعنى ماهو فيه عقل برضة طيب مانتوسع بقى شوية على الجمبين دول و من النهاية عايز اقولك برضة على حاجة تانيه بص على الصين و شوف عددهم و هتلاقى مفيش نظام أكتر من كدة بصراحه الأهم أنهم يصحوا عسكرى المرور إلى بيكون نايم و بيعمل مليون كارثة وظبطوا الأسفلت إلى لو عربيه ماشيه على 100 كيلو هتتقلب لو فيه حفرة أو مطب مش باين و فى الأخر يقولك أصل إلى بيسوقوا عربيات فى مصر متهورين

المشاركة الأصلية كتبت بواسطة m_7arb200

انا معاكم وياريت تكون دى بداية حمله
حرام والله كدا احنا بنتسرق وسكتين
انا مش عرف اجيب عربيه بمواصفات كويسه
انا هتكلم عن اسعار متسوبيشى عشان اللى طلب اسعار السيارات الأصليه
لانسر بـ$14,790
لانسر ايفولوشن بـ33,590$ اللى بـ600 الف مصرى
جلانت بـ21,599$

الأسعار دى من الموقع الرسمى وحول بئى من دولار لجنيه

فعلا الحمدلله الجروب إن شاء الله هيمسك الحمله دى لأن موقع الفيس بوك الاكثر أنتشارا فى الحملات على ماأظن و دا بيساعد كتير جدا فى ترويج الحمله و طبعا باين أوى السرقة و باين اوى أن مفيش حد بيقول ليه السعر دة بقى كدة و الناس نايمه بس إن شاء الله كل واحد يعرف إن شاء الله الأسعار الحقيقة وتكون الحمله دى تكمله لخليها تصدى لو سعرها و جماركها فضلت على حالها

المشاركة الأصلية كتبت بواسطة ahmedsamir79

موضوع متميز

جزاك الله كل خيرا أستاذ أحمد و تابع معانا إن شاء الله على خير

المشاركة الأصلية كتبت بواسطة m_7arb200

ياجماعه عاوزين نشوف حل للمشكله دى
مينفغش نفضل ساكتين ومضيعين حقنا كدا
لو احنا الل مش هنجيب حقنا مبن هيجبهولنا
دا احنا مابنعرفش نستورد عربيه مستعمله من الخارج

فعلا فيه دول كتيرة من سكاتها أتحولت لمجاعات و دول عالم تالت و للأسف أحنا منهم دولة عالم تالت من سكاتنا
و فيه دول عشان قالت لأ و أعترضت على حالها بقيت من أكبر الدول فى العالم زى الصين و دلوقتى أحنا متعقدين منها مش عشان جودة الخامات بس عشان أنتشارها الفظيع و شوف دلوقتى دولة الصين بقيت عامله أزاى دولة صناعية 100% بتستهلك صناعتها و بتصدر مليارات غيرها رغم أن شوف عدد سكانها أد أية
للأسف الساكت عن الحق شيطان أخرص أنا ليه أركب عربيه متكلفة مثلا على سبيل المثال 10 ألاف جنية و أركبها بـ15 ألف جنيه ؟ هيا بلطجة ولا أتاوة زى مابيقولوا

المشاركة الأصلية كتبت بواسطة fellacd

الحل إنك تحل أزمة المرور وتفكر فى بدائل ووسائل لتخفيف الأزمة مش إنك تحرم الناس من شراء عربيات
الحاجة التانية .. الموضوع نسبة وتناسب .. يعنى شوف عدد الميكروباسات والتاكسيات والأتوبيسات اللى فى شوارع القاهرة كام .. وهاتعرف سبب الزحمة ... لكن لو العربيات رخيصة هاتقدر الناس تبقى معاها ملاكى وهاتقل الحاجة للميكروباس والتاكسى والأتوبيس لأن مفيش حد غاوى قرف وهم دول سبب كوارث المرور والزحمة والبلاوى اللى شايفنها دى.
الحاجة الثالثة .. إن إنت بتفكر فى القاهرة وبس .. لكن باقى الشعب فى باقى المحافظات اللى نفسه يبقى عنده عربية ترحمه هو وأسرته من قرف السواقين وقلة ذوقهم .. دول تحرمهم ليه علشان أزمة فى القاهرة ناتجة عن سوء التخطيط وفشل فى إدارة الأزمة؟؟
أخيرا.. معنى كلامك ده إن إحنا نقول مثلا نظرا لارتفاع نسبة الإصابة بسكر الدم فى المصريين وزيادة عدد المصابين بمرض السكر إن إحنا نغلى السكر وكل الحاجات اللى طعمها حلو علشان الناس تبطل تشترى وتقل الإصابة بالسكر!!
وعجبى ..!!

فعلا عندك حق دا أحنا أكبر دولة فى العالم مصابه بالقولون العصبى من كتر العبء والمشاكل و الضغط و للأسف المليارات إلى الحكومة بتاخدها مفيش أى تطوير ولا فى طرقات ولا شوارع ولا قطارات ولا وسائل مواصلات ولا أى حاجة فى الدنيا دا حتى الهوا أقسم بالله العظيم ريحته مش زى زمان أنا أصلا مش كبير أنا لسه بدرس فى كليتى دلوقتى يعنى أعتبر من أصغر الأعضاء فى المنتدى وبرضة يعنى من كام سنه كدة كنت بصحى أشم ألاقى ريحه الهوا نضيفة دلوقتى بحس و كأن الهوا ملوث بالكئابة و حرق الدم و لما بروح مثلا أركب القطر بتاع أبوقير طيب لازم تلاقى زباله مولعة الصبح و بالليل تلاقى دبان و طبعا مش هتكلم على الريحه بالنسبه لمنطقة معينه عندنا فى أسكندرية أقسم بالله العظيم مستشفى و جمبها مدرسة أطفال و المكان إلى جمبها عبارة عن مقلب زباله و الزبالة مش بتتنقل منه إلا كل أسبوع و الأغرب ان فيه عربيات بتمشى فيه و فوق الزباله كمان دا غير الأطفال إلى طالعين من المدرسة و الناس إلى بتموت جوة المستشفى حتى من الشكل القذر مش من مرضها لو أتكلمت أصلا هتكلم من هنا لبكرا كفايه كدة

المشاركة الأصلية كتبت بواسطة Eng.Mostafa Mahran

اولا-ازمة المرورحلها مش حاجة سهلة تتحل فى يوم و ليلة
ثانيا-لو الموضوع نسبة و تناسب يبقى تشيل الميكروباص و يحل محله14 عربية وتشيل الاوتوبيس و يحل محله 50 عربية وبكده تبقى الزحمة زادة بمراحل
ثالثا-متفق معاك

والله لو فيه فعلا معارضة كويسة من الشعب أزمة المرور هتتحل فى ساعة مش فى يوم كمان
لما كان الرئيس ماشى فى العصافرة فى شارع 45 و طبعا معروف أنه زحمة و عامل أزاى بس الشرطة المصريه قفلت الطرق ومكانش فيه صرصار حتى ماشى فى الشارع و لو كان فيه صرصار ماشى فى الشارع كان أتقتل و أتضرب بالنار هتقولى الناس بتبص من البلكونات لأ أبدا محدش قدر يفتح حتى شباك يبص منه و كل أسطح البيوت و العماير كان عليها قناصين و عساكر أمن مركزى و كأن الرئيس داخل حرب و بيأمنوه طبعا هما عملوا كدة أقسم بالله العظيم فى لحظات معدوده طبعا عشان عارفين أن منطقة 45 فيها ناس كتير مش بتحب النظام الحكومى للبلد يبقى إلى يخلى الدنيا فاضية كدة فى لحظة عشان الرئيس ماشى هنا يخلى أزمة المرور تتحل و يعملوا طرق جديدة و يظبطوا الطرق المتكسرة دى




الموضوع منتهاش لسه فيه باقيه
هناقشها هنا و هتتنشر فى الجروب دة
أقوى جروب للسيارات المصريه لحمايه المستهلك ضد السرقه

المشاركة الأصلية كتبت بواسطة sha2e

الحسبه مش صعبه لما تكون العربيه تمنها = 66 الف
زود جمارك 40% + ضرايب 15% = 40 الف جنيه
وزود مكسب الوكيل + التاجر = 35 الف جنيه

يبقى الناتج تمن العربيه

الموضوع ان السرقه مش من الجمارك والضرايب وبس لا دا في الوكلاء والتجار كمان

مانا عشان كدة قولت عن الجروب أنه لحمايه المستهلك من السرقة مش من الجمارك فقط
و زى ماقولت أن ممكن الوكيل أو التاجر يكون بيبيع السيارة بعد النصب و الجمرك و الضرايب و السرقة و اللذى منه بـ40,000 جنيه و فى الأخر تانى يوم ولا حاجة تلاقيها بـ46,000 جنيه و تقولة ليه يقولك أصلها حققت نجاح طيب ماهى تحقق نجاح طيب أية ذنب المستهلك أو المواطن المصرى أن الحاجة دى نجحت يعنى طبعا واضح السرقة و مفيش رقابة أو مسؤل يقول أية إلى بيحصل طول ماالفلوس بتبقى فى جيبه قبل ماالشعب يتسرق

و للموضوع بقيه

بالنسبة للزحمة فدي مش مشكلة المواطنين لا دي مشكلة الدولة اللي عندها سوء تخطيط لأن على حد علمي تخطيط المدن بيتم فيه مراعاة الزيادات السكانية المستقبلية بس طبعا طبعا احنا لا عندنا تخطيط و لا حاجة
بالإضافة الى ان جميع الحلول للمشاكل الي بتأتي بها الحكومة بتكون حلول روتينية و احيانا متخلفة بدلا من التفكير بعبقرية كما في الدول المحيطة و الغرب
و مان غض البصر عن امور سيئة اخرى

طيب احنا ممكن نعمل ايه عشان نحل المشكله
اللى عنده رأى يقوله
انا رأى ان الحمله هى انسب حل
بس نحاول نجمع ناس كتير

من رأيي نشر الوعي العائلي
يعني مثلا أكيد في حد في العائلة عايز يشتري عربية سواء كبير أو صغير و هو عايز يشتري و خلاص نحاول نقنعه بالعدول عن رأيه و إقناعه بالفكرة علشان يفهم معارفه من الراغبين في الشراء و بكدة نكون حاولنا نضرب عن شراء السيارات إل حين تنفيذ مطالبنا