الف مبروك يا باشا العربية الجديدة
وربنا يديك خيرها ويكفيك شرها
وإن شاء الله تطلع حاجة بسيطة
وأهم حاجة فعلا لازم تخلى عينك على الصنيعى
عشان ميعوكش فيها لانها عربية محترمة مش
بتاعت عك وفعلا عبدالله أوبل كويس
وربنا يبارك لحضرتك فيها
عرض للطباعة
الف مبروك يا باشا العربية الجديدة
وربنا يديك خيرها ويكفيك شرها
وإن شاء الله تطلع حاجة بسيطة
وأهم حاجة فعلا لازم تخلى عينك على الصنيعى
عشان ميعوكش فيها لانها عربية محترمة مش
بتاعت عك وفعلا عبدالله أوبل كويس
وربنا يبارك لحضرتك فيها
الأخ تامر تامر
الله يبارك فيك الف شكر على الخدمات منتحرمشى منك
للآسف انا كنت راكب فيات 2000 لكن الفيكترا بفتح الكابوت الحاجات الموجودة كتيرة اوى
ومش عارف المية من الزيت وناس تقوللى لو حتذود ميه العربية حتبرجل منك علشان الكومبيوتر
بتاعها- ونا فعلا خايف الميكانيكية يشتغلونى تبقى وقعتى بيضة - ده حتى العدادات الامامية غريبة عليا.
بجانب دى اول مرة حسوق فيها الاتوماتيك ربنا يستر.
ومتشكر مرة ثانية. وشكرا لكل الاخوة فى العصابة - ومصيرى اروح الجبل وقابل البيج بوص
معظمنا هنا بيغير زيت شل الاصفر وفي ناس بترتاح مع موبيل - الموتور بياخد 4 كيلو زيت (الجركن كامل) وبرده هتشوف المقاس بتاع الزيت الجركن بحوالي 100ج بيعمل 3000كم
حضرتك هتحتاج تعمل للعربيه سرفيس علشان تبقي ماشيه معاك من اول السطر وتبقي حاسس بيها ومطمن ليها ومعاك في التابلوه نوته صغيره تسجل فيها مواعيد الصيانه الدوريه .والسرفيس اهم حاجه فيه تغيير سير الكاتينه(بوش او جايتس) وسير الدينامو(جايتس او كونتيننتال) وطقم بوجيهات (جي ام او بوش سوبر بلوج)وفلتر بنزين(توبران او فيبي) وهوا وطبعا فلتر الزيت (هنجست)هتغيره مع غيار الزيت - غير كده هتشيك علي شويه حجات زي بليه شداد سير الكاتينه وطرمبه الميه وتيل الفرامل امامي وخلفي وزي ماالرجاله قالوا خلي بالك وانت بتشتري قطع الغيار تكون اصليه ومن مكان مضمون لان غير كده هتتعبك .ربنا يوفقك واي استفسار اسال براحتك الرجاله هتقوم معاك بالواجب :satelite:
الأخ احمد
الله يبارك فيك وشكرا على كلامك الجميل
بس والله العظيم موضوع الميكانيكى والكشف على العربية ده
عامللى صداع فى دماغى حاسس كأنى رايح اعمل عملية فتح قلب
تفتكر الدكتور مجدى يعقوب يعرف يصلحلى العربية ؟؟؟
ربنا يستر
دعواتكم ياجماعة اخوكم مزنوق
الف مبروك علي العربيه وربنا يكفيك شرها بازن الله
وفعلا زي ما قالولك الرجاله لازم في الاول تعملها الصيانه علشان تبدأ معاها من البدايه خالص ولازم تحطلها قطع الغيار الاصليه ومتسترخصش اي قطع غيار وخاول يكون ميكانيكي انت عارفه و عارف شغله كويس وضامنه علشان محدش يعوكلك فيها يحسن العربيات دي لو حد عكلك فيها هاتكره اليوم اللي جبتها فيه
وموضوع الباور ده الميكانيكي هو اللي يقدر يقولك ايه السبب , بس متنساش لما تروح للميكانيكي تقولنا قالك ايه علي الموضوع ده علشان بردو نفهم ايه سبب الموضوع بتاع الباور والايه بي اس
ونصيحه وانت ماشي من عند الميكانيكي تشيك علي كل حاجه حتي لو مكنش اشتغل في الحاجه دي شوف كل حاجه يحسن دول ساعات بيلعبوا في حاجات ميكونوش فاهمين فيها ومش واخدين بالهم الحاجه دي بتاعت ايه .. شيك عليها كويس قبل ما تتحرك من عندو ولو في حاجه ظهرت جديده في العربيه تقولو الحاجه دي مكانتش موجوده في العربيه قبل كده ومتسبهوش غير لما يرجعلك العربيه زي ماكانت
وربنا معاك ومبروك علينا عضو جديد في العصابه :satelite:
وان شاء الله تطلع حاجه بسيطه وميكونش في حاجه
اولا الف مبروك على العربية وربنا يبارك لك فيها ان شاء الله
ثانيا الميكانيكى دة عكاك متروحلوش تانى .. الخرطوم دة بتاع السيرفو وملوش دعوة بالباور
ثالثا الناس اللى بتقول متزودش مية علشان الكومبيوتر بيفتوا .. هى هتبرد ازاى ولا الكمبيوتر هو اللى بيزود المية لما تنقص!!
رابعا اول حاجة تعملها السرفيس بتاع العربية (زيت فتيس وموتور , سيور كاتينة ودينامو بالشدادات , فلاتر هوا وبنزين وبوجيهات , تكشف على اتيال الفرامل ورا واودام , تغير مياة الرادياتبر ) وتعمل جدول للصيانة بتاريخ التركيب وعداد الكلم
اهم حاجة فى دة كلة بلاش صنايعية بتفتى , لازم عند حد متخصص اوبل او التوكيل .. محدش تانى يمد ايدة فيها
وبما انك جديد فى العربية ومتعرفش العربية ولا اماكن قطع الغيار والصنايعية خليك الاول فى التوكيل هتدفع ازيد شوية بس هتشترى دماغك
موضوع الباور دة يالطلمبة ياسير الدينامو بس غالبا طلمبة (اكشف على مستوى زيت الباور فى العلبة السودا اللى بين الموتور والرادياتير ناحية الشمال
ههههههههههههههه
حلو أوى موضوع الدكتور مجدى يعقوب دة
حضرتك ممكن أعرف العربية وهيا على السلانسية بتبقى على كام rbm
لان انا لاحظت فعلا إن العربية لما ببقى بركن بحس أنه تقيل شوية مش أوى
عشان انا مش ببقى دايس بنزين فبالتالى عدد لفات المحرك بيقل فعشان كدة بحس أنو بيتقل
لكن على الطريق الحمد لله زى الفل مفيش أى مشكلة
الأخ هيل بوى
الف شكر للمعلومات الهايلة والهامة انا عملت زى التلميذ اللى رايح المدرسة
اشتريت نوته وقلم وبدأت اكتب كل المعلومات اللى ادتهالى .. ربنا يخليك ويديك الصحة
متشكر مرة تانية
الأخ dark
الله ينور عليك
متشكر جدا للمعلومات اللى قلتها والله يبارك فيك
ربنا يستر مع الميكانيكى انا لاافهم اى شيء فى العربية وياريت لو فى حد عنده الكاتلوج بتاعها
على الاقل اعرف استعملها
انا خايف من موضوع الميكانيكية وياريت المنتدى يعين طقم من الشباب العدالة ونلبسهم جلاليب
ونركب لهم شنبات ونسلمهم شوم و أى واحد عندة عطل يروحوا معاه
ونهجم على الميكانيكى ونقوله اننا جيين تبع المعلم ابو دومة
نظام كارت ارهاب ...
ولا بلاش بدل مايقفلوا علينا الدكان وينفخونا