الباشمهندس احمد
الف شكر على المعلومات وهى فكرة برضة علشان اطمئن على العربية انى اروح التوكيل ولو مرة واحدة
انا ساكن فى اخر فيصل تفتكر اقرب توكيل اوبل عنوانه ايه؟؟
فى انتظار ردك ياجميل
وشكرا مرة ثانية
عرض للطباعة
الباشمهندس احمد
الف شكر على المعلومات وهى فكرة برضة علشان اطمئن على العربية انى اروح التوكيل ولو مرة واحدة
انا ساكن فى اخر فيصل تفتكر اقرب توكيل اوبل عنوانه ايه؟؟
فى انتظار ردك ياجميل
وشكرا مرة ثانية
الاخ احمد اللول
بالنسبة لموضوع على السلانسية بتبقى على كام rbm
قصدك اول مطلع بالعربية
لو كده اول مانزل حشوفه
ومتشكر جدا على الرد ربنا يخليك
بالظبط كدة ياباشا ومستنى رد حضرتك
ولا شكر على واجب إحنا كلنا هنا اخوة
وبالنسبة للتوكيل عليك وعلى مقار اللى فى الكوبرى الخشب
مبروك عليك العربية ياباشا....والله يعينك عليها ويساعدك...بص ياباشا اهم حاجة فى العربية دى انك تبعد عن الميكانيكية العاديين لأنهم كلهم هيعكوا فى العربية دى جامد...روح للمتخصصين فيها وبس....ونصيحة تانية زى ماقالك تامر باشا كدة اوعى تخلى ميكانيكى يشتريلك قطع الغيار عشان لو حضرتك مش فاهم فيها هيعمل عليك شغل ليه هو....ووانت ماشى من عنده خد حاجاتك القديمة معاك متسيبلوش حاجة.....وحاول على قد ماتقدر تتعامل ديما مع مركز واحد بس عشان التغيير الكتير وحش....جنبك فيه عبدالله اوبل شاطر زى ماسمعت ...بس انا افضل الشيخ هيثم بتاع الحرفيين لو قدرت تروح هناك.....بالنسبة لمشكلة الباور عندك فبعد تجربة زييها بالظبط عندى من حوالى 10 ايام اتضح لى ان السبب هو علبة الدركسيون وبعد ماغيرتها حسيت بفرق شاسع بين الباور القديم والباور الجديد....روح لميكانيكى وخليه يبصلك عليها لو بتشر زيت يبقى غيرها فورا وهتدعيلى...واى حاجة غالية قبل ماتجيبها تعالى اسأل هنا وهتلاقينا كلنا بنساعدك على قد مانقدر ان شاء الله
سرور باشا انا مسرور
والى الابد حدعيلك على المعلومة دى ربنا يكتر من امثالك
ودعنى اسألك اتكلفت كام علبة الدركسيون والميكانيكى بياخد كام لوسمحت
شكرا مرة ثانية وفى انتظار ردكم الكريم
مبروك عليك العربيه يا باشا وربنا يديلك خيرها ويكفيك شرها
بالنسبه للميكانيكى فعن تجربه مش سمع صابر بتاع رابعه ورا توكيل منصور بتاع رابعه فاهم جدا والناس اللى عنده فاهمين بس هو غالى حبتين وزحمه شويه بس لما تفكر فيها صح مش مهم تدفع زياده شويه وتريح دماغك بدل محد يعك فيها وتفضل رايح جاى على الصنيعيه
طبعا فى ناس فاهمه كتير بس ده اللى اتعاملت معاه
وربنا يوفقك
مشكور ابوخليل
بعد ردودكم الكريمه المحترمة وخوفا على السيارة من البهدله بفكر اروح التوكيل فى الاول
علشان اطمئن على العربية
ويعملوا اللآزم وربنا يسهل وبعد كده حبقى مضطر للتعامل مع الميكانيكية
اشكرك مرة ثانية على ردك الكريم
علبة الدركسيون ياباشا انا لسة شاريها ب750 جنيه بس فرز اول يعنى ماشاء الله كأنها جديدة....ومتصدقش حد يقولك انها بتتصلح لأن التصليح مش بينفع فيها وبتبوظ تانى بسرعة وبتقل الدركسيون جداااا.....عشان كدة اتاكد الاول انها سليمة او بايظة ولو بايظة لاقدر الله هتضطر تغيرها طبعا وده مفيهوش جدال......المشكلة انك تاخدها بحالة نضيفة ودى مش هتلاقيها غير عند ناس قليلين جدا زى محمد سوسو فى الوكالة او اليسر فى الحرفيين....وعموما اتاكد بس الاول من عربيتك وقولنا ايه الاخبار واحنا معاك ان شاء الله
الف مبروك يا باشا