tananybasha
الله يبارك فيك ومتشكر على شعورك الجميل ياجميل
عرض للطباعة
tananybasha
الله يبارك فيك ومتشكر على شعورك الجميل ياجميل
SrOrR4EvER
الف شكر حبيبى على سرعة الرد انا مستنى بس الشارع عندنا ينشف من المطر والطين واروح اكشف عليها
لأنى محتاج مايوه علشان اعمل سكيينج على الطين.
الخرطوم ده خرطوم السيرفو بتاع الفرامل لو انت مشاور علي الخرطوم صح ده لو مكسور يخلي الفرامل محجرة معاك
بالنسبة للصيانات و الكشف فانت ممكن تعمل حاجة تروح تعمل الصيانة بتاعة كل 5000 في التوكيل و تشوف التقرير هيطلع اية و تقولك ممكن تعمل ايه و فين
او تطلع علي صابر و تستحمل انه غالي و زحمة شوية او احمد عبد الراضي في صقر قريش
بس بلاش عبد الله هو كويس جدا و دمة خفيف و خدوم بــــــــــس بجد قطع الغيار عنده مضروبة او هو بيسترخص و بيديك بالرخيص برده
انا كنت عنده اخر مرة وغيرت العفشة عنده و غير لي تيل الفرامل الخلفي sk و انا عارف انه تيل وحش جدااا قالي ده جميل و رخيص بس جربة و هيعجبك و زي ما نا توقعت تيل معفففففففففن هو بسترخص البضاعة يمكن عشان عنده المستوي مش قد كده فممكن لو قال لحد التيل بـ 150 جنية مش هييجي تاني
بس لا يمنع انه صنايعي شاطر و عنده كذا واحد شاطر بس صابر احسن
الاخ ahmedmaklad
مشكور ياجميل على المعلومات الهايلة متحرمش منك
الخرطوم اللى شاورت عليه مكسور ... تفتكر ايه الحل فيها هل فى طريقة اصلحها بنفسى
ولا لازم تتغير .. بصراحة انا مش عايز ابهدل العربية والناس مخوفينى من الميكانيكية
:I_angr1[1]:
ممكن تلحمه بس حسب الكسر او ممكن تغيرة هو كان استعمال تقريبا بـ 75 جنية بس اضمن تغيرة
متشكر يابو حميد
سؤال تانى لو سمحت ... معلهش انا جديد على العربية وعايز اعرف لاقدر الله لو العربية عطلت
وحبيت اقطرها اعمل ايه؟؟ مفيش مكان اجر منه؟؟
واحد قاللى على غطاء موجود فى العربية وهو بحجم غطاء الحاجة الساقعة المعدن وهو موجود بمقدمة العربية
ولكن يحتاج ل (جنش) علشان نجر منه
سؤالى هل لو شلت الغطاء الصغير سوف اجد الجنش
وفى حالة الجر حخللى العربية d or n
وشكرا
المفروض الجنش ده في شنطة العربية علي اليمي هتلاقي جنب بيتفتح ببكرة كد و المفروض الجنش و الكوريك جوة او ممكن تلاقيه في الشنطة في اي حتة ممكن مع الاستبن بس مكانة الطبيعي في جنب الشنطة اليمين
و انت واقف ادام العربية علي الشمال في الاكصدام تحت هتلاقي فيه طبة صغيرة كده بتشيل الطبة تلاقي تحتها المكان اللي بيركب فيه الجنش
و علي علمي انه في حالة قطر العربية الاتوماتيك بتبقي على الـ n و الناس هنا ممكن تصححلي لو انا غلطان
مشكور ابو حميد على سرعة الرد جزاك الله بكل الخيرات
انا دورت مكان ماقلتلى ملقتهوش فى الشنطة اللى على اليمين فى الشنطة
بس لاحظت ان الاستبن مربوط بمسمار .. هل هو ده الجنش؟؟؟
وبعدين الجنش ده هل هو عبارة عن مسمار قلالاوظ يتركب فى جسم العربية مكان الطبه
ولا شكله ايه؟؟
وهل فى عدم وجوده هل ممكن اشتريه ؟؟
مشكور
استني لماانزل اصلي الجمعه وانا راجع ان شاء الله هرفعلك صورته ومكانه .
فى انتظارك الله يكرمك