بسم الله الرحمن الرحيم
انا ان شاء الله حابب انى اتكلم عن صلاة الفجر وانى احببكم فيها ان شاء الله
ومش هعمل كوبى بيست فى عشر صفحات ولا حاجة
لا دا انا ان شاء الله تعالى هجمعلكم الموضوع فى 3 نقاط جميلة
1-اهمية صلاة الفجر
2-فضل صلاة الفجر
3-دا الشئ المهم بالنسبالك (القرار)
بسم الله توكلنا على الله
اللهم انى اسئلك ان اخطئت فى شئ فانى علمى قليل
اللهم انى اسئلك ان تغفر لى ذنوبى وذنوب المسلمين يا رب العالمين الاحياء والاموات بفضلك يا ذا الجلال والعظمة سبحانك لا علم لنا الا ما علمتنا
اولا اهمية صلاة الفجر:
تحفظ فى ذمة الله ان شاء الله
دخول الجنة ان شاء الله
حيث قال رسول الله محمد صلى الله عليه و سلم (من صلى البردين دخل الجنة) والبردين هما صلاة الفجر و العصر
صلاة الفجر تساوى قيام الليل
قال رسول الله صلى الله عليه و سلم (من صلى العشاء في جماعة فكانما قام نصف الليل ومن صلى الصبح في جماعة فكانما قام الليل كله)
ثانيا فضل صلاة الفجر(ياة فضلها عظيم):
يعنى والله شوف كدة معايا
انك تقوم من النوم بالليل فى الشتاء تلبى نداء الاذان فى الجو شديد البرودة ياة فضل عظيم
وتتوضئ وتروح الجامع تبقى ان شاء الله فى ذمة الله وما بالك ان تكون فى ذمة مالك الملك ذو الجلال والاكرام
قال رسول الله صلى الله عليه وسلم : ((ركعتا الفجر خير من الدنيا وما فيها))
ياة اية رايك بقى مش انا اللى قولت الكلام الجميل دا
دا سيدنا محمد صلى الله علية وسلم المعصوم من الاخطاء
ثالثا القرار:
الخطوة الايجابية الهامة فى تغيير حياتك
خد انتا لمرة واحدة قرار من نفسك مش كل مرة تتبع الشيطان واهوائة وما بالك باهواء الشيطان
خد قرار صحيح بالنسبة لمسئلة النوم :
هتقولى ببقى نعسان ولا بشتغل ولا مش عارف اية انتا قريت الحديث الاخير
قال رسول الله صلى الله عليه وسلم :(ركعتا الفجر خير من الدنيا وما فيها) والله لا كلام بعد كلامك يا اشرف الخلق محمد صلى الله علية وسلم
ضبط نومك على الصلاة قاوم الشيطان
اتفق مع صحابك على الكلام الجميل دا
صحوا بعض وساعدوا بعض لحد ان شاء الله مرحلة التعود
بجد انتا دلوقتى قريت الموضوع خد القرار وتوكل على الله هتفضل لحد امتى
الشيطان ممشيك زى ما هو عايز
القرار يا مسلمين القرار
قول ورايا : بسم الله توكلت على الله ان شاء الله ان عشت وكنت من اهل الدنيا ان اداوم على صلاة الفجر قدر الاستطاعة وطبعا باقى الصلوات
وانى ركزت على صلاة الفجر مش معناة انى تركت باقى الصلوات لا دا انا
ببتدى معاك ومع نفسى ان شاء الله
وكمان انا بردة مش معنى انى بكلمكم يعنى انى مداوم على الصلاة لا والله انا
شاب زيكم بحاول ان شاء الله ومن خلال المحاولة بجيب اكبر قدر من الناس والمسلمين
بحاول زيكم وان شاء الله هنبتدى مع بعض دلوقتى اخدت القرار وتوكلت على الله
ادعولى يا مسلمين وادعوا لانفسكم وادعوا لكافة المسلمين
اللهم اغفر للمؤمنين والمؤمنات الاحياء والاموات
سبحانك اللهم وبحمدك اشهد ان لا إلله إلا انت استغفرك واتوب اليك