انا لما رحت اطلع بدل فاقد على البطاقة االشخصية , رحت برده زيك موضب نفسي و جاهز للتصوير و دخلت الغرفة و سبقت الموظفة :E_braces[1]:
لقيتها بتقولى لا بدل فاقد مفيهوش تصوير :) زعلت اوى خصوصا ان الصورة القديمة اتصورتها و انا بعطس :)
عرض للطباعة
مرة تانية جزاكم الله خيراً جميعاً على النقاش
أستاذ ahmadalaaeldin عندي سؤال بخصوص تجربة حضرتك
حضرتك قلت
بصراحة البطاقة مش ضايعة إنما اللي حصل إننا مش عارفين نغير لها الحالة الاجتماعية.اقتباس:
كمان انا بطاقتي مغيرتهاش من ساعة التخرج فكلموني بعد لما عملت الطلب على الموقع وقالولي احنا عرفنا انك اتجوزت هنغيرك الخانة إلي متزوج (طبعا انا فرحت ان فيه ربط بين وثيقة الزواج والرقم القومي لي ولزوجتي) بس بالنسبة لإبني ماقلوليش حاجة عنه واضح ان الربط بشهادات الميلاد لسة متعملش.
بس اعتقد ده مش هينفع لو عايز تغير مكان الإقامة او الوظيفة والله اعلم
أكتوبر قالوا من اسكندرية ومش هاينفع إلا لما تنتهي البطاقة كمان سنتين
وفي اسكندرية قالوا نفس الكلام
دلوقتي عاوزين نستخرج لها جواز سفر بس تكون الحالة الاجتماعية متزوجة
وعرفت إن ده مش هايحصل إلا لو الحالة الاجتماعية متغيرة في بطاقة الرقم القومي
ونظراً لأننا مش عارفين نغيرها ففكرنا في فكرة بدل الفاقد دي
مشكلة معقربة شوية :)
دلوقتي بقى
حضرتك عندك فكرة هانقدر نغير لها الحالة الاجتماعية من الموقع ولا لأ؟
بص بالرجوع للحصل معايا انا لم اطلب تغيير الحالة الإجتماعية لكنهم هم اخبروني انهم هيغيروها واعتقد ديه الحالة الي بيكلموك فيها لأن تاريخ إصدار البطاقة (او تجديدها او إصدار بدل فاقد او تالف) وقع بعد تاريخ الزواج
ده الي حصل معايا وشايف انه منطقي يحصل لنفس حالتك لو فقط تغيير الحالة الإجتماعية. (بس لازم يكون الرقم القومي (مش رقم البطاقة الورقية القديمة) ليك ولزوجتك متسجل في قسيمة الزواج (اعتقد هيكون كده إلا لو كنت متزوج من حوالي 10 سنوات)
اهم حاجة تسجل رقم هاتف أرضي يكون متاح علشان يتابعوك ؟
انا جبتلك تليفون المصلحة من الموقع .حاول تتصل بيهم وهما يفيدوك اكثر
للأسف معنديش اي فكرة عن موضوع جواز السفر
تليفونات المصلحة
24033179 02
24025852 02
هي صحيح إلكترونية
بس لو واحد من أسوان مقيم في القاهرة لازم يرجع ألف كيلو لأسوان عشان يعدل بياناته
تخيلوا؟
دي خلاصة المكالمة مع مركز خدمة عملاء الحكومة الإلكترونية
ساعتها افتكرت النكتة اللي انتهت بـ "معندناش فراخ، بس إيه رايك في النظام؟"
للأسف مضطرين نروح إسكندرية عشان نغيرها
جزانا الله وإياكم
يا اخي انا معملتش حاجة
عموما إلكترونية واحدة واحدة !!حاجة تغيظ والله..
معلش برده تبقى سفرية لطيفة مع الزوجة والأولاد ورب ضارة نافعة:)
بس بالمرة بقى حاول تغير العنوان على عنوان بطاقتك او لو عزلت غير عنوان بطاقتك الأول
على عنوانك الجديد (بالعقد او وصل نور او غاز) وبعد كده غير بيانات بطاقة الزوجة كلها يعني مادام هتتمشور هتتمشور انهيها زي مبيقولوا "اقطع عرق وسيح دم" وخد معاك كل ورقك وأمن نفسك و توكل على الله وربنا ييسرك امورك.
يا جماعة طيب لو عملتها من اسماعيلية و ضاعت مني ممكن اعمل بدل الفاقد هنا فالقاهرة؟؟
و هل لازم ختم جهة العمل علي الورقة الكبيرة دي؟