عرض للطباعة
يا جماعة انا هروح اشترى عربية مستعملة هيا سوزوكى ماروتى موديل 99
فحد عنده فكرة عن كل ما يخص شراء عربية مستعملة علشان بجد انا لسه جديد فى المجال يعنى عايز اعرف الخطوات و اعرف ايه رسوم كل خطوة مع العلم انى مش هعمل نقل ملكية
يعنى اعرف ايه نظام و فلوس تسجيل العربية و ايه الاجراءات المطلوبة
هيا العربية معملوها فحص ل 3 سنين قدام و الرخصة قدامها سنة
يا ريت حد يفيدنى يا جماعة بكل الرسوم و الاجراءات يبقى عمل معايا واجب بصراحة
شكرااااا
رسوم نقل الملكية فى 2008 دفعت 1500 ج ومش مسامح فيهم
ولسة هاتروح المرور وتترووق
يعنى قصدك ان موديل العربية كان موديل 2008؟
و هل دا مصايف نقل الملكية يعنى انتا عملت عقد بيع مسجل فى الشهر العقارى و بعد كدا طلعت على المرور علشان تعمل نقل ملكية و رخصة سيارة بإسمك؟؟؟؟
أنا رديت عليك فى موضوع مساعدة من فضلكم
ثانيا أنت بتشترى الآول ورق الفحص حسب المدة اللى أنت عايزها وتروح تدفع التأمين الآجبارى حسب المدة اللى أنت عايزها وبعدان تروح تعمل الفحص ودة مع نقل الملكية وتشترى الطفاية
أو تمشى السنة دية بالتوكيل ولما يخلص تنقل الملكية أو دلوقتى ممكن تعمل عقد بيع بدل التوكيل فى الشهر العقارى التابع لمنطقة سكنك لآن فى الآخر لآزم تعمل عقد بيع ليك من المالك أو من التوكيل لنفسك قبل التجديد والرسوم ذى ما كتبت فى الموضوع التانى . والله الموفق
الرسوم حسب الجداول بس هتكون في حدود 400 ج للعقد المسجل وماتمضيش مشتري لأنك لو مضيت مشتري لازم تروح المرور تنقل الملكية وتفحص خلال شهر من تاريخ العقد المسجل والا هيكون لاغي وتدفع رسوم تاني بعقد جديد تاني ,, وأنصحك بعقد مسجل وبلاش حكاية التوكيل دى عشان العربية كده بقت بإسمك رسمي والمالك القديم يبقى مالوش دعوة بالعربية
وبعدين تروح المرور تنقل الملكية وهتفحص - نقل الملكية لازم بفحص جديد لو هتنقلها من مرور لآخر -
وتدفع رسوم الترخيص السنوية وخلاص
بس هي مشاوير المرور مقرفة وربنا يعينك وهتتعود على كده
شكرا لكل اللى رد على موضوعى
انا رحت امبارح الحمد لله و الرسوم طلعت 580 جنيه لعمل عقد البيع المسجل بالشهر العقارى و ممضيتش مشترى علشان افضل محتفظ بالرخصة لحد ما تنتهى و بعد كدا اعمل نقل الملكية ان شاء الله