انا كندي عندي مشكله في جلد الابواب للتمبرا وكنت عايز اغيره في البابين اللي قدام
رحت التوفيقية لقيتهم بيبيعوا بالمتر بس مختلف شوية عن الفابريقة
بالصدفة لقيتهم عند محل في شارع شبرا زي الفابريقية بالضبط
وشكرا
عرض للطباعة
انا كندي عندي مشكله في جلد الابواب للتمبرا وكنت عايز اغيره في البابين اللي قدام
رحت التوفيقية لقيتهم بيبيعوا بالمتر بس مختلف شوية عن الفابريقة
بالصدفة لقيتهم عند محل في شارع شبرا زي الفابريقية بالضبط
وشكرا
مبروك الف مبروك - ياريت تقولنا اخبار العزل ايه و انهى نوع اللى اشتريته
العزل أفضل بكتير الصوت قل خالص
التكييف أسرع بكتير
الفرق بين الجلود مش في الخامة الفرق في الشكل بس
انا جبت زي اللي كان عندي
تمام قوى قوى مبروك يا باشا
معلش ياجميل
ياريت تفاصيل اكتر
يعني المكان فين
والمتر بكام
واخدت كام متر
ممكن عنوان المحل لو سمحت
مكان المحل:-
شارع شبرا وانت ماشي من ميدان الخلفاوي في اتجاه دوران شبرا
المحل عند اول يوتيرن في الشارع علي اليمين تالت او رابع شارع بعد خير زمان
المحل اسمه أحمد الصعيدي وهو مشهور جدا هناك
الباب بياخد حوالي 3.5 متر
المتر ب 9 جنيه
الف مبروك وشكرا لمعلو ماتك الغالية واهتمامك
محمد الصعيدي
يااااه اخيرا يا دكتور ضياء حد عرف مكان كويس لجلد الابواب
انا ان شاء الله هاروح للراجل ده في اقرب وقت
مش عاوز اقولك انا جلد الابواب عندي عامل ازاي و ايه اللي حصلي في يومين المطر اللي فاتوا دول ولا التراب اللي كل يوم بنضفة من جوه العربية
ربنا يكرمك يا دكتور ضياء
هل الراجل ده هو اللي بيركب الجلد بنفسة ولا بتركبة عند حد تاني و مصنعيتة كام ؟؟
شكرا ليك لتصحيح اسم المحلاقتباس:
mode2002
الف شكر يا أبو الدكاترة , أنا رحت أرض شريف لقيت كاوتش ناشف زي بتاع التوفيقية و كمان كنز و ليس عريض و الراجل قال لي هات بتاع الريجاتا و أعمل له وصلة علشان بتاع التمبرا عريض أعرض من الريجاتا و طبعا رفضت .
بس قولي هو زي الاصلي بالضبط و لا في فرق شوية ؟؟؟؟؟؟؟؟؟؟
أنا أنضميت للجروب بتاع التمبرا في الفيس بوك و برجاء نقل نسخة من خبراتنا الى هناك للأفادة هنا و هناك
ده غير بتاع الريجاتا
بتاعي أعرض منه وركبته والعزل اختلف تماما
في نقطه واحدة عند كورنر الباب فوق في زاوية كانت راكبه فوق الجلد القديم
اخدتها وركبتها
الان لا يوجد اي تسريب
والتكييف 100%
يا دكتور ضياء
هل الراجل ده هو اللي بيركب الجلد بنفسة ولا بتركبة عند حد تاني و مصنعيتة كام ؟؟
ياباشا ياريت ترد عليا عشان انا عاوز اروح اعمله النهارده
لو مركبوش يا أخ بونانزا ممكن أي سروجي يركب كاوتش الابواب ده بسهولة
انا اسف بس انا لسه راجع من الشغل
الراجل مش بيركبه
انا ركبته عند واحد بتاع ابواب وخد مصنعيه 15 جنيه مع ملاحظة اني عملت البابين الامامين فقط
الف شكر يا استاذ عبد المسيح علي ردك
انا امبارح رحت لاحمد الصعيدي يا باشا و جبت من عنده الجلد لثلاث ابواب و سألته علي جلط للشنطة قالي عنده و لما جابهولي لقية غير الاصلي في الشكل و الابعاد فا رجعتهوله تاني بس حاسبني المتر بـ 10 جنيه و بيني و بينك انا مافاصلتش خالص و هو قالي اعملة عند اي واحد بتاع ابواب بردو
تفتكر اجيب منين جلد للشنطة عشان الجلد اللي عندي بايظ تماما هل انزل التوفيقية ولا عندك مكان تاني ؟؟ انا لفيت في كل محلات الاكسسوارات و مستلزمات العربيات اللي في شارع شبرا و مالقيتش
كمان عاوز كلبسات للكاوتشة اللي بتتحط في البابين الخلفيين و دوخت السبع دوخات من اول ما اشتريت العربية و انا مش لاقي نفس الكلبسات اللي عندي ولا اي كلبس تاني عاوزة تمشي عليها
شكرا يا دكتور ضياء
كمان عاوز كلبسات للكاوتشة اللي بتتحط في البابين الخلفيين و دوخت السبع دوخات من اول ما اشتريت العربية و انا مش لاقي نفس الكلبسات اللي عندي ولا اي كلبس تاني عاوزة تمشي عليها
انت قصدك الكاوتشة اللي راكبه علي الابواب ورا من تحت من عند المنحني ولا ايه؟؟؟
انا هانزل عزبة شلبي واسأل عليهم
ايوة يا باشا هي دي ... ربنا يكرمك اسأل علي الكلبسات لان الكاوتشة دي عندي انا بس عاوز الكلبسات
امبارح بقي روحت ركبت الكاوتش اللي اشتريته ، انا اشتريت 11.5 متر لثلاث ابواب
الراجل اللي روحت اركبه عنده طلع امين جدا والله ربنا يكرمة
لما بص علي الجلد عندي لقي ان في حتت كتير سليمة فا قالي حرام نشيل الجلد الاصلي بتاع العربية و قطلعي بس الحتت المقطعة و حط مكانها الجلد الجديد و علي فكرة هو بردو في فرق كبير بين الاصلي و اللي اشتريتة ، الاصلي برضوا اعرض شوية و فيه شفة مش موجوده في اللي اشتريتة .. المهم انه بيقضي الغرض و خلاص
في الاخر العربية اخدت حوالي 3.5 متر من الـ 11.5 متر اللي اشتريتهم مش عارف احمد الصعيدي بقي يرضي يرجعهم ولا ايه .. هابقي اجرب اروحله تاني بس المشوار لطيف من الهرم لشبرا ... ياريت لو حد يعرف رقم التليفون بتاعة يكتبه و يرحمني من المشوار
علي العموم بشكرك تاني يا دكتور ضياء
يا جماعه حد لقي مكان نجيب منه كاوتش الشنطه؟
ما تحكولنا ياعم هشام شفتو ايه انتو بتشوقونا انا كمان عايز انزل معاكم العزيه عايز اظبط شوية حاجات