انا عايز اشترى فيليشيا موديل 1995 الى 1998 على حسب
اللى عايز يبيع عربيته يكتبلى بيانات عنها وياريت يرفعلى صور للعربية
وطالب فيها كام
عرض للطباعة
انا عايز اشترى فيليشيا موديل 1995 الى 1998 على حسب
اللى عايز يبيع عربيته يكتبلى بيانات عنها وياريت يرفعلى صور للعربية
وطالب فيها كام
وعايز استفسر عن حاجة
انا سمعت ان فى موديلات معينة فيها مشكلة السخونة
ده ناتج عن ايه
فعلا فيها مشكلة سخونة
بس اللى معانا موديل 99 مفيهاش المشكلة دى
هى العربية عامة حلوة بس تجيبها نضيفة وصاحبها يكون معتنى بيها
لانها لو متهملة هتلاقيها عايزة كتير بعد ما تشتريها
بالنسبة للموتور هو كويس 1300 بس استهلاكه في البنزين انا شايف انه يعتبر عالى على حجمه وحجم العربية ( مش فاكر صراحة بتعمل كام في الصفيحة بس ممكن تحطلها 80 )
العفشة ناشفة و العربية انا شايف انها خشنة شوية ( مش بستمتع بسواقتها بحس انى راكب توك توك وانا سايق - مع انها بتجرى حلو و بتسحب -) دى وجهة نظرى اانا عن نفسى ما بحبش العربيات الصغيرة اطلاقا يمكن عشان طويل يمكن حالة فردية
بس على سعرها وامكانياتها عربية كويسة
مشكلة الحرارة مش موجودة عندى في 99 بس اسمع انها منتشرة كتير وممكن تجيب وش سلندر
مشكلة تقل الدركسيون برضه مش عندى عشان ملتزم بمقاس الجنوط الاصلى 13
أنا عارض عربيتى للبيع يا باشمهندس
و من الأخر هى محتاجه سمكره و رش علشان ترجع فابريقه من بره
دواخل كلها زى الفل الموتور كان وش السلندر فيه بيسرب ميه غيرته كله بوش سلندر أستعمال بحالته ممتازه و طبعا ده من تغيير جوانات كامله و تاكيهات يعنى النص الفوقانى كله زيرو
العربيه مظبوطه زيت و ميه و حراره و صالون فابريقه
جنوط 13 إيطالى سبور و كاوتش جديد
لو مهتم كلمنى العربيه فى اسكندريه مرخصه حتى 2011 و مسجله
معلش هاخرج عن الموضوع ياريت حضرتك تفيدنى وتقولى منين جيبت وش السلندر لانى عندى مشلكة فيه وعايز اغيره بواحد استراد انا من اسكندرية محرم بيه ياريت تفيدنى هل الاقى فى صلاح الدين ولا السيوف ولا من الوكالة فى القاهرة والاسعار فى حدود كام وجزاك الله خيرااقتباس:
المشاركة الأصلية كتبت بواسطة hanyalashkr
زياد وش السلندر جيبته من سيدى بشر واحد بتاع استيراد استعمال و كان راكب فى موتور و فكيته لقيته زى الفل و كأنه زيرو خدته ب 500 جنيه هو وش التاكيهات و مسامير وش السلندر ...
طبعا مش عارف هو عنده تانى و لا لأ لكن ممكن تروح تسأل هو توصله بعد نفق سيدى بشر اول شارع يمين و انت رايح على فيكتوريا طريق عبد الناصر ادخل الشارع و امشى شويه على مطلاعيه على ايدك اليمين هاتلاقى المحل و المخزن فى وشه على الشمال ادخل على المخزن على طول هاتلاقى واحد واقف هناك قوله انت عايز ايه و هايساعدك و تشوف بنفسك و تفك و تعاين و بعدين روح المحل شوف تخلص فيه على كام .. لو مالقتش عنده انزل صلاح الدين اخر شارع يمين ادخل على ايدك اليمين على طول واحد تانى نفس النظام...
بس ابقى طمنى عملت ايه
وش السلندر جديد صينى 1050
جزاك الله خيرا على الرد والافادة وانا فعلا عارف المكان تقريبا اللى فى سيدى بشر وبتاع صلاح الدين اسهل هاروحه الاول ان شاء الله بس اخر الشهر لان هادخل العربية عمرة وهابلغ حضرتك بالاسعار وشكرا ليك مرة تانيةاقتباس:
المشاركة الأصلية كتبت بواسطة hanyalashkr
ممكن اطلب من حضرتك لو عندك خبرة فى الفليشيا ترشح لى الوش الصينى احسن ولا الاستيراد الاوربى وجزاك الله خيرااقتباس:
المشاركة الأصلية كتبت بواسطة hysagm
والله طبعا الوش الإستيراد المستعمل أفضل بكتير لأن سبيكة الأنتيمونيا اللى مصنعه فى مصانع سكودا مهما كان هاتكون أفضل من الصينى غير إن مقاسات الصينى مش بالمللى زى التشيكى لأن فيه ناس كتير اشتكت من انها لما ركبت الوش الصينى الصبابات بتتكسر باستمرار و طبعا ده معناه ان مقاسات الوش مش مظبوط على بلوك الموتور
عموما انا عندى وش مستعمل بتاعى الأصلى هو محتاج لحام و خراطه و قشط اللى محتاجه انا فى الخدمه بس مانصحش بيه إلا لحد عايز يسترخص و يمشى حاله لأنه مقشوط مره قبل كده يعنى اللى لسه قدامه وقت يدور على وش نضيف لسه ماتقشطش احسن