مشكلة في جهاز الكمبيوتر pc

السلام عليكم

معايا جهاز amd athlon 5200 x2
motherboard giga bayte
viga 1 giga bulti in
2 giga ram
بصراجة الجهاز مواصفاتة جامدة اويي و سريع جداا و الهارد ديسك ساتا سريع هو كمان

دلوقتي المشكلة ان لما اجي العب لعبة تقيلة شوية فجأة في وسط اللعب الجهاز بيفصل فجأةة من غير سابق انذار
قولت يمكن سخونية فعلا لقيت ان الحرارة بتزيد
مع ان المروحة ال عدد الفات بتاعتها عالية
و مع ذلك مش بتبرد
جيبت معجون بروسيسور و حطيتة المشكلة هديت شوية يعني بدل ما كان يشتغل 5 دقايق بقوا 7 كدا
المشكلة انه بيسخن جامد البروسيسور

مع ان اخويا معاه نفس الجهاز و نفس المواصفات دة حتى البروسيسور اقل 4400 مش 5200 و شغال و مش بيسخن خالص و الكيس هنا هي هي هنا

يا ترى اية السبب
الجهاز بيعمل كدا بس في الالعاب
دة انا حتى غيرت الباور سبلاي مفيش فايدة

ارجوا الافادة

شوف مروحة البروسييسور يا دكتور ممكن تكون عايزه تتغير و المعجون ده كويس

اقتباس:

---

المشاركة الأصلية كتبت بواسطة ksa2011

شوف مروحة البروسييسور يا دكتور ممكن تكون عايزه تتغير و المعجون ده كويس

---

المروحة تمام انا غيرتها بردة مفيش فايدة
انا شوفت عدد الفات بتاعتها لقيتة مساوي او اكثر بحاجة بسيطة من الجهاز التاني يعني المفروض ان المروحة احسن هنا

بص يا باشا الموضوع سهل جدا انشاء الله
هو مبدئيا ممكن يكون من الباور صبلاي
بس انت قولت انك غيرته ممكن غيرته بواحد نوعه ايه علشان في باورات كتير مضروبة

لو افترضنا انك جبت نوع كويس ((لحد ما نعرف النوع اللي عندك) هيبقي العيب التاني من الرام

فيا ريت نعرف نوع المذربورد رقمها كام ونوع الرام وسرعتها علشان التوافق دا مهم جدا ولو ان في ناس مش بتاخد بالها منه

اقتباس:

---

المشاركة الأصلية كتبت بواسطة madyyuri

بص يا باشا الموضوع سهل جدا انشاء الله
هو مبدئيا ممكن يكون من الباور صبلاي
بس انت قولت انك غيرته ممكن غيرته بواحد نوعه ايه علشان في باورات كتير مضروبة

لو افترضنا انك جبت نوع كويس ((لحد ما نعرف النوع اللي عندك) هيبقي العيب التاني من الرام

فيا ريت نعرف نوع المذربورد رقمها كام ونوع الرام وسرعتها علشان التوافق دا مهم جدا ولو ان في ناس مش بتاخد بالها منه

---

بالنسبة للباور سبلاي هو طبعا النوع الصيني بس انا عندي بردة نوع صيني و مشغل الجهاز التاني تمام

الرامات كينج ستون ddr2
الماذر بورد جيجا بايت s 690 amd series

عليك وعلى الباور سبلاي "الجاما"

درجة حرارة الوضه الي فيها الجهاز نفس درجة الحراره عند اخوك؟؟

ولا اوضتك حراره شويه؟؟

A.Yakout

شوف يا باشا....

1- غير الباور سبلاي و هات واحد محترم و غالبا (جاما) ممتاز فعلا... لو مش باور سبلاي يبقى...

2- غير فانة البروسيسور و هات واحده كويسه بردو, و فيه فانة ممتازه كانت بـ80 جنيه تقريبا... لو مش فانه

يبقى تودي البروسيسور الشركه لأن ممكن جداا يكون هو نفسه فيه مشكله, و يتغير بواحد تاني

ده على حسب معلوماتي المتواضعه.....

اقتباس:

---

المشاركة الأصلية كتبت بواسطة dr_abooody

بالنسبة للباور سبلاي هو طبعا النوع الصيني بس انا عندي بردة نوع صيني و مشغل الجهاز التاني تمام

الرامات كينج ستون ddr2
الماذر بورد جيجا بايت s 690 amd series

---

بص يا باشا الرامات والبورده براءة انت تجيب باور صبلاي نضيف خليك في الكولر ماستر دا كان سعره تقريبا 120 او 150 مش فاكر وانشاء الله هتظبط معاك
وبلاش الباورات ام 45 جنية دي ويقولك 500 وات وهي اصلا هجص

المشكلة اني غيرتلة الباور سبلاي و جربت علية واحد
مفيش فايدة
انا بصراحة استبعد الباور سبلاي
هل ممكن يكون عيب صناعة في البروسيسور

و انا كنت بفكر ادية التوكيل بتاع amd
حد يعرف مكانة عشان اروح

اولا لما الجهاز بيطفي لوحده
هل بيعمل ريستارت و لا لأ ؟
لو بيعمل ريستارت يبقي تغير الباور سبلاي
لو بيطفي بس و مبيرسترش
يبقي البروسيسور بيسخن
و معني انه يسخن في الجو التلج ده
يعني المروحه بتاعته لاز تتغير ضروري
بواحده نحاس مش الومنيوم
عشان تمتص الحراره كويس
و غير الويندوز بالمره
لان ممكن تكون المشكله فيه

وانت بتركب المروحة ركبها حلو اوى لان لو مش راكبة حلو الحرارة مش هتعدى وتوصل للCooler ومش هيبرد,انت ممكن تهز المروحة وتلاقيها ثابتة بس بردوة لازم تربط جامد اوى على المسمار عشان الCooler يركب كويس على البروسيسور.

أنا شايف ان العيب غالبا في الباور. أنصحك تشتري HEC/Gamma (الاتنين واحد) 300W و سعره في حدود 120 جنيه. حتى لو متحلتش المشكلة فانت عالأقل حافظت على مكونات جهازك من التلف بعد كده.

هو الجهاز من ساعة ما جبتة والمشكلة دي فية ولا ظهرت بعدين ؟

ولو ظهرت بعدين هل كنت لعبت في حاجة ؟

اتأكد ان المبردة لازقة في البروسيسور بشكل كويس لأن لو في مشكلة في القاعدة بتاعتها احتمال تكون بعيدة عن البروسيسور

لو مكانش يبقي غالبا مشكلة بروسيسور

تاكد اولا ان جميع الدرايفرات عندك محدثة و خصوصا كارت الشاشة
و بعدين نزل البرنامج ده EVEREST Corporate Edition v5.30.1900
من هنا
و ده شرح لطريقة تستطيب البرنامج

لما تشغل الرنامج اذهب Computer من القائمة اللي في جنب البرنامج و منها الي Sensor
و تنقل لنا هنا درجات الحرارة في وضع الخمول و في وضع الضغط
ممكن تشغل الالعاب في وضع windowed mode لو عايز تراقب الحرارة و انت بتضغط
و بالنسبة للمعجون في طريقة معينة لوضع المعجون و تامين المروحة لو زادت او قلت كمية المعجون بتدي نتايج سلبية
و هنا شرح فيديو لطريقة وضع المعجون بالكمية المناسبة و توزيعها علي المعالج
بعد التاكد من الحرارة ممكن نحدد سبب المشكلة منين
لانها محصورة في الحرارة و الباور سبلاي و الرام او سوفتوير و نادرا البروسيسور
انا عندي نفس البروسيسور و دي درجات الحرارة عندي للاسترشاد
http://img23.imageshack.us/img23/5598/tempzn.jpg

اقتباس:

---

المشاركة الأصلية كتبت بواسطة noble911

تاكد اولا ان جميع الدرايفرات عندك محدثة و خصوصا كارت الشاشة
و بعدين نزل البرنامج ده everest corporate edition v5.30.1900
من هنا
و ده شرح لطريقة تستطيب البرنامج

لما تشغل الرنامج اذهب computer من القائمة اللي في جنب البرنامج و منها الي sensor
و تنقل لنا هنا درجات الحرارة في وضع الخمول و في وضع الضغط
ممكن تشغل الالعاب في وضع windowed mode لو عايز تراقب الحرارة و انت بتضغط
و بالنسبة للمعجون في طريقة معينة لوضع المعجون و تامين المروحة لو زادت او قلت كمية المعجون بتدي نتايج سلبية
و هنا شرح فيديو لطريقة وضع المعجون بالكمية المناسبة و توزيعها علي المعالج
بعد التاكد من الحرارة ممكن نحدد سبب المشكلة منين
لانها محصورة في الحرارة و الباور سبلاي و الرام او سوفتوير و نادرا البروسيسور
انا عندي نفس البروسيسور و دي درجات الحرارة عندي للاسترشاد
http://img23.imageshack.us/img23/5598/tempzn.jpg

---

شكرا يا باشا على مجهودك

بس الجهاز للأسف من و هو جديد هو كدا
بس انا ما كنتش بشغل العاب شغلت فيفا زمان و فصلت بنفس الطريقة
و جيبت المعجون و عملتة و جيبن نوع غالي كمان بس ما فيش فايدة
و الحرارة بتوصل تقريبا ل 60
هل دة عيب صناعة و لو كدا اعمل اية
الجهاز معايا بقالة سنتين اكيد برة الضمان

هوه الجهاز بيفصل لما بتلعب بس ولا لما يشتغل وخلاص من غير لعب ؟؟؟

طالما 60 بدون ضغط يبقي هي بالفعل الحرارة
ان لو مكانك حفكه و انضفه بشويه كحول ابيض هو و المشتت
و احط المعجون من تاني و ادخل البيوس و ارفع سرعة المروحة شوية
و اتاكد انها بتلف في الاتجاه صح و انها راكبه في البوردة صح
و لو في في جنب الكيسة مكان لمروحة جانبية اركبها
او ممكن اجرب ان افتح جنب الكيسة و احط مروحة في وش الجهاز

بص يا باشا .... انا مش هافتى لأنى مش مهندس كومبيوتر و مش بفهم فيهم بس الموضوع ده حصلى قبل كده و كان من الماذر بورد الجيجا بايت لأن الفتره اللى انت اشتريت فيها الجهاز كان نزل ماذر بورد مضروبه و بايظه و كنت بشترى جهازى فى الوقت ده برده و رحت للمحل اللى اشتريت منه و جربه و بعدين غيرلى الماذر بورد و برده عملت نفس الحكايه مع الجيمز و ساعات مع الأفلام ..... و رجعتله و اخدت ماذر اسوس و كله قالى وقتها ان الأسوس اليومين دول احسن من الجيجا بايت لأنه نازل كتير منها بايظ ,,,,

و على ما اعتقد انك نفس المشكله لأنك بتقول فى الألعاب بس و دى كانت مشكلتى و جربها برده على الأفلام هتلاقيها بتعمل كده بس بعد فتره من تشغيل الفيلم .......
و اعتقد ان هى السبب و الله اعلم .

كان عندى نفس المشكلة دىفىibm وطلع العيب من الرامات (كان فى سن من السنون الحديد _الصغيرة جدا دى- اللى فى الرام مكسور)
حاول كده تجرب عندك الرام بتاع كمبيوتر اخوك وشوف ...وان شاء الله تشتغل تمام وتتحل المشكلة

اقتباس:

---

المشاركة الأصلية كتبت بواسطة dr_abooody

شكرا يا باشا على مجهودك

بس الجهاز للأسف من و هو جديد هو كدا
بس انا ما كنتش بشغل العاب شغلت فيفا زمان و فصلت بنفس الطريقة
و جيبت المعجون و عملتة و جيبن نوع غالي كمان بس ما فيش فايدة
و الحرارة بتوصل تقريبا ل 60
هل دة عيب صناعة و لو كدا اعمل اية
الجهاز معايا بقالة سنتين اكيد برة الضمان

---

لازم يبقى فى contact كامل ما بين البروسيسور و ال heat sink الى هو الريش الى تحت المروحه, انت ممكن تكون شايف ان المروحه بالheat sink ثابتين فى البورده تماما بس صدقنى ممكن ميكونش فى contact علشان كده الحراره مش هتتنقل بصوره طبيعيه من البروسيسور لل heat sink, جرب و انت بتركب ال مروحه تضغط عليها كويس بحركه دائريه كده علشان تفرغ الهواء الى مابين المروحه و مابين البروسيسور و تكون بردو حاطط المعجون بس مش كتتير علشان فى ناس بتغرق البروسيسور و ده بردو غلط, حاول كده و قولنا عملت ايه!

يا ترى عرفت العيب من ايه ؟؟؟؟

ياريت يا شباب اللى يعمل موضوع يكمله للأخر علشان نستفيد منه مش هو يسأل و يستفيد و احنا مش عارفين ايه اللى حصل بعد كده !!!!

و الله يا جماعة لسة لحد دلوقتي مفيش اي تحسن

انا قولت اجرب المروحة بتاعت جهازي و هي شغالة تمام و بتبرد البروسيسور و مش بيفصل خالص
لما حطيتها بردة و انا بشغل لعبة مفيش شوية راح الجهاز فاصل ابص على الحرارة لقيتها 80 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ دة كدا خلاص يعني هيسيح دة لية حق يفصل بجد

مع ان المروحة شغالة تمام يبقى العيب مش من المروحة العيب من البروسيسور هو اللي بيسخن بزيادة

هل ممكن دة عيب تصنيع و لا عدم توافق بوردة و بروسيسور و لا اية

انا اتخنقت و بفكر ارمي البروسيسور دة في اقرب زبالة و اجيب غيرة لانة للاسف ضمانة خلص

اقتباس:

---

المشاركة الأصلية كتبت بواسطة sh_masry

بص يا باشا .... انا مش هافتى لأنى مش مهندس كومبيوتر و مش بفهم فيهم بس الموضوع ده حصلى قبل كده و كان من الماذر بورد الجيجا بايت لأن الفتره اللى انت اشتريت فيها الجهاز كان نزل ماذر بورد مضروبه و بايظه و كنت بشترى جهازى فى الوقت ده برده و رحت للمحل اللى اشتريت منه و جربه و بعدين غيرلى الماذر بورد و برده عملت نفس الحكايه مع الجيمز و ساعات مع الأفلام ..... و رجعتله و اخدت ماذر اسوس و كله قالى وقتها ان الأسوس اليومين دول احسن من الجيجا بايت لأنه نازل كتير منها بايظ ,,,,

و على ما اعتقد انك نفس المشكله لأنك بتقول فى الألعاب بس و دى كانت مشكلتى و جربها برده على الأفلام هتلاقيها بتعمل كده بس بعد فتره من تشغيل الفيلم .......
و اعتقد ان هى السبب و الله اعلم .

---

و ده كان ردى عليك يا دوك.