الموضوع: ياريت اهل الخبرة يفديونااا- بخصوص التأمين ضد السرقة

المشكلة دلوقتى إن حتى العربيات اللى فيها إيموبليزر بتتسرق
و ده لأن الحرامية دلوقتى إطوروا جدا
يعنى من خمس أو 6 شهور إتسرقت عربية واحدة قريبتى من تحت العمارة فى المعادى و الحرامية سرقوها بونش إنقاذ :!:
و لما البواب سألهم قالولوا أصحابها مبلغين إنها عطلانة و إحنا جايين نوديها التوكيل
قعدوا يشغلوه معاهم ولما سابهم و طلع يبلغها لما نزلوا كانت العربية إتخدت و الكلام ده كان فى عز الضهر و فى المعادى و العربية كانت لانوس 2006 جميع الكماليات و كانت سايباها ممورة علشان اللى عايز يركن أو يطلع يعرف يزوقها :!:
و لما لقينا العربية كانت متبهدلة وماتبقاش فيها حاجة. :(

المشاركة الأصلية كتبت بواسطة شريف

فى الوسيط بتاع 11/5 فى صفحه 2 اعلان عن جهاز انزار بيبعت رساله للموبيل لو فى حاجه بتتعمل و الانزار شغال
هما مش كاتبين تفاصيل عنه بس حطين نمره الشركه
هحاول ادور على الوسيط و اكتب النمره

الجهاز ده ثمنه هنا في مصر وفي الشركه اللي حضرتك شوفتها 2000 جنيه وبتحط فيه شريحة (كارت ) وتشحنه كل فتره

المهم أنه بيبعت كل حاجه للموبايل بتاعك ( شنطه أو كبوت أو باب إتفتح أو زجاج أتكسر ) بيبعتلك على الموبايل وممكن تفصل منه العربيه عن طريق أرسال رساله للعربيه وأمكانيات كتير ثانيه


المهم أنك مثلا لو نايم والجهاز بعتلك رساله وقلك ( العربيه بتتسرق ياعم تعالى ألحقني :D ) طبعا حضرتك لما تصحى من النوم وتشوف رساله زي كده على الصبح ( شوف بقى هايحصلك أيه :shock: )

وبعد كده تلاقي حرامي متنور ومتعلم ومعاه درجة الماجستير في تطوير طرق السرقه الألكترونيه وطبعا هيفتح سنتر أربع سنين لتعليم الأجيال الصاعده وكذلك حتى يحصلوا على دبلومات في هذا المجال

يجماعه الحل اللي ممكن يعتبر حل فاصل ( هو حل تكنولوجي 100% وهايكلف الحكومه ) بس هايبقى فيه تطوير .


الحل هو أن أجهزة المرور يصدروا الرخص الخاصه بالقياده ورخص الخاصه بالسياره وتكون بها تكنولوجيا ال RF Signal المستخدمه في شبكات المحمول بالأضافه إلى جهاز صغير لا يتعدى نصف عقلة الأصبع يتم تثبيته في هيكل السياره وفي مكان لا يعرف صاحبه مكانه

رخصة القائد ورخصة السياره تحتوي على رقم مسلسل يتكون من 14 رقم أو أكثر والجهاز الصغير المثبت بهيكل السياره يحتوي على نفس الرقم أو أرقام توافقيه يكون لها تسلسل يتناسب مع الأرقام المثبته على الرخص

بالطبع لا ننسى بأن تحتوي الرخص والجهاز على رقم السياره

قائد السياره لن يتحرك بالسياره إلا إذا كان معه الرخص الخاصه به

محطات الأرسال والإ ستقبال الخاصه بالمحمول تستقبل الأرقام المسلسله التي ترسل عن طريق الرخص والجهاز ومقارنتها ببعض

فإذا تم التأكد من أن الأرقام المرسله متوافقه مع بعض . إذا هذه السياره يقودها صاحبها

أما إذا كانت الأرقام غير مسلسله وغير متطابقه مع بعضها البعض فمعنى ذلك أن قائد السياره ليس هو مالكها ومن ثم يتم أرسال رساله لوحدات المرور برقم السياره وموقعها حتى يستطيعوا تتبعها وأحضارها على الفور


طبعا موضوع ذي ده إذا تم تنفيذه ستقل حوادث سرقة السيارات إلى حد كبير وعمر ما حرامي هايفكر يسرق عربيه بعد كده

ومعلشي لو وحدة المرور طلبت مبلغ ما مقابل أصدار مثل هذا الرخص مع الأجهزه أكيد الناس عمرها ماهترفض حل مثل هذا لأنه هايضمن عدم سرقة سيارتها

الجهاز ده ثمنه هنا في مصر وفي الشركه اللي حضرتك شوفتها 2000 جنيه وبتحط فيه شريحة (كارت ) وتشحنه كل فتره

ينفع خط فاتوره مش كارت ؟؟؟ هههههههه

نتكلم جد بقى انا بفكر فى حاجه كده و عايز اخد رأيكم .... ليه مش كل عماره تشترك مع بعض و يجيبوا فرد امن من اى شركه امن .... و الفرد ده بياخد مرتب قليل و يشتغل من 12 بالليل لحد 8 الصبح بس !!! و يبقى بيراقب العماره و العربيات و الشارع نفسه ...... !!! مش عارف فكره كويسه و للا زى قلتها ؟؟

a7'ookom
Sherif

المشاركة الأصلية كتبت بواسطة sh_masry

الجهاز ده ثمنه هنا في مصر وفي الشركه اللي حضرتك شوفتها 2000 جنيه وبتحط فيه شريحة (كارت ) وتشحنه كل فتره

ينفع خط فاتوره مش كارت ؟؟؟ هههههههه

نتكلم جد بقى انا بفكر فى حاجه كده و عايز اخد رأيكم .... ليه مش كل عماره تشترك مع بعض و يجيبوا فرد امن من اى شركه امن .... و الفرد ده بياخد مرتب قليل و يشتغل من 12 بالليل لحد 8 الصبح بس !!! و يبقى بيراقب العماره و العربيات و الشارع نفسه ...... !!! مش عارف فكره كويسه و للا زى قلتها ؟؟

a7'ookom
Sherif

طب في الشغل لو أنت ركنت بعيد مثلا لأنك معرفتش تركن بجوار مقر عملك

ولما تزور واحد صحبك هنا أو في أي محافظه بره القاهره

ولما تكون نازل تشتري أي حاجه لوحدك أو مع البيت وركنت العربيه في مكان قريب أو بعيد ( المهم لن تكون تحت نظرك )

ولو مثلا نزلت منطقه زي التحرير ورمسيس علشان تخلص مصلحه حكوميه

أنت كده عايز بتاع أمن ببطاريه ويتشحن وينفع تطبقه وتحطه في شنطة العربيه وكل ما تروح حته تفكه وتشغله حارس للعربيه :lol: :lol: :lol: :lol:

وإذا أفترضنا ان فرد الأمن ده أتسرقت عربيه وهو موجود وماأختدشي باله ( ما هو الأمن ذي البواب مع أختلاف بسيط في المسؤليه ) هانعمل أيه


أنا من وجهة نظري ان أسوء أنواع سرقة السيارات هي السرقه التي يأخذ فيها السارق السياره بعيدا عن مكانها وده يتطلب حل تكنولوجي صارم حتى يتم تفادي هذا الموضوع