ياجماعة انا اود شراء سيارة اوتوماتيك بميزانية حوالى 90000 ج و محتار بين تويوتا يارس هاف اوبشن اوتوماتيك و هوندا سيتى اوتوماتيك1300, ايهما أفضل من حيث الاعتمادية, سعر اعادة البيع, الوسع الداخلى, استهلاك البنزين؟
عرض للطباعة
ياجماعة انا اود شراء سيارة اوتوماتيك بميزانية حوالى 90000 ج و محتار بين تويوتا يارس هاف اوبشن اوتوماتيك و هوندا سيتى اوتوماتيك1300, ايهما أفضل من حيث الاعتمادية, سعر اعادة البيع, الوسع الداخلى, استهلاك البنزين؟
أولا أحب أهنيك انك بدأت تقارن صح ليه؟
لأن اليارس والسيتى من نفس الفئة
يعنى مش هتتعب فى المقارنة كتير
غير متقارن مثلا اليارس بالماتركس
بالنسبة ليا أرشحلك السيتى
تصميم أفصل (من وجهة نظرى)
أداء وثبات أفضل
توكيل اكتر من ممتاز
سعر أعادة البيع طبعا فى صالح التيوتا
زي مقال تاج
الاتنين سيارتين ناجحتين فعلا . تتميز التويوتا فقط في كونها تقفيل ياباني
و سعر اعادة بيعها و الطلب عليها عامة كويس .
الشكل دي متروكة لك .
السيتي افضل
العربيتين في توفير البنزين و اخدين درجه امتياز بس عن نفسي شايف الهوندا شيك جدا من جوه
و اليارس افضل في الشكل الخارجه لاني مش بالع ازاي تكون في عدادات في الوسط في اليارس
رأى الشخصى ياريس
ياريس أفضل
اول حاجة هوا فيه اختلافات جوهريه بين العربيتين
السيتى ، شنطه واسعه جدا لكن الياريس شنتطها ضيقة
الياريس عربيه شبابي جدا لكن السيتى حاسس انها عربيه عائليه جدا
السيتى تقفيل تايلاندى ، الياريس تقفيل يابانى
الياريس عربيه جديدة نوعا ما بالمقارنه بالسيتى
طبعا التوكيل وقطع الغيار هما الاتنين فى مستوى واحد
اظن السيتى اكتر اعتماديه من الياريس
الياريس ليها متعه فى السواقه
انت اركب ده واركب ده وانت اللى هتقرر باذن الله
لو بالسعر ده ... يقى السيتى ..علشان الياريس الهاف أوبشن مفيهاش أزاز كهربا
أنا كنت بقارن زيك بس الحمد لله زودت شويه وجبت الياريس الفول أوبشن أتوماتيك
1- الياريس فيها Abs و أير باج
2- قطع غيار الياريس الأصلية أرخص حوالى 300 جنية عن السيتى الأصلية
بس الياريس أغلى 5000 جنية
يعنى لو غيرت 16 قطعة مهمة فى السيتى و 16 قطعة مهمة فى الياريس هبقى فرق السعر فى قطع الغيار يادوبك هو فرق السعر
3- ياريس منتشرة جدا .... و السيتى أبتديت
4- الشكل ... وده ذوق شخصى ..هتلاقى ناس تعقدك من شكل الأتنين ..ومن شكل أى عربية تانية
5- التوكيل ... الأتنين كويسين
6- أعاده البيع ..... ياريس تكسب
7- الوسع .... الياريس شنطتها حلوة و واسعة بالنسبة لى ...بس السيتى أوسع بكتير 500 لتر
8- العدادت اللى فى النص ..عادى ...أنا بقيت أستغرب من العدادت اللى على الشمال أصلا D:
9- هى ديه الى خلتنى أجيب الياريس هى ونقطة أعادة البيع ..إن موتور اليارس 16 صمام... وموتور السيتى أقل ...مش فاكر 8 أو 4
و بصراحة أنا مش عارف أيه الصمام ده أصلا ..بس أكيد لو أكتر يبقى أحسن D:
وكمان كنت بحب شكل الياريس
ربنا يكرمك
سلام
رأيى الشخصى ان الياريس التصميم بتاعها غبى شويه وعيوبه فى ابعاد العربيه اللى هتاخد وقت كبير فى التعود عليه وخصوصا فى الركن .. هو اكيد مش زى الامريكانى مثلا الكبير بس برضه ابعادها اكبر
شخصيا انا بارتاح اكتر فى فئات 1600 وانت نازل للهوندا بس دى ناحيه شخصيه بحته وانا مبعترفش فى التويوتا الا من اول الكورولا وانت طالع حتى الكورولا حاسس انها فوق ال value بشويه