رسالة حب ومودة ....... ودعوة لأخي العزيز أبو علي

**أبو عبدالله** · 29-12-2007 04:33 PM

السلام عليكم ورحمة الله وبركاته

أحب ان ادعو أخي الفاضل ابو على
لحضور المقابلة الشهرية لنا
لكي نتعرف عليه وهو ايضا يتعرف علينا
ويعلم اننا لا نكن له الا الاحترام والتقدير
ولا نبغض احد اين كان فكره وثقافته
ويعلم اننا سواسيه في كل شئ ان لم نكن اقل منه علما ...... لأنني اعتبر نفسي من الجهال في الدين
ولا اعتبر نفسي عالما او شيخا وهذا ولا تواضع ولا شئ من هذا القبيل
فكل علمي بالدين لا يزن شئ في بحر علوم الدين

فانا ارجو من اخي الفاضل ابو علي انه يتفضل مشكور بحضور المقابلة
وارجو ان لا يعتذر ويعمل ما في وسعه لكي يقدر على حضور المقابلة
لأني مصصم على التعرف على شخصك حتى يتسنى لي ان اعرفك ابو عبد الله وتعلم كل العلم اني لا اتكبر على احد ولا شئ من هذا القبيل بداخلي من اساسه

فأرجو ان تتقبل دعوتي ......... ومنتظر الرد
وشكرا

**Sharky** · 29-12-2007 05:11 PM

أرجو أن يتقبل زميلنا أبو على دعوة أبو عبدالله

فى إنتظار الرد

**Abu Aly** · 29-12-2007 10:38 PM

شكرا يا جماعة ع لى دعوتكم الكريمة لحضور المقابلة الجاية لكن مع الاسف مش حاقدر اشاركم الاجتماع القادم بسبب ا لمشاغل العائلية و ارجو ان اتمكن من ذلك مستقبلا .. و يا عم ابو عبدالله مفيش زعل و لا حاجة .. كلنا بندور على الحقيقة و كلنا بنخطئ و نصيب و الله هو الحق المطلق ..

اما الاخ شاركى صحيح لم اشترك معه فى قتال بالمدفعية او بالسلاح الابيض ( !! ) لكن مداخلاته المفيدة و اسلوبه بتدل فعلا على شخصية فى منتهى الادب والذوق . الله يبارك فيكم .

**أبو عبدالله** · 30-12-2007 02:16 AM

اعتذار غير مقبول
حيث أنه اذا كان لا يصل للدرجه القصوى من الاهميه
فارجو ان لا تبخل علينا بلقائك معنا ومقابلتنا

ونرجو ذلك وياريت تتقبل رفضي للأعتذار والاهتمام بذلك ان شاء الله

**Sharky** · 30-12-2007 09:34 AM

أستاذ أبو على شكرا على مجاملتك الرقيقة لكن أنا مع أبو عبدالله فى عدم قبول إعتذارك
يا باشا ساعة واحدة مش حتفرق معاك فى اليوم لذا فأنا فى إنتظار موافقتك لحضور المقابلة الجاية لمدة ساعة واحدة فقط أرجو عدم رفض الدعوة

**Abu Aly** · 30-12-2007 10:50 AM

المشاركة الأصلية كتبت بواسطة sharky

إعتذارك
يا باشا ساعة واحدة مش حتفرق معاك فى اليوم لذا فأنا فى إنتظار موافقتك لحضور المقابلة الجاية لمدة ساعة واحدة فقط أرجو عدم رفض الدعوة

ساعة واحده ازاى ؟ و الطريق ؟ ساعه و نص رايح و ساعة و نص راجع = ثلاثه و تنص ! معالهش الجايات كتير ان شاء الله و تحياتى .

**Sharky** · 30-12-2007 11:11 AM

هو حضرتك ساكن فين يا باشا ؟

**Abu Aly** · 30-12-2007 01:39 PM

المشاركة الأصلية كتبت بواسطة sharky

هو حضرتك ساكن فين يا باشا ؟

بالقرب من اسوأ شارع فى مصر .. شارع قصر العينى .. حوالى عشر وزارات و سفارات منها الاامريكية و مجلس وزرا و مجلس شعب و مجلس شورا و عشرين تلاتين خمسين موكب كل يوم غير مسيرات و مظاهرات و اعتصامات من وقت لاخر لدرجة الواحد بيفضل يقعد فى البيت او باخد المترو لو امكن ..كنت زمان بروح مصر الجديدة و مدينة نصر مرتين تلاته كل اسبوع دلوقتى باعتبرها سفر .. مش معقول مثلا علشان اشوف واحد صاحبى فى نادى الشمس اقضى 3 ساعات رايح جاى !

**memo_hefnawy** · 31-12-2007 08:24 AM

كان الله فى عونك صراحة السكن فى المنطقة دى ممكن يجيب للواحد جنان :)

بس يا سيدى ماتقلقش يوم الجمعه المشوار لمدينة نصر من التحرير ياخد بالظبط لو إنت مش بتجرى و قارص على عربيتك هاياخد معاك من 25 ل 30 دقيقة :)

أعتقد مش كثير علينا ولا إنت مانفسكش تتعرف على الأعضاء و تشوفنا ماتبقاش مقفلها كده و تعالى ده الناس نفسها تتعرف عليك و بتدعوك و الراجل فاتحلك دعوة فى موضوع مخصوص و بعدين ده معانا ناس بتيجى من إسكندرية و من طنطا و من المنصورة و من المحله :) يعنى إنت ولا همه :)

و بعدين يا سيدى لو مكسل فى ناس جيرانك فى قصر النيل ممكن تيجى معاهم لو مكسل تسوق :) فى أكثر من كده

بالمناسبة إنت عربيتك إيه ؟

فى إنتظارك إن شاء الله و لو عايز تيجى مع حد من الساكنين بجوارك إبعتلى على الخاص و أنا أنسق معاك إن شاء الله :)