تمام يا رايس
هجرب وهديك اخر الاخبار
A.Yakout
عرض للطباعة
للاسف مش نافع التوصيف ده يا رايس
وشكله مش تبع اسوس اصلا
الف شكر ليك علي اهتمامك عموما
A.Yakout
مش لازم يكون تبع اسوس .. المهم الشيب بتاعته .. انت قلت أنها فيليبس مش كدة .. حدورلك واقولك .. بس استنى عليا لحد ما ادور .
وكل سنة والمنتدى بخير .. بمناسبة المولد النبوي .. كل عام وأنتم بخير
وانتا بالف صحه وسلامه يا رايس ومعلش تاعبك معايا
بس توضيح شيب التي في تيونر هيا الي فيليبس رقمها 3139
البورده نفسها اسوس والشابيه بتاعتها زي ما قلت رقمها فوق
بس مش عارف بقي الشبايه هيكون نوعها ايه
انا طلعان عيني ليا يومين ورا التوصيف ده ومش عارف الاقيه وقربت اكره نفسي :(
A.Yakout
معلش الحاجات دي بتبقى عاوزة صبر شوية .. انا لاقيت ليك واحد تاني .. ودورت باسم الكارت .. وربنا يسهل المرة دي ويبقى هو وحبعتهولك على الميل برضه .. لو مطلعش هو .. ابقى اشترك في السايت اللي بعت ليك اللينك بتاعة .. لأن فيه تعريفات كتيرة :fdsa:.. وانهي واحد بقى :whtauwant:.. بتبقى عاوزة تجربة :3mla:
طب الحمد لله أنك لاقيت التعريف وبيبقى فيه بعض الكروت التعريف بتاعها بيبقى غبي وأظن ده من النوعية دي .. المفروض أن التعريف يكون معاه السوفت ويير بتاعه .. ممكن يكون نزل في قائمة البروجرام وأنت مش واخد بالك .. ولو مش كدة يبقى حاول تشوف أي اسطوانه عليها برنامج تشغيل أي كارت تاني ممكن يكون كومباتبل مع الكارت بتاعك . .
وخلي بالك أنه بيبقى ليه إعدادات زي البلد اللي أنت فيها ونظام التشغيل بال ولا سيكام .. بتعمل سيرش على القنوات وهكذا . ومتنساش توصل ليه اريال علشان يلقط القنوات .
بس لاقيت التعريف فين
الي حصل اني بعد ما كلمتك دخلت التعريفين بتوعك وطبعا ولا حياة لمن تنادي
بيقعد يسيرش بدون اي نتيجه
الجهاز وقتها كنت فاتح حاجات بالعبيط صفحات النت لواحدها وصلوا 12 تقريبا غير كمية البرامج التانيه
قفلت كله وعملت ريستارت
دخلت علي الـ device manager لاقيته خير اللهم اجعله خير اتعرف بس جمبه علامة تعجب (يعني بداية تعريف بس مش كامل)
قلت بس يبقي تعريفاتك جابت نتيجه وكانت عايزه ريستارت
روحت مسحت التعريف الي في device علشان اسطب من جديد
جربت الاتنين بتوعك تاني ومفيش فايده و كل واحد باكتر من محاوله
روحت افتكرت اني نزلت تعريف قبل ما توصلني التعريفات بتاعتك
روحت بسطبه لاقيته برضه بيسيرش وبياخد وقت
قلت اسيبه منا اصلا مفيش حاجه هعملها دلوقت
ولاقيته بيقولي successful وبتاع وانا اصلا مش مصدق نفسي ولا ريستارت ولا غيره
بالنسبه بقي للسوفت وير عملت سيرش لاقيت برنامج اسمه WinDVR 3
بصراحه روعه ومكنتش متخيل ان استخدامه والاوبشن بتاعه عالي كده
لانه بيسمح بالتسجيل بالجوده والاكستنشن ونوع الفيديو الي تحبه غير طبعا الامكانيات الكتير الي فيه بس دول الاهم عموما
ادي قصة حياتي :shine[1]:
الف الف شكر علي تعبك معايا بس فعلا الكارت ده قرفني بس كويس اني وصلت معاه لحل في الاخر
وكله بمساعدتك ربنا يكرمك
A.Yakout
قصة حياتك كلها كفاح .. وأي حد لازم يفرح لما تبقى حاجة واقفة معاه بالشكل ده ويلاقي ليها حل .. أنا والله كنت بحاول اساعدك بقدر الإمكان ، ولكن الحمد لله أن ربنا وفقك للوصول للحل .. لأني من النوع لو أي مشكلة زي دي وقفت معايا ممكن معرفش انام .
وكويس أنك لاقيت البرنامج اللي بيشغله .. تحياتي ليك يا باشا