ياريت يا جماعة اى حد يرد عليا بسرعة عشان انا حاسس انى تاية فى الموضوع دة ... :majd(4):
تنبيه للعضو بمخالفة القاعدة رقم 6 أ
ممنوع الكتابة باللون الأحمر حيث أنه مخصص للمداخلات الأدارية
الرجاء مراجعة قوانين المنتدى
مشرف الأوروبى 1
عرض للطباعة
ياريت يا جماعة اى حد يرد عليا بسرعة عشان انا حاسس انى تاية فى الموضوع دة ... :majd(4):
تنبيه للعضو بمخالفة القاعدة رقم 6 أ
ممنوع الكتابة باللون الأحمر حيث أنه مخصص للمداخلات الأدارية
الرجاء مراجعة قوانين المنتدى
مشرف الأوروبى 1
اسف للتأخير فى الرد لكن اهم الحاجات هى ان الكاسيت شغال لان لازم يدخلوا الكود بتاعه صح وكمان الكتالوج بتاع العربية و كتالوج الكاسيت ودفتر الضمان ولازم تتأكد من وجود الأستبن و الكوريك ومفتاح العجل وفى قطعة بيسلمهالك علشان لو العربية تعطلت لاقدر الله تقطر بيها العربية بيسلموك كمان عدد 2 مفتاح واحد ريموت والتانى من غير ريموت
برضه اتاكد من ان كل الأزرار شغالة و الأنوار
و ربنا يبارك لحضرتك فيها ويرزقك كل خيرها و يكفيك أى شر منها .
انا ياجماعة بفكر فى العربية دى لانى ناوى اشترى عربية (هتكون اول عربية اشتريها) و كل اللى انا عايزه انها تكون اتوماتيك و تكون 1300 او 1400 علشان البنزين لان شغلى بعيد شوية كنت بفكر فى الكيا ريو و الافيو (بس الاتوماتيك تقفيل مصرى) البورتون ساجا (اللى لسه نازلة) و طبعا السيمبول (اول حاجة فكرت فيها يكفى انها فرنساوى تقفيل تركى) بس المشكلة انى مقلق منها لسبين
1 اسعار قطع الغيار و الصيانة
2 ان الاوروبى اسعاره سنة عن سنة هتقل يعنى الرسيل دا غير ان اصلا الرينو دايما بيقل كتير فى اعادة البيع
3 اخر حاجة بما ان سعر السيمبول الاتوماتيك 86 الف تقريبا انا ممكن اشترى مثلا جين 2 ولا بيرسونا (ماليزى اه و 1600 بس كمواصفات و امان اعلى من السيمبول كفاية abs و ebd)
اكيد ياجماعة الناس اللى اشتريت السيمبول فيهم ناس فكرت كده ياترى كانت ابه اسبابهم لاختيارها
وشكرا مقدما للناس اللى هاترد
بارك الله لك فيها و رزقك خيرها
أنا كمان يا جماعة كنت نفس التفكير كده بس الحمدلله ربنا كرمنى بالسيمبول ودى أول عربية أشتريها ولسه متعلم السواقة كمان وكل يوم إقتناعى بيها بيزيد وحضراتكو لو دخلتوا على الأقسام بتاعت العربيات التانية وعملتوا مقارنة أو نزلتوا جربتوا كل العربيات دى هتحسوا بالفرق (مع إحترامى لجودة كل العربيات التانية) بس يا جماعة النقطتين اللى كنت خايف منهم هما سعر إعادة البيع وقطع الغيار الخارجية (لإن قطع الغيار الداخلية هى هى الكليو) وأنا عن نفسى مش هأفكر أبيع على المدى القريب خالص (وعامة يا جماعة عند البيع هتلاقوا برضو إن الرينو ليها زبونها) وبالنسبة لقطع الغيار الخارجية فالفرق مش كبير ده غير إنى مأمن تأمين إجبارى علشان التقسيط........وربنا يوفقكوا للى فيه الخير إن شاء الله
السلام عليكم ورحمة الله وبركاته
أحب اقول انى أستلمت السيمبول فى أواخر فبراير و أجمالا العربية ممتازة خلال المدة دى بس ملحوظتى الواضحة انها بطيئة شوية عند بدء التحرك للأسف انا عربيتى قبلها ما كانتش أوتوماتيك علشان كدة يمكن انا مستغرب الأوتوماتيك شوية بس موضوع البطء ده ملحوظ اوى كمان بحس بالنقلات على بسيط سواء وأنا بزود سرعة او وانا بهدى بس احتمال يختفى مع التليين على فكرة انا عامل دلوقتى 2300 ك . هى فعلا ضيقة شوية من الكنبة بس ده برضه يتوقف على طول اللى بيستعمل العربية لو مش طويل اوى الموضوع ده مش حيزعجه على فكرة هى ممتازة فى استهلاك النزين بتعمل حالى 13 ك ف اللتر من غير تشغيل التكييف وكمان أبعاد العربية فوق الممتازة بتكون سهلة فى الركن والمناورة اثناء الزحام
وأسال الله لك التوفيق