-
داخل وخارج الضمان
السلام عليكم ورحمة الله ..
كل سنة و أنتو طيبين بمناسبة ميلاد خير الخلق محمد صلي الله عليه وسلم..
الموضوع :
بما اني زي كتير من الناس مش بفهم قوي في مكونات العربية .. كنت محتاج من الناس الخبرة اللي في منتدنا توضيح ماهي الاجزاء اللي الضمان بيغيرها و ايه الاجزاء اللي بنغيرها علي حسابنا ؟؟ ولو في تجارب واقعية هايكون أفضل.
سلام ..
ماتنسوش تصلو علي النبي كتير علي قد ماتقدرو ..
-
اي حاجة ممكن تكون باظت من عيب صناعة لازم تتغير...
الي ميتغيرش تيل الفرامل والكاوتش و الفلاتر و الحاجات الدورية العادية دي كلها علي حسابك
لكن اي حاجة سواء فالبودي او الموتور او الفتبس او العفشة باظت منك اعتقد تتغير فالضمان ان شاء الله
-
السلام عليكم
ياجماعة موضوع الضمان دا المفروض أنوا موضوع كبير المهم ضمان العربية بيتقسم نصين
الأول :ضمان عام وشامل على العربية ككل ضد عيوب الصناعة(دا اللي ماشي فمصر)
في النوعية دي من الضمان بيكون الإتفاق على أن الضمان لفترة معينة كعدد سنين أو عدد كم من يوم إستلام العربية وبتكون التغطية على أي جزء إساسي فالعربية (ماتور.فتيس.بودي صاج ودهان*بس هنا بيكون طبعا الحجات اللي بتغير فالبودي من غير حوادث أو خبطات أو تريح ناس معدية أو خرابيش الهواة فتعليم العربيات*.العفشة بالكبالن والمقصات والطنابير.تكييف.ماكينة الزجاج.خامات الصالون.النواكل.مواسير ودائرة الفرامل.ضفيرة الكهرباء+الدينامو) كل الحجات دي لو حصل فيها مشكلة خلا فترة الضمان نتيجة عيب تصنيع أو تجميع ترجع على الضمان وبيكون التغيير والتركيب مجاني وسرعة الخدمة واجبة لكن عندنا هنا فمصر تخش فدومات ملهاش أخر لازم تسيب شغلك ومصلحك وتفوقلهم:049:أما الحجات الأستهلاكية اللي غير كدا(زجاج أمامي وخلفي وأبواب و فوانيس+تيل الفرامل+السيور+الزيوت+البط رية لو عدت السنة+كاوتش)فدي أصلا خارج الضمان لأان في منها حجات إستهلاكية أو ممكن تبوظ من غير ما يتعرف أية العيب ذي الزجاج أتكسر عيب تصنيع ولا طوبة ولاسرطان!!! على أي حال المفروض هو أن دا اللي يحصل بكل مصداقية من طرف المصنع أو الوكيل أنما هنا فمصر كلنا بنتذهل على بعض
النوع الثاني من الضمان(ودا بتاع ولاد الناس المحترمين بيتطبق برا مصر أكيد وجوا مصر فالـ BMW,Mercedes,Audi,Jaguar,Volvo)بس حتى اللي جوا مصر دا بيتطبق لو اللي معاة مشكلة فاهم أنوا لية حق
النوع دا بقى أسموا ضمان الـ Good Well ودا معناة جودة المكونات ودا بقى المبدأ الأساسي فية بيكون ان المصنع لمكونات العربية عارف و متأكد أن الحجات اللي بيصنع منها المكونات لها عمر إفتراضي ميقلش عن 10 سنين على سبيل المثال خرطوم البنزين أو المياة دا المفروض أنوا لاينقطع ولا يشقق قبل 10 سنين من إستهلاكو فبالتالي لو حصل فية حاجة بعد 3 سنين بتوع المصريين التوكيل أو المصنع للعربية بيغيرلك الجزء دا مجانا مقابل نسبة بسيطة من التركيب ويقوم هوا باعت الجزء دا للي أدهاولوا(الصناعات المغذية) ويحل مشاكلوا معاه المهم اللي يخصنا هو أن في حجات المفروض أنها فرقبت التوكيل أو المصنع بعد ال 3 أو ال 5 سنين اللي بيتكلموا عليهم
أتمنى أكون أفدتكم:E_braces[1]:
-
ده احنا بيضحك علينا في كل حاجه جت علي دي
-
احنا بيتنصب علينا وبيتعمل معانا احلى شغل وطبعا مضطر للدفع,,,,,,,,
Content Relevant URLs by
vBSEO 3.6.0 PL2