يا جماعة
أريد أن أشترى تويوتا 2010 أوتوماتيك و خايف من المشاكل اللى بنقرأ عنها
فما رأيكم يا أصحاب الخبرة
عرض للطباعة
يا جماعة
أريد أن أشترى تويوتا 2010 أوتوماتيك و خايف من المشاكل اللى بنقرأ عنها
فما رأيكم يا أصحاب الخبرة
بص ياباشا
الحمد لله العربية بقالها معانا 4 او 5 شهور
وبصراحة العربية كويسة جدا جدا وبنسافر بيها وبنمشي بيها في كل حتة وأكتر من واحد بيسوقها مش واحد بس
وعاملة 15 الف كيلو
ومافيش والحمد لله حاجة ظهرت فيها خالص ولا اي حاجة
ربنا يحميها
توكل على الله واشتريها وربنا يكرمك فيها
ألف شكر و ربنا يبارك لك فيها
ياعم ان شالله لو قالوا فيها عيوب الارض دى تويووتااااااااااااااا
توكل على الله ياباشا واشترى
طبعاً المشكلة الأساسية وهى الفتيس مش موجوده ,,, بس خلاص توكل على الله
ان شاء الله ميكونش فيها حاجة بس لو هتبقى قلقان شوف الهوندا
معلش يا جماعة عايز اشتري كرولا الكاملة بدون فتحة تعمل كام
حضرتك مش بتشارك في منتديات ..
طب لو مشاركاتك هتبقى كلها كدة .. يبقى متشاركش احسن
داخل تكتب في مواضيع ملهاش علاقة بالانت كاتبه ..
المنتدى هنا فيه ملاك للكورولا كتييييير .. و الكلام الحضرتك قلته ملهوش اي اساس من الصحة ..
ياريت متستغلش المشاكل الحاصلة مع الmmt عشان تكتب مشاركات تشتم فيها في العربية .. بينما في خبراء في السيارات هنا في المنتدى شكروا في السيارة جدا و في ثباتها بذات
الفي التوكيل تعمل 160 كاملة ..
استنى شوية وشوف الموديلات الجاية هتعمل ايه
اكيد هم هيظبطوا الدنيا بعد الفضايح دي
هل فعلا الاسعار هتنزل ولا مش هتتأثر
نصيجه استني شويه ها يبقي افضل
متستعجلش وتجيب حاجة احتمال بنسبة كبيرة يطلع فيها عيب ساعتها هتندم ندم كبير .
انصحك شوف ماركة تانية
ما تقلقش من الكورولا....المشكلة الوحيدة ايلي كانت فيها هي الفتيس الجديد الـmmt
لكن لو عايز تنتظر علشان تشوف احوال اللآسعار...لو تقدر انتظر شوية...يعني علي شهر 9...المفروض ان آسعار الاوروبي كلها تنزل علي الاقل مقدار تخفيض الجمارك ..الـ10%..
أعتقد السبب الرئيسى فى عدم راحة الناس فى التعامل مع فتيس التويوتا اللى هوا مشابه لفتيس الأوبل والفيات جراند بونتو وبرافو هو التعامل مع الفتيس على إنه أتوماتيك مش سيمى أتوماتيك (او سيمى مانيوال) فى المواقف التالية :
1. الوقوف لفترة طويلة على تعشيق الغيار الأول (إشارة مرور مثلاً) فاكيد الديسك هايولع من كتر ما هو معشق فى الموتور . يبقى أحسن حاجة لازم تكون جايبها على ال n .
2. فى المطالع يتم إستخدام الدوس على دواسة البنزين لتثبيت العربية وده غلط بردة بيخلى الديسك يولع . الأفضل تجيب الفتيس على ال n وتشد الهاند بريك .
3. إيقاف تشغيل العربية والفتيس على ال n قبل ما تبطل يا إما تجيب الأولانى أو ال r وفى نفس الوقت تدوس فرامل وتبطل العربية وبعد ما تبطل تجيب الفتيس تانى على ال N .
وديه تعليمات من كتيب فتيس ال Dual Logic بتاع الفيات برافو واللى هو نفس التكنولوجى .
عن تجربة....توكل على الله.اشترى