السلام عليكم جميعا
أعضاء نايل موترز الأسمعلاوية يتقابلوا لأول مرة في مقابلة ولا أروع
مع أني المقابلة كانت قصيرة المدة ولكنها عميقة في الذاكرة بكل مجرياتها
فعلا يوم لن ينساه اسمعلاوية نايل موترز
المقابلة كانت يوم الخميس 25- 2 - 2010 كما اقترح
مهندسنا مصطفى ( Eng_Mostafa_89 )في موضوعه
وكما اتفق الاعضاء
كان الالتقاء
في الساعة التاسعة مساء ذلك اليوم
في مكان من أشهر الاماكن المفتوحة في الاسماعيلية بالقرب من مبنى الإرشاد
(للي ما يعرفشي المكان اللى اتصور فيه أحمد حلمي وأحمد راتب لما كانوا بيصطادوا في فيلم مطب صناعي مكان حلو عند غروب الشمس معلشي خرجت عن الموضوع )
المهم اتعرفنا على بعض
وتشرفت بمعرفة :
وبعض أصدقاء الأعضاء اللى اتمنى يشاركونا في المنتدى
وبعض المقابلة عملنا زفة لغاية طريق البلاجات
(للي ما يعرفش طريق البلاجات دا طريق مشهور فى اسماعيلية يؤدي الى جميع القرى الساحلية للمدينة واللى ظهر فيه أحمد عز في كذا لقطة في فيلمه لما وقف التاكسي وقاله على القاهرة أموت واعرف وداه مصر من الطريق دا ازااااى معلشي انا عارف اني خرجت عن موضوعنا ماعلينا )
وقفنا هناك واتصورنا وبعدين روحنا على قرية النورس وهناك بدأت القصة
بدأناها بشوية خمسات على تسعات وعلى شوية حبشكلانات لغاية ما واحد خبط في الرصيف ههههههه
وبعدين الأسطى الكبير ميدو رص العربيات على مزاجه بشكل حلو وراجع راجع وحاسب واكسر شمالك واكسر يمينك مش بقولكم أسطى ههههه
وبعدين اتصورنا
وفجأة كده ظهرت كورة في الموضوع مش عارف جت منييين بس هى بتاعت أحمد عصام تقريبا اشتراها مش موضوعنا
الحلو بقى مع اني الدنيا كانت سقعة وأثار المطر ليسه واضحة في الشارع بس لعبنا كورة ويااااه الواحد كان بقاله زمان ماجريش ولا اتفلس
يا جدعان انا اكتر واحد اتفلست الليلة دى وكمان اكتر واحد جريت
وخلصنا اللعبة لما جررينا حبيب الجماهير ميدو كنا عاوزين نخسسه شوية
وبعديها قاعدنا ندردش وكل واحد قاعد يحكي في المواقف الغريبة اللى صادفته من لجان وظباط وحوارات حصلت معاه الى حوادث وربنا بيسترها وكانت بجد أحلى سمر حضرته
والوقت عدا بسرعة بجد بس الواحد ما حسش بيه
وبعديها طلعنا نتعشا وكان العشا عند ياسر في السفرة بتاعته هههههههه وانا وميدو علشان المكان ماكفاش اقعدنا في البلكونه هههههههههههههههه
بس للأسف نسينا نصور اللحظة الجميلة دي ( طبعا لأن المصوراتي القدير ميدو مكنش فاضي كان بياكل فى البلكونة هههههه )
بس أكلنا وضحكنا وكان يوم حلو وسلمنا على بعض وتمنينا انها تكرر وان شاء الله تتكرر بس بحضور كل الاسمعلاوية فى نايل موتورز
ودمتم سالمين أسيبكم مع الصور
تصوير الأسطى ميدو سيريون
ومعلشي الصور مش قد كده
لأن ميدو على قده برده
http://www.nilemotors.net/Nile/membe...picture842.jpg
http://www.nilemotors.net/Nile/membe...picture846.jpg
http://www.nilemotors.net/Nile/membe...picture845.jpg
http://www.nilemotors.net/Nile/membe...picture844.jpg
http://www.nilemotors.net/Nile/membe...picture849.jpg
http://www.nilemotors.net/Nile/membe...picture848.jpg
http://www.nilemotors.net/Nile/membe...picture847.jpg
يتبع ...