المشاركة الأصلية كتبت بواسطة dolly13
باعتبارى كنت مدرسة انجليزى ممكن اقولك الاولاد بتنجح ازاى بس ماتزعاش من اللى هاقوله واى حد مدرس هايعرف ان الكلام ده صح
فى التصحيح بيبقى فيه شوية درجات كدة ممكن تتوضع على الورقة علشان الورقة تنجح
طيب لو ماينفعش والورقة ضايعة خالص
بتتساب فى الاول زى ماهى وتروح الادارة تتختم مع باقى الورق
فى الادارة بيبقى فيه نسبة مسبقة للنجاح
يعنى لازم نتيجة الادارة مثلا تطلع 90 % والنتيجة اللى طلعت فى المدارس مثلا 68 % والباقى سقوط
الجميل بقى ان الورق بيرجع المدرسة تانى عشان يترفع ومعنى انه يترفع يبقى المصحح وتحيدا رئيس لجنة التصحيح بيكتب فى الورقة بالقلم الازرق ويجاوب شوية اسئلة والورقة تتصحح تانى لحد مايوصلوا للنسبة المطلوبة
الكلام ده فى المحافظات الكبيرة ومنها القاهرة طبعا
بالنسبة للارياف الموضوع مش محتاج كل ده لان الموضوع بيتظبط فى اللجنة قبل التصحيح
يعنى الغش بيبقى جماعى وده برده بيحصل فى القاهرة بس بشكل متدارى شوية مش علنى قوى يعنى
ارجو ان تكونوا فهمتوا العيال بتنجح ازاى