اشتريت نيو اكسنت ودي الاخبار
اولا الموضوع ده تكمله لموضوع فتحته بسبب احتياجي للأرائكم بخصوص الشراء
الموضوع السابق:
http://www.nilemotors.net/Nile/127770-a.html
انا الحمد لله اشتريت خلاص
لكن طبعا مفيش غير مبروك واحده اتقالت :U_thin1[1]:
بالاضافه لاني عايز اشارككم في تعامل المعرض معايا و الورق وكده
عشان كنت عايز يبقى موضوع عن معارض السيارات و تعاملها سواء بالجيد او السيء و هو ده هدفي من الموضوع عشان نحاول نخلي اللي حيشتري يستفاد
اللي حصل كالتالي:
روحت للسقا على اعتبار انه اقرب ليا و كنت ناوي بعدها اروح ل فور برازر و الفادي ثم سمير ريان
كل ده على اساس ان خطتي اتفرج الخميس دي و اشتري الجمعه
ولكن تم تغيير خطتي بالكامل بعد ماروحت للسقا
اولا قالي ان العرض اخره النهارده مش يوم الاحد 28 !!!!!!!!!........ ومحدش يسأل ليه
و السعر 75900
فبما ان الساعه كانت 7.30 مساء قررت اوفر وقت و اروح لسمير ريان
روحت و بعد ما كان السعر 75000 من عشر ايام قالي نفس الكلام العرض خلص و بعدين قال ممكن ب 76000 فكان معايا كارت واحد من المبيعات ف السقا اسمه الاستاذ/عصام المهم كلمته و قالي تعالى و انا هعمل معاك واجب
وقررت ارجع للسقا
و مع ان سمير ريان كان ممكن ينزل ف السعر
بس بعد ما رجعت للسقا قالي 76500 وكده طبعا واجب ده خلاص بقت 78000
بيني و بينكم انا حسيت ان الكل بيبيع و يشتري فيا
على اساس ان انتهاء العرض و 2000 جنيه التخفيض انتهوا و انه هيطلعهم من جيبه ليا
انا طبعا زعلت من حكاية ال76500 اللي قالها دي (ماهو يا 75900 يا 77900)
لكن يبيع ف التخفيض و يحسبهالي اغلى 600 جنيه
المهم كان ساعتها موجود على ما عرفت انه صاحب المعرض نفسه و خد الكلام من على لسان أ/عصام و قالولي 76000 و ده يبقى معروف كبير جدا
المهم انا حسبتها:
انا مشيت من عند سمير و الساعه بقت 10.30 مساء و السعر خلاص غلي
فدفعت 76000 مع اني زعلان - هما اكيد ناس كويسين و مضمونين بس مكنتش مبسوط من طريقة الكلام و الفصال ف السعر - مع ان طبعا الحمدلله انها خلصت بالسعر ده - بس الطريقه !
المهم انا استلمت العربيه
و فيما يخص الورقيات اخدت فقط ايصال استلام (صورة محضر استلام) على اعتبار اني هاخد الافراج الجمركي و المبايعه و شهادة البيانات يوم السبت
وكمان مرديش يديني دفتر الضمان غير بعد الترخيص !!
طمنوني فموضوع الورق ده ايه النظام و ايه رائيكم ؟
انا كان نفسي فلون شامبين و جبت فيراني لان كان موجود سيلفر وفيراني و اسود(مجبر اخاك)