عرض للطباعة
بسم الله الرحمن الرحيم
انا محتار جدا بعد ما بعت البيجو حبيبتى محتار اجيب ايه محتاج عربيه جامده وفى نفس الوقت جديده وفيها كل الامكانيات الحديثه لكن امكانياتى محدوده واللى اقدر عليهم دلوقت
1-دايو نوبيرا2 استعمال
2-اسبيرانزا تيجو 1600 زيرو
3-اسبيرانزا m11 زيرو
4-شسفروليه افيو زيرو
محتاج نصيحتكم لانى بجد محتار وزهقت من المواصلات
ارشح نيو اكسنت اوتوماتيك اعتقد 82000او مانيوال 76000
+1اقتباس:
المشاركة الأصلية كتبت بواسطة khaled_amer
او اللوجان او الساجا او اللانوس
+1اقتباس:
المشاركة الأصلية كتبت بواسطة khaled_amer
وللأسف لا أفضل أي واحده من ال٤ وإبعد عن الأفيو (كانت معايا)
وممكن تفكر في اللوجان أو الريو
حاول تحط عربيات تانية غيردول في المقارنة
هتلاقي عربيات كتير في نفس الفئة السعرية
لو من ال 4 دول
يبقى M11 لو سيدان و تيجو لو Suv
غير دول يبقى نيو أكسنت
العربيات دول عاملين سوق وحش وسمعه سيئه فى مصر
فبلاش افضلك لان مشاكلهم كتير ومتعدده
انما رأى لو بره دول يبقى نيو اكسنت افضل اختيار عربيه محترمه جدا جدا
m11 طبعا عربيه جميله جدا والناس بتشكر فيها
من اللي ذكرتهم النوبيرا مانيوال الأفضل في وجهة نظرى ,, وابعد عن الصيني وغنيله
انا مش من محبي الصيني فمش هاتكلم فيه
لكن النوبيرا احسن من الأفيو بكتير اوي
اسبيرانزا تيجو .. انزل اركبها في اي معرض .. واقرا تقاريرها هنا في المنتدى .. العربية حلوة اوي ومفيهاش اي عيوب جوهرية .. وواسعة وعالية و شيك وموتورها حلو .. متصدقش حد لما يقولك موتورها ضعيف ضعيف .. العربية ثابته جدا . ومناسبة جدا بالنسبة لسعرها .. وانا شايف انها تتفوق على اي عربية في العربيات اللي حضرتك كتبتهم .. بجد سيارة تستحق الاحترام .. مع العلم اني راكب عربية اوربي كمان .. فا من الصعب اني اقتنع الا اذا كانت العربية فعلا ممتازة وتقبل فائق تحياتي
انا شايف ان النيو اكسنت افضل اختيار
و لو مصمم علي اسبيرانزا
يبقي خليك في ال m11
لو المقارنه هتقتصر فى الاربعه دول يبقى النوبيرا
لو ممكن تفكر فى حاجه تانيه خارج المقارنه يبقى لوجان حلوه
تيجوووو ...احسن وحده فى دول
مع انى مش بحب الصينى ... لكن تيجو حاله اسثنائيه
متشكر جدل على ارائكم انا شفت عربيه نوبيرا موديل 2004 تعتبر زيرو فابريقه بره وجوه بس اخرها 52000 مش عارف مش مستريح للنوبيرا وركبت ال تيجو وال ام 11 بصراحه روعه ومحدش اشتكى منهم فى نفس الوقت حاسس ان النيو اكسنت واللوجان صغيرين وانا بحب العربيات الكبيره والواسعه واهم حاجه عندى انى اركب عربيه كويسه ومحترمه وسعرها معقول لا يتعدى ال 85000
صني او جين2 او بيرسونا او سيريون او جراند بونتو او واجا
كل دول تقريبا في نفس الاسعار
نوبيرا منوال اكتشفت مواخرا إنها عربية محترمة جدا
يلاهوى عايز عربية جامدة وبتستحمل ومش حاطط اللوجان فى المقارنة ازاى!!!!!!!!
سمعت كلام حلو قوى على اللوجان وممكن تدخل فى المقارنه بس مش عارف ليه مش بستريح لنيسان صنى
ومالها الm11 أو التيجو انا شايفهم عربيات كويسة جدا
انا عن نفسي بقارن بين الاثنين دول
حكاية صيني دي بقت موضة قديمة انسوا بقى حكاية صيني دي
الاسبرانزا عدت خلاص المرحلة دي