الموضوع: فين سوق السيارات اللى فى القاهرة

اولا مكان سوق السيارات معروف هو في مدينه نصر وطريقه تركب اي عربيه من السابع رايحه العاشر لانه في الطريق ده و بعدين السوق بيكون يوم الجمعه انا رحته كذا مره المساحه كبيره و موجوده مختلف انواع السيارات فيه و تقريبا شغال السوق يوم الاحد بس مش متأكد لانه رحته بس يوم جمعه و لو رايح هتشتري لازم يكون معاك ميكانيكي كويس و تكون عارفه عشان يكشف علي العربيه و يكون برده فاهم و ربنا يوفقك

شكرا يا باشا على ردك السريع ده بس هل بيبقى فيه تجار هناك و لا لأ و اعرف ازاى اذا كان تاجر و اذا كان فيه وسطاء هل الشارى و البايع بيدفع و لا واحد بس و اذا هادفع يبقى فى حدود كام
معلش اصل انا معلوماتى محدوده فى مجال المستعمل ده

انت و شطارتك

المشاركة الأصلية كتبت بواسطة hoko_mosha

معلش يا شباب داوشكم معايا انا بفكر اجى السوق اللى فى القاهرة علشان ادور على سيارة 128 بس للاسف مش عارف مكانه فين فياريت تقولولى هو فين بالضبط و اروحه ازاى علما بانى مش هاجى بالعربية فهاجى مواصلات بايه اللى ممكن اركبه علشان اوصل و اخلى بالى من ايه فى الموضوع ده كله
شكرا مقدما على تعاونكم

من ميدان رمسيس امام ميجد الفتح اركب اى ميكروباص او اتوبيس رايح العاشر
ولما تلاقى اللى انت راكبه وقف فى زحمه ومش عارف يتحرك
اعرف انك وصلت السوق
:p:p:p

المشاركة الأصلية كتبت بواسطة hoko_mosha

شكرا يا باشا على ردك السريع ده بس هل بيبقى فيه تجار هناك و لا لأ و اعرف ازاى اذا كان تاجر و اذا كان فيه وسطاء هل الشارى و البايع بيدفع و لا واحد بس و اذا هادفع يبقى فى حدود كام
معلش اصل انا معلوماتى محدوده فى مجال المستعمل ده

السوق ده معمول عشان يكون كل واحد مع نفسه
يعنى السياره تدفع رسم دخول فقط ولا احد يكون له علاقه بيها فى البيع و الشراء
يعنى ممكن تتفرج والسياره اللى تعجبك تتفق مع صاحبها على السعر والشهر العقارى فاتح وموجود امام السوق
تدفع الفلوس وتسجل مباشرة وتروح بالعربيه
بس انت ونصيبك ...العربيات كتيير جدا مش عايز اقولك اكتر من عشر الاف متصدقش
بس الحاجه العجيبه ان السيارات الحديثه عددها لايقارن بالسيارات القديمه
وربنا معاك ويكفيك شر السوء
:o:o:o:o:o:o:o

الله يخليك يا استاذ magomago انا دلوقتى فيه عربية سمعت انها مقبوله و بنفس الثمن تقريبا و هى الماروتى موديل من 98 ال 2001 تقريبا بتعمل حوالى 18500 او 19000 هل الكلام ده صحيح و هل هتبقى حالتها كويسه و لا لأ
شكرا مقدما

اسف لانى تاخرت عليك فى الرد
بالنسبه للمبلغ اللى معاك
افضل تجيب 128.. وخصوصا لو كانت من مدينتك
عشان تاخد راحتك فى الفرجه والفحص والعرض على حد فاهم...وربنا يوفقك