الموضوع: بعد الامطار ... العربيه ضاعت و يا ريت تساعدوني

لو العربية مركونة فترة اديها مشوار جامد على طريق طوال هتفرق معاك كتير

المشاركة الأصلية كتبت بواسطة romeo_6887

ربنا يساهل
بس اروح بيها فين يعني ؟
بورسعيد صغيره
و مفيهاش جري

روح بيها السويس وللا بور فؤاد .. وللا اقطع نص الطريق لسيناء وتعالى .. أنا بحسدك أساسا على المكان الاستراتيجي الفظيع اللي انت قاعد فيه .

المشاركة الأصلية كتبت بواسطة romeo_6887

ايه وجه الاستراتيجيه في بورسعيد ؟
هي الميزه الوحيده فيها انها صغيره
و لو عجباك بورسعيد اوي
تعالي عندنا و سوق نص ساعه بس :e_braces[1]:
هتكره نفسيتك و هتكره السواقه :i_angr1[1]:
بس مقولتليش علي رأيك في البلاوي اللي حصلت

أنا باتكلم من منظور استراتيجي بحت ..
على المستوى المدني والمستوى الحربي ..
والجغرافي والسياسي ..
أما مسألة السواقة والذي منه فأنا عمري ما شوفت بور سعيد ولا أعرف عن طرقها حاجة .. أنا معلوماتي عنها خرائط وبس .

تعالى بقى لموضوع المية .. بصراحة ..(ياما دقت على الراس طبول) وماتنساش إني من الأعضاء القليلين هنا اللي غيروا ضفيرة بالكامل .. يعني موضوع الكهرباء ده أنا متعلم علي فيه التعليمة التمام ..
ولأن عربيتي بتكره المية موت .. كنت لما أغسلها بسيبها يومين كاملين في الشمس (تكون طينت تاني أساسا !) لحد ماتنشف وإلا باخد أحلى تهييس من السنتر والأيدل والتي بي إس وكل الليلة !
يعني أنا من رأيي إن السادة الأعضاء يسيبوا عربياتهم شوية لحد ما تنشف تماما .

هي العربية وقفت علي مكان فيه ماية عالية ولا ايه

المشاركة الأصلية كتبت بواسطة romeo_6887

قولت انزل بالعربيه بقالها كتير ممشتش و لكن :

1- صوت المكنه كانها مكنه عربيه نص نقل
2- رجه بالعربيه ساعه الدواره سواء سخنه و لا بارده
3- صوت المارش بقي عالي و غريب
4- علي السلانسيه ال rpm بقي عالي
5- رجه ملحوظه علي السلانسيه
6- عضه في الفتيس علي جميع الغيارات تقريبا
7- المكنه بقت بتسقف كتير
8- دواسه الفرامل بقت بتقاوم الدوسه شويه
9- العربيه مع الفرامل بتزحف
10- تاخير في الدواره

اما حاله العربيه فهي كالتالي :
1- البوجيهات لسه جديده ( لسه شاريها من اسبوعين )
2- فلتر البنزين و الهوا متنضفين برشاش الهوا من اسبوعين
3- السيور لسه بشوكها ( لسه نيو يعني )
4- التيل لسه زيرو ( مغييره من 3000 كيلو بس )

قولولي بقي ايه الحلول العمليه في البلاوي دي

ياباشا ماأعتقدش أن ميه المطر والعربية راكنة ممكن تعمل كل ده إلا لو كانت سيل لاقدر الله . بعني ممكن تلاقي العربية محتاجة تتنظف لو فية حته فيها صداء ممكن تربي بارومة ...إلخ بس مش أكثر.

بس على فكرة جزء كبير من الأعراض إلي أنت بتقول عليها بتيجي من الركنة لفترة كبيرة(صوت الفرامل رجرجة في الماتور في أول الدوارة تلاقي صوت عالي شوية أثناء المشي) ودية بتروح لما تعمل مشوار معقول بالعربية...