لو الجهاز عندك بطئ فى الأستجابه أول حاجه تعملها انك تعمل فورمات للجهاز أقولك ازاى
أول حاجه تنسخ الأسماء عالشريحه ولو الأسماء عندك كتير أنسخهم عالكارت ولو مقلق من الكارت أنسخهم عالكمبيوتر عن طريق برنامج ال Nokia PC Suite اللى موجود فى الأسطوانه اللى مع الجهاز أو نزله من موقع نوكيا الرسمى
بعد ما تسطب البرنامج أعمل نسخه أحتياطيه للأسماء والرسايل ولأى تطبيق مهم محتاجه
بعد ما خلصت كل ده أمسك التليفون وأكتب الرمز أو الرقم ده
#7370#*
بعد ما تكتيب الرقم هيكتبلك (استعادة كل ضبط الهاتف الأصلى ؟) أضغط على نعم وأتأكد ان البطاريه مشحونه قبل بدء العمليه
هيطلب منك رمز القفل أكتب 12345 ولو مغيره أكتب الرقم اللى مغيره
التليفون هيعمل ريستارت لواحده وهيطلب من بلد الأقامه وكده يبقى الفورمات تم
بعد كده توصل الموبيل بالكمبيوتر وتعمل أستعاده للنسخه الأحتياطيه
قبل ما تركب الكارت فى الموبيل يفضل نسخ كل اللى فى الكارت على الكمبيوتر وركب الكارت فى الموبيل وأعمله فورمات وبعد كده شوف الحاجات المهمه فقط اللى على الكمبيوتر وأنسخه عالكارت
خلى بالك قبل ما تعمل الفورمات للكارت أتأكد ان الأسامى رجعت تانى عالموبيل ( فاكر لما قلتلك أعمل نسخه على كارت الميمورى ) علشان تضمن نسخه للأرقام محفوظه .
بالنسبه لزرار 3 طالما شغال بس بيعلق يبقى محتاج نضافه فقط
روح لأى مركز ينضفلك المفتاح اللى بيعلق فقط .