السلام عليكم يا شباب اية الاخبار انا دلوقتي كنت من ملاك الاوبل و بعتها دلوقتي بفكر في موديل عالي شوية ياعني 2008 مثلا ولا 2007 اية رأيكو في اللانسر عاوز اعرف استهلاك البنزين في البلد خاصة اني كل شغلي في البلد القاهرة الجميلة :d
متوسط استهلاك البنزين و يا ريت لو حبيت اكشف علي العربية اللي اشوفها اكشف عليها فين و الرينج كام للعربيات الهاف سبورت 2008 عاملة 38000 كيلو يا ريت الرد
ما شاء الله واضح ان مفيش اي حد من اعضاء ميتسوبيشي للرد في فرق جامد كدة بين الاوبلاوية و الميتسوبيشيوة :d
لا يا فيكترا
اصبر انت بس وهتلاقيهم داخلين عليك زي المطر
وبعدين يا راجل الموضوعك بتاعك لسة معمول الصبح
اللي اقدر افيدك فيه هو بالنسبة لموديل قديم شوية هو الكريستالة 99 و دي 1300 اوتوماتيك
استهلاكها جوة البلد حوالى 180 كيلو في الصفيحة وبرة البلد 200 كيلو
لو حبيت تكشف على العربية معلش
اغرم شوية وادامك مكانين اتنين بس هما اللى امان
الاول التوكيل في الطريق الزراعي في قليوب عند المهندس طارق وهو عضو معانا هنا اسمه مصراوي جدا ومتعاون اكتر مما تتخيل مع الكل
او تكشف عليها في الرواس وبردو التوكيل في شارع شامبليون جنب نقابة المحامين والصحفيين
الاستهلاك جوة البلد 1600 اوتوماتيك 200 كيلو وعلى السريع 300 كيلو ومتوسط السعر لو فابريقة 85الى 87 الف جنية
متوسط الإستهلاك جوه البلد من 220 إلي 240 كيلو في الصفيحة
ولو انت ناحية قليوب في مركز الخدمة هناك والمهندس طارق هيفيدك جدا
لو مش عاوز تسافر في برده الرواس في العجوزة
الف شكر ليكو يا رجالة و ربنا يجعلها معرفة خير ان شاء الله و جاري البحث عن عربية اهو و ربنا كريم يا ريت تدعولنا ربنا يوقعنا في حاجة كويسة و بنت حلال كدة
بالتوفيق انشاء الله
اقتباس:
المشاركة الأصلية كتبت بواسطة opelvectra
مش قلت لك اصبر شوية يا فيكترا لما يقروا الموضوع
يا باشا تشرفنا وتنور ساحة الميتسوبيشي وهتعرف اد ايه الناس هنا خدومة جدا
من اول الكبير المهندس طارق
للعبقري الخدوم هيما لانسر
للخبير محمد عزت
وكل الناس الموجودة محدش منهم بيقصر في اي حاجة مع اي عضو هنا
باين ياباشا طبعا و انا كنت بهرج طبعا في الاول كلنا في المنتدي عموما اخوات و ربنا يديم المعروف و المودة و الرحمة يا رب امين
+111111111111اقتباس:
المشاركة الأصلية كتبت بواسطة drmsadek1979
ان شاء الله تلاقى العربيه الى انتا عايزه و المتسيبوشيه يزيدوا واحد وعصابه الاوبل تنقص واحد هوا ده التغير yes we can وعقبال باقى الاوبليه ان شاء الله