شوف يا باشا..أنا معايا أوكتافيا a4 ولانسر 2009 زي بتاعة حضرتك أوتوماتك 1600.
مبدئياً مفيش وجه مقارنة بين العربيتين في أي حاجة ( ثبات علي سرعات عالية حتي 200كم/س - قوة العفشة - قوة الصاج - فخامة ) كل ده الأوكتافيا تكسب طبعا.
بالنسبة للتكييف حضرتك الياباني يبرد أسرع من الألماني.الألماني يحتاج 5 دقائق عشان يسقع العربية.مع الأخذ في الإعتبار إن تكييف الأوكتافيا ميعرفش أبوه لما يبرد.مفتري بمعني الكلمة.وطبعا تكييف اللانسر ممتاز كعادة الياباني يعني.
بالنسبة لحرارة العربية في الأوكتافيا طبيعتها 90 في أحسن الظروف و كذلك في أسوأ الظروف.
بالنسبة للسحب.طبعا مفيش شك لما بجري باللانسر بيكون في فرق في الطلعة بينها و بين الأوكتافيا.واليباني معروف في عزمه في الطلعة.لكن..الأوكتافيا بعد ما تعدي 100 كم/س....سلملي علي اللانسر بقي سواء بالتكييف أو من غيره.و أخر سرعة وصلت ليها في اللانسر 195 بعد ذل كبير و كنت مرعوب من خفتها..وفي الأوكتافيا 215 من غير ذل زي اللانسر و كنت مستمتع بثباتها.
الكلام اللي بقولوا لحضرتك ده علي a4 اللي هي معايا في توقيعي دي وبرده علي اللانسر البومة اللي برده معايا.بالتالي طبعا أكثر من الكلام ده ينطبق علي a5.علي فكرة الأوكتافيا لو عامل بيها 150000 كم دي مش كتير عليها علي عكس اللانسر.
وفي النهاية العربيتين حلوين.لكن دي فئة و دي فئة تانية.وأتمني إني أكون أفدت حضرتك.
المفضلات