عايز اشترى عربية زيرو لايزيد سعرها عن 60 الف جنيه
انهى عربية فى رنج السعر ده تعتبر الارخص فى اسعار ثطع الغيار
عرض للطباعة
عايز اشترى عربية زيرو لايزيد سعرها عن 60 الف جنيه
انهى عربية فى رنج السعر ده تعتبر الارخص فى اسعار ثطع الغيار
زود شويه وهات لوجان يا بلفلوس ديه تجيب بوردوا ويبتقى كمان
مش هتعرف تجيب زيرو بالتمن ده و حاجة معروفة و اعتمادية
معلش حاول تستلف و تزود شوية وتجيب فيرنا فاضية و قطع غيارها رخيصة و فى كل حتة
اللوجان فلوسك هتكفيها (فيها كذا باقة) بس مااعتقدش نهائى ان قطع غيارها رخيصة
العربيات اللى لاقيتها اقل من 60 الف هى
ماروتى بس للاسف مافيهاش تكييف
التو
سلاريو
هيونداى اتوس
هيونداى i10
شيفروليه سبارك
سبرانزا A113
لادا 2107
بيكانتو هاف اوبشن
ايه رايكو
هات لانوس ( دايو / شيفورلية )
شوفلك عربيه تكون كسر زيرو دايو فيرنا
وربنا يوفقك
لادا 2107 .
هو اختيار من 3 2107 فيرنا لانوس غير كده مفيش
زود 3 تلاف جنيه و هات فيرنا فيفا , و قطع غيارها منتشرة جدا و رخيصة
هيونداى i10
مفيش غير لانوس ملكة قطع الغيار جديد أو أستيراد
يعنى بعشرة جنية تمشيها و بألف جنية تمشيها
لوجان اقل فئة متهيئلي ب 56 ودي احسن حاجة
اللوجان قطع غيارها متوسطة مش غالية قوي بس احسن سبع تلاف مرة من اللانوس والاهم ان فطع غيارها معمرة يعني ركبها وانساها
توكل على الله و هات لادا 2107 روسي اينجيكشن و ظبطها كماليات بكام الف و عيـــــــش و قطع غيارها زي مابيقولو عند البقال انا لسه شاري واحده من شهرين حقيقي عربية محترمة و مظلومة في اوساط كتييييير
انسى اللوجان هتقعدلها سنتين و هتختفي ممكن تستنى موديل Dacia Logan بتاع المغرب هيبقى احلى شوية على كلام الناس بس اللادا اقوى و اكثر اعتمادية..و بعدين احنا في مصر حقيقي محتاج عربية بعد ما تدفع فلوسك تعيييييييش علشان موش كل سنتين هتكسر 50 الف من مدخراتك في عربية جديدة :D و معظم العربيات الي في السوق الي في رينج ال 50-60 الف جنيه عربيات ضعيفة كموتور و كجسم فعلا اللادا افضل....... و بعديها البيكانتو لو تقدر تتحمل تكاليفها علشان انت حتجيب اقل فئة بحوالي 59 الف جنيه ده اخر سعر انا فاكره و ماتقدرش تقول ان قطع غيارها "رخيصة" و لا تقارن بقطع غيار اللادا و سوق تداولها ابدا ....
..... خش على قسم اللادا و عبش فيييه شوية و لو عندك استفسارات او نصائح قبل الشراء وانت عاقد العزم على اللادا انا في الخدمة و أنا من الاسكندرية ده لو هتشتري العربية من هناك عشان انا موش عارف حضرتك ساكن فين
-تعديل-
و بالنسبة لموضوع الباور اللادا لو حافظت على عفشتها و صيانتها موش هتحس انك محتاج باور ستيرينج غير في الركنات بص و بصراحة هيه بتزهق شوية في اول يومين لما تشتريها :)
وبالنسبة للتكييف في التوكيل بيركبولها تكييف يـــــاني كويس تقريبا ب2800 جنيه
طب انا عندى اقراح
ايه رائيك فى السايبا برايد
عربيه ب52000 كامله بالتكيف والباور والسنتر وزجاج كهرباء امامى وقطع غيار رخيصه جدا واى ميكانيكى يفهم فيها ونفس قطع غيار البرايد
من الاخر شوف اللينك ده واحكم
http://www.nilemotors.net/Nile/54953-a.html
انا راكبها بقالى 15 شهر واكتر من ممتازه معايا
روح شوفها فى اى معرض او توكيل ومش هاتخسر حاجه
الفيرنا زيرو فاضية ب62 ألف دلوقتي لحد آخر مارس !!
لادا 2107 روسي
ما دام بدور على رخص قطع الغيار يبقى لادا علطول وهي زيرو بالتكييف والبور الروسي منها مش المصري في ب 55000 ألف جنيه
بس عيببها ارتفاع صوت المحرك
لكنها اعتمادية بالدرجة الاولى
الوكيل ناشونال موتورز فى جامعه الدول بجانب البفاريا ومعرض اتو ماجد والمصريه واخدين توزيعها وفى معرض فى شارع الطيران وكمان شركه الكويت والبلاد العربيه فى شارع التحرير بجانب محى الدين بس لو طلبت ناشونال بالتلفون هايدلوك لاقرب فرع
افضل اختيار byd- f3 عربية ماتور ماتسوبيشى وعفشة كرولا والصالون بتعها حكاية وبتتجمع فى مصر عند شركة الامل توكيل لادا فكدة قطع غيارها رخيصة
ممكن تشوف بروتون ساجا عربية كويسة وعملت سمعة طيبة لدى مالكيها للاسف انا مش معايا العربية دي فمقدرش افيدك اوي بس اسأل عليها وخليها في حسباتك وهي في رنج الفلوس اللي معاك
لانوس او فيرنا
لانوس او فيرنا هما افضل حل حيث انك سوف تحس انك اشتريت سيارة الافضل فى فئتهما بكل تاكيد و كمان قطع الغيار الاصلية متوفرة و قطع الغيار المتقلدة متوفرة و الميكانيكية اللى فاهمين فى النوعين دول منتشرين فى كل مكان و اعطالهم اصبحت معروفة بالكامل لاصحاب الخبرة فيها
و قطغ الغيار الاستيراد بتوع الانواع ديه خلت فيه سوق للمستعمل فى ش العشرين فى فيصل مشابه بل و احسن من وكالة البلح بكثير و اقتصادية فى البنزين و الشكل جذاب و لهم سمعة عالية فى الشراء و البيع
و بما انى لانساوى فسوف انصحك تختار احدهم و هى اللانوس
شيفروليه سبارك