تقرير صيانة الالف ك للجميلة برسونا
السلام عليكم احلى شباب
انا الحمد للة عملت انهاردة صيانة الالف وكان يوم جميل وروعة ونبتدى التفاصيل كالتالى:
كلمت رقم خمة العملاء ردت عليا انسة داليا قولت عايز احجز صيانة الالف قالتلة فى ملاحظات قولتلها فى التليفون اقولها قالتلى ايوة حضرتك
فقولت طبعا حغير زيت والسنتر الباب اللى ورا بيعلق وفى صوت كدة من ورا فى المطبات من جوة العربية وفى تزييق بسيط لما بحرك الدركسيون وانا واقف بس
وقالتلى اوك تيجى السبت الساعة 9:30
وروحت دخلت سلمت السيارة جية المهندس احمد قولتلة نفس الملاحظات وسلمتها قالى تستلم الساعة 3 قولتلة كتير قالى لو خلصت بدرى حكلم حضرتك بس وروحت انا وكان معايا واحد صاحبى على كارفور كلنا واشتريت شوية حاجات تلميع التابلوة وفوط ومعطرات ولقيت مكالمة الساعة 12:40 بيقولى العربية خلصت وانا مسلمها الساعة 10 ففرحت وروحت فقالى خلاص السنتر وتشحيم والزيت وكلة اتظبط ركبت جربت زى الفل فحسيت بردة بوضوع الدركسيون دة فقولتلة فبعت معايا مهندس يجرب فقالى يا باشا حضرتك بتلف الدركسون وانت مدى d ودايس نص فرامل دوس فرامل جامد كدة وجرب وفعلا لاقيت مفيش صوت قالى دة طبيعى فى اى عربية وروحت طاييير بيها وقولت اجرة بقى جبت 165 ك بجد قمة فى الروعة والجمال ماشاء اللّة ثبات جميل على الطريق والتكييف تلاجة بجد السحب بردة تحفة واداء رياضى خطيييير بجد وكمان كان فى صوت بسمعة فى المطبات بردة اختفى بجد اى حد حيتكلم نص كلمة وحشة على عربيات بروتون حقولة اشترى وجرب والتوكيل ناس محترمة وخلوقة
المهم الرأى النهائى انا الحمد للة سعيد جدا بالبرسونا ومش عايز اكتر من كدة والى اللقاء فى تقرير 5000ك:rolleyes2::E_braces[1]: