بيجو 405 مو 1996 - ممكن المساعدة؟؟

السلام عليكم ورحمة الله وبركاته

الأخوة الأفاضل .. أصحاب الخبرة في البيجو عموماً .. وموديل 405 بشكل أخص ..

ممكن تساعدوني .. إن شاء الله في خلال أيام قررت أشتري بيجو 405 مستعملة .. وأثناء بحثي .. عرضت علي سيارة بيجو 405 مو1996 اوتوماتيك موتور 1800 سي سي مش مرشوشة برة ولا جوه .. بدهان الفابريكة .. وصاحبها بيقول إنه بيعمل عمرة للفتيس كل سنتين .. هو طالب فيها 45 ألف جنيه ..

ياترى ايه رأيكم في السيارة دي .. وهل تستخدم هذه السيارة بالنسبة لأسرة فيها كبار سن كسيارة تنقل داخل المدينة .. وممكن تستخدم لسفريات طويلة أكثر من 1000 كيلومتر ..

وكمان ايه اللي مفروض أركز عليه وأنا بشترى السيارة دي وأثناء فحصها؟؟

وإيه هي أهم عيوب العربية دي .. والتكييف عموماً في البيجو لأن فيه ناس خوفتني من تكييف البيجو .. واستهلاكها للبنزين إيه أخباره .. وهل السعر ده مناسب ..

إيه الكماليات اللي ممكن تتضاف للعربية بعد الشراء .. ومنين أجيب الكماليات دي وأركبها عند مين برضه بس يارت في القاهرة :)

أرجوكم النصيحة بسرعة .. فالصفقة على وشك أن تتم !!

تحياتي وتقديري لكم جميعاً

ال 405 بتاعت كلوا وعمالية جدا جدا
يعنى حمل وسافر واجرى وخد عندك ماشاء الله ثبات واداء وعزم وامان وقوة وتحمل واعتمادية عالية
اهم حاجة متكنش ملعوب فيها وتكون حالتها جيدة جدا
اهم حاجة الشاسية خصوصا من تحت حالة الحوض والشنطة والقوايم
وتركز وانت بتجرب العربية على صوت الماتور وصوت العافشة وهل العربية بتزيق فى المطبات من الصالون من جوة
غير كدا بقي كلة سهل
الزيادات بقي
خد عندك
هتغير الزيوت كلها والفلاتر كلها والسيور كلها بقطع غيار أصلية عشان تنساها
العفشة كلها تروح عند حد يراجع على جلد العفشة بالكامل والمساعدين والتيل والطنابير
شوف حالة الكاوتش ايه
شحن التكييف وادائه
ركز جدا فى الرافيع لأنها غاليه جدا ونادرة وخصوصا فى الصالون من جوة وحالته الرفارف من عند البيبان والبرومة
مفصلات البيبان خصوصا اللى قدام
وبالتوفيق ان شاء الله

الأخ الكريم .. هيرو ..

أشكرك كثيراً على الرد .. بارك الله فيك ..

مازلت أبحث عن عربية كويسة علشان أشتريها ..

النصايح اللي حضرتك قلتها هأخلي بالي منها أثناء الشراء ..

تحياتي البالغة لحضرتك ..

ماتنساش تجرب العربية قبل ما تاخدها وتمشى بيها على سرعة عالية فوق ال 100 زى 120 مثلا وتشوف لان سعات بيكون فيها عيب الدركسيون بيترج جامد على السرعات العالية اما لو الرجة خفيفة اوى مش مهم واتأكد ان جنوطها اصلية لان ناس كتيير بتبيعهم وتحط جنوط صينى شبهم واتأكد من الرفايع زى ماهيرو قالك يعنى الطفايات والولاعات والاكر والمساند وكدة وان شاء الله تلاقى واحدة ممتازة