ازيكم يا جماعه بجد وحشتوني ووحشني المنتدي معلش بس ظروف الشغل والسفر خدتني منكم
وبصراحه انا جاي بعد ما جمعتلكم شويه مشاكل تمام وعاوزه خبرتكم عشان تتحل
العربيه دايوا لانوس 1 موديل 2000
اول مشكله حصلت اني بقيت لما ادرو العربيه الصبح اول ما اشيل رجلي من علي الدربياش والعربيه مور بسمع صوت كركبه في العربيه ولو بره العربيه تسمعه واضح خالص وخاصه لو فاتح الكبوت كان حديد بيغبط في بعض رحت للميكانيكي قالي ده الفتيس عاوز يتغير وانه مش بيتصلح ولازم اجيب واحد استيراد هل ده صح
الحاجه التانيه العربيه بصراحه بقت عامله زي عربيه سيت بتاعت واحد صحبي في المطبات كل ما اخد مطب اسمع حجات بترزع وتخبط وخاصه من الناحيه اليمين ورا المشكله الاكبر ان الكلام ده حصل مره واحده وبرده مره واحد لقيت العربيه كانها لمبورجيني زيرو والعفشه في منتهي النعومه ومره واحده برده كل حاجه رجعت تاني تخبط ايه اللي بيحصل مش فاهم
المشكله الثالثه نزلت افتح العربيه لقيتها مش بتفتح ابص علي لمبه الانذار لقيتها مش شغاله اصلا فتحت بالمفتاح عادي وجيت ادور العربيه العربيه مارضيتش تدور ولقيت مفيش حاجه شغاله اصلا فيها ولا حتي الساعه ولا اي حاجه المهم فتحت الكبوت وقست البطاريه لقيتها فاضيه علي الاخر مفهاش فولت واحد دورت العربيه ببطاريه تاني ويدوبك عملت مشوار خمس دقايق البطاريه شحنت تمام ودورت علطور واللي انا متئكد منه ان البطاريه عندي تمام وقويه جدا ومش بتنام حتي مع الركنه بس مش عارف ايه اللي حصل وخايف يتكرر تاني
المشكله الرابعه ان العربيه فيها رعشه علي السلانسيه بتروح وتيجي كانت حصلت قبل كده رعشا زيها بس كانت علطلول مش بتروح وتيجي من حوالي شهر وغيرت قواعد المتور كانت مقطوعه وراحت تقريبا رعشا زيها كده
اخيرا الدركسيون عندي تقل شويه خاصه بعد ما غيرت اويلسيل البور والميكانيكي قالي ديه شغل عفشه هو مش فيه سير وطرومبه وحجات كده تاني شغل ميكانيكا خاص بالبورولا ايه
برجاء اللي يقدر يفيد في حاجه يقولي وشكرا ليكم تعبكم معايا بجد
وشكرا مقدما ليكم
المفضلات