وأخيرا جبت الويرا و دخلت عالم بروتون
اخيرا قدرت اجيب ويرا 2005 وبكده بقيت بروتوني أصيل
احب اشكر ايمن على جهوده الهايلة معايا و كمان احمد اللي فعلا خلاني آخد القرار بشاركاته في المنتدي و مشاركته القيمة في مشاركتي
http://www.nilemotors.net/Nile/125323-a.html
العربية حالتها ممتازة من ناحية العفشة و الموتور و كل ما هو جوة الكبود و الصالون و الكاوتش بحالة ممتازة و الاستبن منزلش الارض و كل صيانتها في التوكيل و كشفت عليها في ورشة فيصل بعد الوصاية الجامدة من ايمن
في فانوسين اشارة مكسورين و نقصتهم من التمن الكلي و جبتهم انهاردة من مكة ب 40 جنيه الواحدة و شوية حاجات تانية بس نقصتهم من التمن.
مشكلتها الوحيدة انها محتاجة رشة نضافة عشان التجاريح الموجودة
رحت كمان بالمرة عملت عقد البيع و دفعت 1085 جنيه :khd:
وبكرة ان شاء الله هروح افحص و اعمل رخصة 3 سنين و هدفع كمان 1000 جنيه تقريبا:stink[1]:
وبعد كده ممكن اقبل اي تبرعات مالية او عينية من الاخوة الاعضاء في المقابلة الجاية :36_7_4[1]:
بجد انا مبسوط جدا و حاسس اني مش لوحدي و كمان العربية ممتازة جدا كموديل و حاسس بقيمة فلوسي
بالمرة اعرفكم بنفسي
انا اسمي محمد صفا
28 سنة
اخصائي علاقات عامة في موبينيل (طلبات السادة الاعضاء اوامر)
متجوز و ساكن في فيصل او العباسية
أيمن باشا، عاوزين نظبط عشان آخد ستيكر نايل موتورز خصوصا اني مش هقدر آجي مقابلة السخنة