Hyundai I20 وريثة الجيتز

**Ahmed Anwer** · 30-12-2007 02:17 AM

اوشك عمر الشكل الحالي لهيونداي جيتز علي الإنتهاء ،،

و ظهرت صور تجسسية لل I20 وريثتها ،،

و هذه الفئة موجهة أساسا للأسواق الأوروبية لمنافسة فئة الكورسا و البولو

المتوقع ظهورها رسميا صيف 2008

و سيتم إنتاجها أيضا في الهند مثل ال I10

حيث أن مصنع هيونداي في الهند ، سينتج مستقبليا 30 % من إنتاج هيونداي ،

و ستتوفر بعدة محركات مختلفة ،،غير متوفر بيانات دقيقة عنها ،

Power is expected to come from a variety of petrol engines ranging between 70 and 110 bhp and turbodiesel engines ranging between 88 and 110 bhp.

الصور غير واضحة ،،

لكن الواضح إنها ستتخذ فوانيس اعرض من الجيل الحالي ،،

و كذلك اعتقد شكل التابلوه اقرب للنيو إكسنت ،،

معلومات منقولة من عدة مواقع ،،

**cpt_shawky** · 30-12-2007 02:32 AM

ربنا برحمنا من الوباء اللى احنا فيه

**cpt_shawky** · 30-12-2007 02:40 AM

ملحوظة الوباء = الجمارك

**Hesham A.Megid** · 30-12-2007 04:59 PM

أعتقد ان احنا مش هنشفها في مصر زي ال i10 و ال i30 :(

**CryptonX** · 30-12-2007 05:42 PM

المشاركة الأصلية كتبت بواسطة Hesham A.Megid

أعتقد ان احنا مش هنشفها في مصر زي ال i10 و ال i30 :(

لازم الاول يخلي كل شوارع مصر فرنا و حيتز و اتوس .. و بعدين بعد 5 سنين من الاحتلال ينزلك ال i20 و يسميها نيو جتز .. و ينزل الجتز فيف و جيتز مصري و جيتز صيني

وبعدين ينزل ال اي 30 انشاءلله يسميها ميني ماتريكس .. و ينزل الماتريك الفيفا و الصيني و المصري و ال اي 10 و النيو اتوس و الفيفا و البتتجاني

وبعدين تيجي توصف لواحد انت اشتريت ايع تقوله انا جبت نيو جيتز فيفا الهندي الي متجمعة في مصر الي هي اصلا مش عارف ايه , الي هي اصلا مش عارف ايه يبقى عندك 10000 مليون موديل من نفس السيارة .. النتيجة .. كسرة قطغ الغيار .. ازدحام و لخبطة عند الموزعين و مراكز قطغ الغيار و الصيانة .. هو موتور مين بيركب فين ... هو فانوس ايه يمشي فين !
وبعد متحجز سيارتك متبقاش عارف .. دي هندي و لا مصري و لا كوري .. 1500 ولا 1600 و لا 1300 ! اي ده ده في كمان 1400 لا ياراجل ؟؟ طب اوتوماتيك و لا مانوال ؟ في ستيبترونيك ؟؟ اده !! ازاز عادة ؟ لا هالف ابشن .. لا فول ابشنز ..
بس الشيء المشرتك ... ان الكاسيت حيبقى مسروق و يحطلك و احد JVC شكله عرة بداله

عفوا .. انا كنت في كابوس اسمه غبور .

**محمد عز** · 30-12-2007 06:20 PM

عندك حقفى كل كلمة قلتها ، بس جامده

**Ahmed Anwer** · 30-12-2007 08:15 PM

أنا غدا لناظره قريب ،،

بس هيا عموما ،، لسه مانزلتش بره ،،،

**Nile_Storm** · 30-12-2007 08:50 PM

معتقدش الكلام ده هيحصل لان الجتز متجحتش زي الفيرنا عشان يمسك فيها بل بالعكس ممكن ينزل الجديده بدل منها للفت الانتباه

**Ahmed Anwer** · 30-12-2007 08:59 PM

هوا نزل الإلنترا و النيو اكسنت مع نفس وقت نزولهم بره ،،

و اتوقع إنه هيعمل نفس القصة مع ال Iiiiii ( جمع I )
بس مسألة وقت
و طبعا مينفعش ينزل الجينيس و الأزيرا مصر ،، مين هيشتري عربية هيونداي أغلي من 300 ألف

مع العلم الإزيرا في الخليج ،، بيحلفوا بيها

اعتقد إنه معندوش مشكلة في تنزيل موديلات ،، بالعكس يعتبر الوكيل الوحيد اللي موفر كل موديلات ماركته تقريبا ،،

هيا الإكسنت و وريثاتها هما بس اللي كان بيطول و يلعب فيهم عشان ده سوق ال 60 الف ، مينفعش يسيبه

لو دخلتوا علي موقع فيات ،، مثلآ

هتلاقوا عربيات تحف ،، فين بقه اللي الوكيل منزله ،،