ايه رأيكم بسيستم صوت عربياتكم
ازيكم يا اجمد اعضاء عايز رأيكم في سماعات وكاسيت عربياتكم وهل في تحسن بالنظام الصوتي من عام لعام آخر ? وانا هبدأ بنفسي انا عربيتي واجا موديل 2006 الكاسيت عندي كلاريون بشغل اوديو بس وانا مقدرش كل كام يوم اعمل سي دي 17 اغنية وكان الحل اني جبت اف ام موديولاتور مع ان الكاسيت فيه aux بس مالقتش الوصلة بتاعتها بالنسبة للسماعات في الأبواب 20 واط وفي الشنطة بردو 20 واط وانا بصراحة مش عاجبني صوتهم ابدا عشان البيز ضعيف واحيانا مع تعلية الصوت من 22 الى 30 الصوت بيبقى مش نقي والسماعات بتضوج من فترة كان في مشاركة لعضو معانا مش فاكر اسمه ايه كان بقول ان سماعات البيرسونا 400 واط وجامدة جدا ليه بقى الواجا مش كده انا عجبني سيستم الكيا سيراتو ياجماعة البيز رائع و الكاسيت يقبل
mp3 - wma - aux- usb -ipod
وطبعا الوصلات جاهزة مش زي عندنا لازم تفك قطع من التابلوه عشان تعملها اسف على كلامي عندي سؤال لو غيرت الكاسيت بكاسيت جديد ممكن الملتي فانكشن يشتغل عليه ? تحياتى
