أستفسارات سريعة يا جماعة من مبتدئ صوتيات
بسم الله الرحمن الرحيم السلام عليكم و رحمة الله وبركاتة ,,
معلش يا جماعة أستفسار لمجرد الغلاسه و العلم بالشئ ليس أكتر و للخطة المستقبليه إن شاء الله
أنا شوفت سماعة صب بايونير كانت 1200 وات و كانت بـ550 و شوفتها على الجروب دة
هنا على الفيس بوك
فحبيت مثلا أسئل لو شغلتها عادى فى عربيه مثلا هتدى صوت زى سماعات الكمبيوتر الكرييتف أو الهامر و كدة ولا فيه أضافة تانيه ليها أنا عمتا عايز الصوت فيه بيز و نقى و يكون عالى أة بس مش فرح يعنى زى سماعات الكمبيوتر العاديه الكرييتف ؟ و كمان سمعت عن حاجة أسمها جى أم و مفهمتش يعنى أية جى أم بصراحه حتى الأن والجى أم بيعمل أية يعنى بينقى الصوت ولا بيوزعة ولا له علاقه بالبيز ولا أية بالظبط ؟ و أية المقارنه بينه و بين الصب العادى كشكل و أداء يعنى
سؤال تانى بقى أغرب شوية
أنا عندى MP4 و كارتة الصوت فيه نضيفة جدا يعنى لما بشغلة على الصاب بتاع الكمبيوتر بيهز البيت بينا أكتر مما بشغلة على الكمبيوتر فقولت ياض بدل ماتجيب كاسيت و سمعت أن أقل كاسيت نضيف بـ400 جنيه و أزيد كمان قولت طيب مانت ممكن تعمل وصلة من السماعات و توصل الأم بى فور فيه و كمان دا فيه ميمورى و تشغل الأغانى إلى عايزها و كمان بيتشحن شحن كهربا عادى يعنى و بيقعد فترة طويله (للعلم بس فتحه الام بى فور نفس فتحه الكمبيوتر) يعنى هيبقى زى جاك سماعات الكمبيوتر العادى فهل ممكن الفكرة دى تحصل ولا أنا بحلم ؟